Хуссар Иры журналисттæ

Хицауад æмæ адæмы хсæн æхсæнылæгтæ: Хуссар Иры журналисттæ нысан кæнынц сæ бæрæгбон

17
(ранӕуӕггонд 12:14 23.07.2020)
Хуссар Иры æнтыстджынæй кусынц дзыллон информацийы фæрæзты æппæт хуызтæ дæр: радио, телеуынынад, периодикон мыхуыр æмæ Интернет-агентадтæ

ЦХИНВАЛ, 23 июл – Sputnik, Дриаты Лейла. Хуссар Ирыстоны цыппæрæмы, 23 июлы нысан кæнынц Дзыллон информацийы фæрæзты кусджыты бон. Бæрæгбонæн йæ ратæдзæн цæуы дард 1906 азæй – уæд 23 июлы ирон æвзагыл рацыд фыццаг "Ирон газет". Уыцы датæ Хуссар Ирыстоны историйы ссис журналистикæйы сæндидзыны бон.

"Дзыллон информацийы фæрæзтæ бирæ азты дæргъы нæ республикæйы царды ахсынц ахсджиаг бынат. Нæ журналисттæ иу æмæ дыууæ хатты нæ равдыстой сæ хъайтардзинад, зын рæстæджыты информаци дæтгæйæ, се ‘нæниздзинад æмæ цард нывонд кæнгæйæ. Не ‘хсæнады цы фарстатæ цымыдис кæнынц, уыдонæй иууыл актуалондæр, лæмбынæгдæр фарстатæн дзуапп кæнгæйæ", - зæгъы газет "Хурзæрин"-ы кусæг Гæбæраты Мадинæ.

Журналисттæ аразынц цæрджыты æмæ хицауады ‘хсæн диалог, адæмы æмæ республикæйы проблемæтæ æргом кæнынц объективон æгъдауæй.

Журналистæй æрмæст дæсныдзинад, курдиат æмæ оперативондзинад нæ домдæуы рæстæгыл æмæ æргом информаци раттыны тыххæй, фæлæ æмбæстагон бæрндзинад, рæстæгимæ иумæ æмдзу кæнынмæ тырнындзинад, æрмæджытæ бацæттæ кæныны сфæлдыстадон арæхстдзинад.

"Журналистæн бæрæгбоны дæр æнæ куыстæй уæвæн нæй. Дзыллон информацийы фæрæзты фæллойгæнджытæн сæ хæстæ баззадысты æнæивгæйæ - адæммæ хабæрттæ раст æмæ афоныл хæццæ кæнын", - банысан кодта ДИФ минæвар Тъехты Алла.

Хуссар Иры æнтыстджынæй кусынц дзыллон информацийы фæрæзты æппæт хуызтæ дæр: радио, телеуынынад, периодикон мыхуыр æмæ Интернет-агентадтæ. Ивгъуыд æнусы 90-æм азты республикæйы ныхмæ расидтысты æцæг информацион хæст. Хъуыдис ын аккаг дзуапп радтын. Уыцы хæс æрæнцад республикæйы журналисттыл. Æххæст æй кодтой, сæ цардæн тæссаг куы уыдис, суанг ахæм рæстæджыты дæр. Уыцы хъазуатон адæмы нæмттæ ныр дæр бæрæг дарынц Хуссар Ирыстоны хабархæсджыты азфысты.

17
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект

Цӕрджыты фехъуыстой: арӕзтады министрад аивта БАМ-мӕ фӕндагарӕзтады проект

6
(ранӕуӕггонд 17:12 22.10.2020)
Фӕндаг рауӕрӕх кӕндзысты авд метры онг ӕмӕ йӕ баххӕст кӕндзысты донцӕуӕн канализацийӕ, ахӕм уыдысты цӕрджыты домӕнтӕ

ЦХИНВАЛ, 22 окт — Sputnik, Плиты Фатимӕ. Хуссар Ирыстоны столицӕйы ӕфсӕддон городокы цӕрджыты домӕнтӕ бахынцыдтой арӕзтады министрады БАМ-мӕ бацӕуӕн фӕндӕгарӕзтады рӕстӕджы.

Мӕйы райдайӕны микрорайоны цӕрджытӕ рацыдысты Инвестицион нывӕзты фӕлгӕтты арӕзтцӕуӕг проекты ныхмӕ.

"Цӕрджыты ӕппӕт домӕнтӕ бахынцыдтой. Куыстыты рӕстӕджы ма уыдзӕн ӕндӕр баххӕстгӕнинӕгтӕ", - загътой арӕзтады министрады пресс-службӕйы.

Цалцӕггӕнӕн куыстытӕ цы фадыгыл цӕуынц, уым фӕндаджы уӕлцъар рауӕрӕх кӕндзысты авд метры онг кафе "Барс"-ы зӕххы фӕрцы.

"Кафейы бардарӕг Чилӕхсаты Владимир йӕ зӕххы хай радта фӕндаг рауӕрӕх кӕнынӕн. Фӕлӕ йын йӕ ӕмбонд ногӕй сараздзыстӕм", - загъта арӕзтады къухдариуӕггӕнӕг Плиты Хох.

Районы депутат Сланты Иваны ныхӕстӕм гӕсгӕ, цӕрджытӕ райгонд сты ног рацарӕзтгонд проектӕй.

"Мах цӕттӕ уыдыстӕм тох кӕнын адӕмы бартыл, фӕлӕ нын арӕзтады министрады нӕ къух сарӕзтой президенты ӕмархайдӕй", - загъта депутат.

При  строительстве дороги в микрорайон БАМ учли пожелания жителей
© Sputnik / Фатима Плиева
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект
6
Хуссар Иры медицинон уагдон сифтонг кӕндзысты туаггуырӕй

Хуссар Иры медицинон уагдон сифтонг кӕндзысты туаггуырӕй

4
(ранӕуӕггонд 17:32 22.10.2020)
Ӕртӕ тоннӕйы бӕрцуат уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон

ЦХИНВАЛ, 22 окт - Sputnik, Плиты Фатимӕ. Хуссар Ирыстоны республикон бирӕпрофилон медицинон центры аскъуыддзаг кӕндзысты туагуыры проблемӕ, фехъусын кодта ӕнӕниздзинад хъахъхъӕнынады министры хӕстӕ ӕххӕстгӕнӕг Тотчиты Георгий ПТРК-йы эфиры.

Туаггуыр ӕнӕмӕнгхъӕуӕг у коронавирусӕй уӕззау рынчынтӕн рӕуджытимӕ проблемӕ аиварс кӕнынӕн.

"Ӕртӕ тоннӕйы бӕрцуат, кӕцы уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон, сӕвӕрдзысты ног къуыри. Стӕй куыст райдайдзӕн туаггуыр палатӕтӕм уадзыныл", - загъта министр.

Уый ма банысан кодта, ацы фарстыл уыдон кӕй ӕмгуыст кӕнынц, фӕлтӕрддзинад кӕмӕн ис, ахӕм ӕхсӕнадӕмон организацитимӕ.

Тотчиты Георгий ма ӕрсидт хистӕр кары адӕммӕ, цӕмӕй гӕнӕн уӕвгӕйӕ сӕхи хизой ӕхсӕнадон бынӕттӕм цӕуынӕй.

4