Коронавирус

Ног рынчынтӕ нӕй: Югосетпотребнадзор коронавирусы уавӕры тыххӕй

11
(ранӕуӕггонд 11:46 22.07.2020)
Хуссар Ирыстоны пандемийы райдайӕнӕй ауагътой 3300 тестӕй фылдӕр – ивгъуыд суткӕйы Югосетпотребнадзоры лабораторийы ауагътой 46 басгӕрсты

ЦХИНВАЛ, 22 июл - Sputnik, Козаты Диана. Хуссар Ирыстоны ивгъуыд къуырийӕ нӕ бӕрӕг кӕнынц коронавирусӕй ног рынчынты. Тесттӕ, кӕцытӕ ауагътой иу суткӕмӕ, равдыстой ӕппӕрццаг фӕстиуджытӕ, фехъусын кодта сӕйраг санитарон дохтыры хӕдивӕг Гаглойты Анна.

Югосетпотребнадзор фехъусын кодта фӕстаг дыууӕ фӕрынчынуӕвӕджы тыххӕй майрӕмбоны, 17 июлы. Ӕртыццӕджы райсомы бӕрӕггӕнӕнтӕм гӕсгӕ, стационары хоскӕнынад цӕуынц цыппар адӕймаджы COVID-19 диагнозимӕ, сӕ нымӕцы иу медицинон кусӕг.

"Иу суткӕмӕ лабораторийы ауагътой 46 басгӕрсты, кӕцытӕ равдыстой ӕппӕрццаг фӕстиуджытӕ. Пандемийы райдайӕнӕй мах ауагътам 3300 тестӕй фылдӕр", - загъта Гаглойты Анна.

Карантины сты 208 адӕймаджы.

Республикӕйы систой арӕнӕвӕрдон мадзӕлттӕ иууылдӕр. 31 июлы онг ӕхгӕд у Уӕрӕсеимӕ арӕн, фӕлӕ президент Бибылты Анатолий знон бахӕс кодта ӕркӕсын ӕмбӕстӕгты ӕрцыды фарстмӕ ӕнӕ карантинӕй. Мадзӕлттыл бакусдзысты 28 июлы онг.

11
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4
Альпинисттæ æрфидар кодтой ирон тырыса Хъӕдласӕны хохыл

Фыдæлты зæххыты сæрмæ: альпинисттæ æрфидар кодтой ирон тырыса Хъӕдласӕны хохыл

4
(ранӕуӕггонд 13:13 28.10.2020)
Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы

ЦХИНВАЛ, 28 окт — Sputnik, Плиты Фатимӕ. Хуссар Ирыстоны альпинистты къорд авд адæймаджы скондæй схызтысты Дзауы районы Хъӕдласӕны хохы бӕрзӕндмӕ. Балцгæнджытæ хохы сæр цы ирон тырса æрфидар кодтой, уый фæлгæсы Иры хуссар, цæгат æмæ Тырсыгоммæ, фехъусын кодта Sputnik балцгӕнджытӕй иу Багаты Марат.

Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы.

"Альпинистты рагæй фæндыд Тырсыгомы нæ фыдæлты зæххытыл æрсадзын ирон тырса, фæлæ нын уырдæм фæндаг нæй. Ацы хох та йæм лæууы хæстæг. Хъӕдласӕны хох ис Ирыстоны цæгат, хуссар æмæ Тырсыгомы хсæн. Йæ бæрзæндыл æрфидар кодтам ирон тырысса, уый фæлгæсдзæн ирон адæмы цæрæн бынаттæм уæлвонгæй", - загъта Багаты Марат.

  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
1 / 3
Фото из архива Марта Багаева
Альпинисттæ æрфидар кодтой ирон тырыса Хъӕдласӕны хохыл

Йæ Къорды архайджытæ уыдысты Табуты Алан, Бесаты Александр, Джиоты Ирэн, Абайты Алан, Хацырты Мурат, Джыгкайты Сергей æмæ Багаты Марат.

Хъӕдласӕны хохмæ стæм хатт сцæуы бæлццон, нымад цӕуы зынвадатыл. Ис Ерманы хъӕуы сӕрмӕ галиу фарс.

Къорд уымæй размæ та уыд Бурхохы, уæд Хуссар Ирыстоны иууыл бӕрзонддӕр ӕфцӕгыл кувӕндоны бафӕдзӕхстой республикӕйы цӕрджыты коронавирусы апарахаты дуджы.

4