Хуссар Иры сцалцӕг кӕндзысты фӕндаг Джеры дзуармӕ

© Sputnik / Наталья АйриянДжеры дзуар
Джеры дзуар - Sputnik Хуссар Ирыстон
Рафыссын
Цхинвалы районы коммуналон кусджытӕ ныридӕгӕн сцалцӕг кодтой хъӕууон фӕндӕгты 15 километры, ноджы ма уыййас нывӕндынц саразын. Цалцӕггӕнӕн куыстытӕ иууылдӕр аразы районы ЦКХ

ЦХИНВАЛ, 21 июл - Sputnik. Цхинвалы районы Джеры комы сцалцӕг кӕндзысты хъӕууон фӕндаг, фехъусын кодта Sputnik районы администрацийы Цӕрӕн-коммуналон хӕдзарады (ЦКХ) сӕргълӕууӕджы хӕстӕ ӕххӕстгӕнӕг Уазӕгты Мевлуд.

Знауыры районы ӕртындӕс хъӕумӕ бауадздзысты дон - Sputnik Хуссар Ирыстон
Знауыры районы ӕртындӕс хъӕумӕ бауадздзысты дон

Уый банысан кодта, ныридӕгӕн кӕй сног кодтой фӕндӕгтӕ цӕрӕг пунктты Мамысантӕ, Гудзабар, Уанат – Ортъеу, Уанат – Сацхен – ӕмткӕй 15 километры.

"Ӕввахс бонты райдайдзыстӕм кусын Уанат-Джер фӕндагыл. Фӕндаг, кӕцы цӕуы кувӕндонмӕ, цалцӕг кӕнынц ӕрвылаз. Фарон дзы хуыр ныккалдтам, фӕлӕ уалдзӕджы фӕндаг аласы дон. Ахӕм цалцӕг хъӕуы уадзын иудадзыг", - загъта Уазӕгты Мевлуд.

Уанат-Джер фӕндаджы хайы дӕргъ у 14 километры.

Ӕвзӕр фӕндӕгтӕ ӕмӕ донифтонгады цухдзинад сты Хуссар Ирыстоны Цхинвалы районы хъӕуты проблемӕтӕ. Ацы здӕхты куыстытӕ иууылдӕр ӕххӕст кӕны районы ЦКХ.

Ног хабӕртты лентӕ
0