Цхинвалы рынчындон

Санитарон уагдоны радзырдтой Хуссар Иры коронавирусимæ уавæры тыххæй

12
(ранӕуӕггонд 10:53 24.07.2020)
Хуссар Иры ныр къуырийы бæрц нæй коронавирусæй ног рынчынтæ, раздæр цы цыппар адæймагмæ разынд вирус, уыдон дарддæр хос кæнынц стационары

ЦХИНВАЛ, 24 июл - Sputnik, Козаты Диана. Суткæйы дæргъы Хуссар Ирыстоны сарæзтæуыд 13 тесты коронавирус рабæрæг кæныны фæдыл, уыдон иууылдæр радтой æппæрццаг фæстиуджытæ, загъта "Югосетпотребнадзор"-ы сæргълæууæджы хæдивæг Гаглойты Анна.

Бирæпрофилон медцентры инфекцион хайады нырма дæр ис цыппар адæймаджы, кæцытæн раздæр рабæрæг вирусы уæвынад. Уыдонæй æртæ республикæмæ æрыздæхтысты Уæрæсейæ, афтæ ма медицинон хо, кæцыйыл низ бахæцыд "сырх зонæйы".

"Тесттæй иу дæр нæ равдыста вирусы уæвынад", - загъта Гаглойты Анна.

Карантиныл ныртæккæ ис 200 адæймаджы онг.

Эпидемийы райдайæнæй нырмæ республикæйы коронавирус бахæцыд 89 адæймагыл, фæстаг дыууæ рынчын рабæрæг сты къуырийы размæ.

12
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

2
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

2
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4