Хуссар Иры расидтысты къамты конкурс

"Ирыстон фокусы": Хуссар Иры расидтысты къамты конкурс

18
(ранӕуӕггонд 10:34 22.07.2020)
Конкурсы хайадисджытӕн фадат ис сисын къам куыд профессионалон фотоаппаратыл, афтӕ смартфоныл дӕр. Куыстытӕн аргъ кӕндзӕн профессионалон жюри

ЦХИНВАЛ, 22 июл - Sputnik. Хуссар Ирыстоны расидтысты къамты конкурс, кӕцыйы хайад райсыны фадат ис куыд профессионалтӕн, афтӕ хӕдахуыр къамисджытӕн дӕр цалдӕр номинацийы. Уый тыххӕй хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

"Къамты конкурсы сӕйраг хӕслӕвӕрд у саразын абоны Ирыстоны бирӕварсон сурӕт алыгъуызон авторты куыстыты руаджы", - дзырдӕуы пресс-службӕйы хъусинаджы.

Хъусинаджы дзырдӕуы, проект кӕй ӕрбаиу кӕндзӕн кавказаг республикӕты цӕрджыты, кӕцытӕ радзурдзысты сӕ фыдыбӕстӕйы тыххӕй къамты руаджы.

Проекты уыдзӕн къамты конкурс интернеты социалон хызӕгты фӕзуатыл; хуыздӕр куыстыты равдыст; дӕ бӕстӕйы презентаци ӕндӕр республикӕтӕ ӕмӕ бӕстӕты цӕрджытӕн фоторавдысты руаджы.

Конкурс ауадзынӕн сараздзысты сӕрмагонд къорд Facebook-ы, куыстытӕн аргъ кӕндзӕн профессионалон жюри. Конкурсы хайадисджытӕ райсдзысты кады грамотӕтӕ, уӕлахиздзаутӕ та зӕрдылдарӕн призтӕ.

Проекты хъуыды фӕзынд Очамчырайы районы администрацийы фӕсивӕд ӕмӕ спорты хайадӕн Абхазы фӕсивӕды хъуыддӕгтӕ ӕмӕ спорты фӕдыл паддзахадон комитеты ӕмархайдӕй.

18
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект

Цӕрджыты фехъуыстой: арӕзтады министрад аивта БАМ-мӕ фӕндагарӕзтады проект

4
(ранӕуӕггонд 17:12 22.10.2020)
Фӕндаг рауӕрӕх кӕндзысты авд метры онг ӕмӕ йӕ баххӕст кӕндзысты донцӕуӕн канализацийӕ, ахӕм уыдысты цӕрджыты домӕнтӕ

ЦХИНВАЛ, 22 окт — Sputnik, Плиты Фатимӕ. Хуссар Ирыстоны столицӕйы ӕфсӕддон городокы цӕрджыты домӕнтӕ бахынцыдтой арӕзтады министрады БАМ-мӕ бацӕуӕн фӕндӕгарӕзтады рӕстӕджы.

Мӕйы райдайӕны микрорайоны цӕрджытӕ рацыдысты Инвестицион нывӕзты фӕлгӕтты арӕзтцӕуӕг проекты ныхмӕ.

"Цӕрджыты ӕппӕт домӕнтӕ бахынцыдтой. Куыстыты рӕстӕджы ма уыдзӕн ӕндӕр баххӕстгӕнинӕгтӕ", - загътой арӕзтады министрады пресс-службӕйы.

Цалцӕггӕнӕн куыстытӕ цы фадыгыл цӕуынц, уым фӕндаджы уӕлцъар рауӕрӕх кӕндзысты авд метры онг кафе "Барс"-ы зӕххы фӕрцы.

"Кафейы бардарӕг Чилӕхсаты Владимир йӕ зӕххы хай радта фӕндаг рауӕрӕх кӕнынӕн. Фӕлӕ йын йӕ ӕмбонд ногӕй сараздзыстӕм", - загъта арӕзтады къухдариуӕггӕнӕг Плиты Хох.

Районы депутат Сланты Иваны ныхӕстӕм гӕсгӕ, цӕрджытӕ райгонд сты ног рацарӕзтгонд проектӕй.

"Мах цӕттӕ уыдыстӕм тох кӕнын адӕмы бартыл, фӕлӕ нын арӕзтады министрады нӕ къух сарӕзтой президенты ӕмархайдӕй", - загъта депутат.

При  строительстве дороги в микрорайон БАМ учли пожелания жителей
© Sputnik / Фатима Плиева
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект
4
Хуссар Иры медицинон уагдон сифтонг кӕндзысты туаггуырӕй

Хуссар Иры медицинон уагдон сифтонг кӕндзысты туаггуырӕй

4
(ранӕуӕггонд 17:32 22.10.2020)
Ӕртӕ тоннӕйы бӕрцуат уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон

ЦХИНВАЛ, 22 окт - Sputnik, Плиты Фатимӕ. Хуссар Ирыстоны республикон бирӕпрофилон медицинон центры аскъуыддзаг кӕндзысты туагуыры проблемӕ, фехъусын кодта ӕнӕниздзинад хъахъхъӕнынады министры хӕстӕ ӕххӕстгӕнӕг Тотчиты Георгий ПТРК-йы эфиры.

Туаггуыр ӕнӕмӕнгхъӕуӕг у коронавирусӕй уӕззау рынчынтӕн рӕуджытимӕ проблемӕ аиварс кӕнынӕн.

"Ӕртӕ тоннӕйы бӕрцуат, кӕцы уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон, сӕвӕрдзысты ног къуыри. Стӕй куыст райдайдзӕн туаггуыр палатӕтӕм уадзыныл", - загъта министр.

Уый ма банысан кодта, ацы фарстыл уыдон кӕй ӕмгуыст кӕнынц, фӕлтӕрддзинад кӕмӕн ис, ахӕм ӕхсӕнадӕмон организацитимӕ.

Тотчиты Георгий ма ӕрсидт хистӕр кары адӕммӕ, цӕмӕй гӕнӕн уӕвгӕйӕ сӕхи хизой ӕхсӕнадон бынӕттӕм цӕуынӕй.

4