Уӕрӕсе радта Хуссар Ирӕн тӕссаг фыдгӕнӕджы, кӕцыйы азымджын кӕнынц амарын ӕмӕ бабырсты

Уӕрӕсе радта Хуссар Ирӕн тӕссаг фыдгӕнӕджы, кӕцыйы азымджын кӕнынц амарын ӕмӕ бабырсты

11
(ранӕуӕггонд 12:13 23.07.2020)
Дзапарты Тимуры ӕркодтой республикӕмӕ Генералон прокуратурӕйы домӕнмӕ гӕсгӕ уголовон хъуыддӕгты барадон ӕххуысы фӕдыл Хуссар Ирыстон ӕмӕ Уӕрӕсейы хсӕн ӕхсӕнпаддзахадон бадзырды фӕлгӕтты

ЦХИНВАЛ, 23 июл - Sputnik. Хуссар Ирыстонмӕ Уӕрӕсейӕ сэкстрадици кодтой республикӕйы ӕмбӕстаджы, кӕцыйы азымджын кӕнынц амарын ӕмӕ бабырсты, кӕцытӕ уый сӕххӕст кодта 2002 азы, хъусын кӕны РХИ Генералон прокуратурӕйы пресс-службӕ.

Уагдоны банысан кодтой, дзырд кӕй цӕуы 39-аздзыд Дзапарты (Джапаридзе) Тимурыл. Фӕдагуырды версимӕ гӕсгӕ, 18 азы размӕ фыдгӕнджыты къорды сконды уый сӕххӕст кодта бабырст "Фӕллой" базары цур Цхинвалы. Бабырсты фӕстиуӕгӕн амард Цхинвалы мидхъуыддӕгты хайады кусӕг Кокойты Роман, йӕ коллегӕ Мулдарты Виталий райста цӕфтӕ.

"Фыдракӕнд саразыны фӕстӕ Дзапарты Тимур ацыд Республикӕ Хуссар Ирыстоны территорийӕ. Фӕдагуырды информацимӕ гӕсгӕ, Дзапарты Тимур бирӕ рӕстӕг ӕмбӕхст Гуырдзыстоны территорийыл, уыд хорз ахастыты Гуырдзыстоны ӕфсӕддон-политикон къухдариуӕгадимӕ, афтӕ ма уыд Гуырдзыстоны экс-президент Михаил Саакашвилийы сӕрмагонд хъахъхъӕнынады. Гуырдзыстоны къухдариуӕгады фӕивыны фӕстӕ, фыдгӕнӕг раивта йӕ бӕлвырдгӕнӕн документтӕ, ацыд УФ территоримӕ, йӕхи ныффыста Бететы Таймуразӕй ӕмӕ ӕмбӕхст Мӕскуыйы областы поселоктӕй иуы, цы ран ӕй ӕрцахстой 2019 азы 27 ноябры", - радзырдтой Генералон прокуратурӕйы.

Фыдгӕнӕджы Уӕрӕсейы территорийыл ӕрцахстой уголовон фӕдагуырды оперативон кусджытӕ РХИ ӕмӕ УФ Мидхъуыддӕгты министрӕдты иумӕйаг информацион-координацион центры домӕнмӕ гӕсгӕ.

Дзапарты Тимуры бакодтой ахӕстоны, йӕ фӕдыл уголовон хъуыддаг сног кодтой.

11
Дудайты Владимир

ММА-йы тохгӕнӕг Ирыстонӕй ауадздзӕн тох февралы

6
(ранӕуӕггонд 17:05 18.01.2021)
Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Спортсментӕ архайдзысты 70 килограммы уӕзы категорийы

ЦХИНВАЛ, 18 янв – Sputnik, Хъуылымбегты Азӕмӕт. ММА-йы ирыстойнаг тохгӕнӕг Дудайты Владимир ауадздзӕн йе ‘ртыккаг профессионалон тох турниры Кӕсӕг-Балхъары февралы, фехъусын кодта Sputnik йӕхӕдӕг атлет. Дудайты Владимиры ныхӕстӕм гӕсгӕ, тохмӕ цӕттӕкӕнынад цӕуы Хуссар Ирыстоны.

"Тренировкӕтӕ уагъд цӕуынц Хуссар Ирыстоны. Спарринг-партнертимӕ мын проблемӕ нӕй. Стыр бузныг ме мбӕлттӕ ӕмӕ тренертӕн, кӕцытӕ мын ӕххуыс кӕнынц", - загъта Дудайты Владимир.

Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Дудайты Владимиры ныхмӕлӕууӕг ауагъта ӕртӕ профессионалон тохы, ӕмӕ сӕ алкӕцы дӕр рамбылдта.

"Мӕ ныхӕмлӕууӕгмӕ мын ис хорз ахаст. Уый у клуб "Ахмат"-ы минӕвар, ӕмӕ уыдонӕн ис иттӕг хорз уавӕртӕ цӕттӕ кӕнынӕн", - банысан кодта Дудайты Владимир.

Спортсмен бафтыдта, зӕгъгӕ, ӕнхъӕлмӕ кӕсы уӕлахизмӕ ӕмӕ йӕм ис егъау мотиваци, уымӕн ӕмӕ йын ӕрдӕг азы тохтӕ нӕ уыд.

Тох ацӕудзӕн февралы, йӕ организатор у промоутерон компани "Плазма". Спортсментӕ тох кӕндзысты 70 килограммы уӕзы категорийы.

6
Цхинвал

МХМ фехъусын кодтой Хуссар Иры криминогенон уавӕры тыххӕй

2
(ранӕуӕггонд 14:18 18.01.2021)
Мидхъуыддӕгты министрады радзырдтой республикӕйы фӕткхӕлдтӕ ӕмӕ фӕндӕгтыл уавӕры тыххӕй

ЦХИНВАЛ, 18 янв - Sputnik. Хуссар Ирыстоны ивгъуыд къуыри ӕрцыд иу фыдракӕнд, кӕцы раргом кодтой барадхъахъхъӕнджытӕ, хъусын кӕны республикӕйы Мидхъуыддӕгты министрады пресс-службӕ.

Афтӕ ма уагдоны банысан кодтой, алыгъуызон фӕткхӕлдты тыххӕй бӕрнмӕ кӕй ӕрбаздахтой цалдӕр адӕймаджы. Ӕхсӕнадон фӕтк фехалыны тыххӕй Цхинвалы бӕрнмӕ ӕрбаздахтой фараст адӕймаджы.

Уымӕй дарддӕр Паддзахадон автоинспекцийы кусджытӕ сбӕрӕг кодтой фӕндагон змӕлды 189 фӕткхалды. Фондз шофыры ӕрурӕдтой автотранспорт нозтджынӕй скъӕрыны тыххӕй.

2