Оператор

Объективон цӕстӕнгас ӕмӕ цӕсгомджын куыст: Бибылты Анатолий Хуссар Иры ДИФ куысты тыххӕй

6
Хуссар Ирыстоны цыппӕрӕмы нысан кӕнынц ДИФ кусӕджы бон, ацы бӕрӕгбоны фӕдыл уыдонӕн раарфӕ кодта Бибылты Анатолий

ЦХИНВАЛ, 23 июл – Sputnik. Ӕхсӕнад исы раст информаци нӕ бӕстӕ ӕмӕ фӕсарӕнты цауты тыххӕй ДИФ объективон цӕстӕнгас ӕмӕ цӕсгомджын куысты руаджы. Уый тыххӕй дзырдӕуы Хуссар Ирыстоны президент Бибылты Анатолийы арфӕйы Дзыллон информацион фӕрӕзты (ДИФ) кусӕджы боны цытӕн.

"Нырыккон дунейы сарӕх сты информацион хӕстытӕ. Агрессорты ныхмӕ тох кӕнын информацион хӕсты хуссарирыстойнаг ДИФ-тӕн ӕнцон нӕ уыд. Уӕрӕсейаг коллегӕтимӕ бирӕ ӕзты дӕргъы сымах ныхмӕ лӕуут знагӕн", - дзырдӕуы президенты арфӕйы.

Бибылты Анатолий сӕрмагондӕй банысан кодта ӕфсӕддон уацхӕсджыты куыст, кӕцытӕ равдыстой хъайтардзинад республикӕйы хӕдбардзинад бахъахъхъӕныны рӕстӕджы.

Паддзахады сӕргълӕууӕг загъта бузныг ДИФ минӕвӕрттӕн пайдаджын архайды тыххӕй сабыр царды дӕр. Президент фидарӕй загъта, уыдон дарддӕр дӕр кӕй уыдзысты цӕсгомджын куыст, стыр профессионализм ӕмӕ куыстӕн иузӕрдыгдзинады цӕвиттон.

Бибылты Анатолийы цӕст бауарзта националон ДИФ кусджытӕн ӕмӕ сӕ уӕрӕсейаг коллегӕтӕн, кӕцытӕ кусынц республикӕйы территорийыл, цардамонд ӕмӕ сӕ сфӕлдыстадон хъуыдытӕ ӕмӕ проектты ӕнтыстджын реализаци.

6
Дудайты Владимир

ММА-йы тохгӕнӕг Ирыстонӕй ауадздзӕн тох февралы

6
(ранӕуӕггонд 17:05 18.01.2021)
Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Спортсментӕ архайдзысты 70 килограммы уӕзы категорийы

ЦХИНВАЛ, 18 янв – Sputnik, Хъуылымбегты Азӕмӕт. ММА-йы ирыстойнаг тохгӕнӕг Дудайты Владимир ауадздзӕн йе ‘ртыккаг профессионалон тох турниры Кӕсӕг-Балхъары февралы, фехъусын кодта Sputnik йӕхӕдӕг атлет. Дудайты Владимиры ныхӕстӕм гӕсгӕ, тохмӕ цӕттӕкӕнынад цӕуы Хуссар Ирыстоны.

"Тренировкӕтӕ уагъд цӕуынц Хуссар Ирыстоны. Спарринг-партнертимӕ мын проблемӕ нӕй. Стыр бузныг ме мбӕлттӕ ӕмӕ тренертӕн, кӕцытӕ мын ӕххуыс кӕнынц", - загъта Дудайты Владимир.

Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Дудайты Владимиры ныхмӕлӕууӕг ауагъта ӕртӕ профессионалон тохы, ӕмӕ сӕ алкӕцы дӕр рамбылдта.

"Мӕ ныхӕмлӕууӕгмӕ мын ис хорз ахаст. Уый у клуб "Ахмат"-ы минӕвар, ӕмӕ уыдонӕн ис иттӕг хорз уавӕртӕ цӕттӕ кӕнынӕн", - банысан кодта Дудайты Владимир.

Спортсмен бафтыдта, зӕгъгӕ, ӕнхъӕлмӕ кӕсы уӕлахизмӕ ӕмӕ йӕм ис егъау мотиваци, уымӕн ӕмӕ йын ӕрдӕг азы тохтӕ нӕ уыд.

Тох ацӕудзӕн февралы, йӕ организатор у промоутерон компани "Плазма". Спортсментӕ тох кӕндзысты 70 килограммы уӕзы категорийы.

6
Цхинвал

МХМ фехъусын кодтой Хуссар Иры криминогенон уавӕры тыххӕй

2
(ранӕуӕггонд 14:18 18.01.2021)
Мидхъуыддӕгты министрады радзырдтой республикӕйы фӕткхӕлдтӕ ӕмӕ фӕндӕгтыл уавӕры тыххӕй

ЦХИНВАЛ, 18 янв - Sputnik. Хуссар Ирыстоны ивгъуыд къуыри ӕрцыд иу фыдракӕнд, кӕцы раргом кодтой барадхъахъхъӕнджытӕ, хъусын кӕны республикӕйы Мидхъуыддӕгты министрады пресс-службӕ.

Афтӕ ма уагдоны банысан кодтой, алыгъуызон фӕткхӕлдты тыххӕй бӕрнмӕ кӕй ӕрбаздахтой цалдӕр адӕймаджы. Ӕхсӕнадон фӕтк фехалыны тыххӕй Цхинвалы бӕрнмӕ ӕрбаздахтой фараст адӕймаджы.

Уымӕй дарддӕр Паддзахадон автоинспекцийы кусджытӕ сбӕрӕг кодтой фӕндагон змӕлды 189 фӕткхалды. Фондз шофыры ӕрурӕдтой автотранспорт нозтджынӕй скъӕрыны тыххӕй.

2