Нывкæнынад

Национ истори бахъахъхъæнын: Хуссар Иры райдыдта сывæллæтты нывты конкурс

12
(ранӕуӕггонд 10:13 27.07.2020)
Ирон адæмы геноцидыл сæдæ азы сæххæсты цытæн республикæйы уагъд цæуы нывты конкурс, цы ран хайад райсыны фадат ис чысыл нывгæнджытæн

ЦХИНВАЛ, 24 июл - Sputnik, Хъуылымбегты Зæлинæ. Хуссар Ирыстоны ахуырады министрад уадзы навты конкурс скъоладзауты хсæн, кæцы нывонд у ирон адæмы геноцидыл сæдæ азы сæххæстæн.

Мадзал уагъд цæудзæн дыууæ номинацийы - хуызфыссынад æмæ графикæ. Хайад райсыны фадат дзы ис дыууæ кары категориты скъоладзаутæн - 12-14 азы æмæ 15-17 аздзыдтæн.

"Конкурс хъуамæ ауагътаиккам азы райдайæны, фæлæ йæ стæй ахастам карантины тыххæй. Сæрдыгон каникулты рæстæджы сывæллæттæн уыдзæн бирæ рæстæг, цæмæй бацæттæ кæной сæ куыстытæ", - фехъусын кодта министрады минæвар Гæджиты Анна.

Специалисты ныхæстæм гæсгæ, ацы конкурсы сæйраг нысан у национ истори бахъахъхъæнын.

"Рæзгæ фæлтæр хъуамæ зоной æмæ хъуыды кæной 1920 азы геноциды фæмардуæвджыты нæмттæ. Мах фæнды, цæмæй сабитæ сæ удхæссæг феной кæцыдæр нацийæ нæ, фæлæ æгъатырдзинадæй æмæ тырной ахæм трагеди мауал æруадзынмæ", - бафтыдта уый.

Скъоладзауты нывтæ иууылдæр хъуамæ дзуапп дæттой конкурсы тематикæйæн.

Уымæй дарддæр ма министрад фæнд кæны геноциды 100 азмæ ауадзын афæдзы дæргъы къорд мадзалы, банысан кодтой уагдоны.

12
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект

Цӕрджыты фехъуыстой: арӕзтады министрад аивта БАМ-мӕ фӕндагарӕзтады проект

6
(ранӕуӕггонд 17:12 22.10.2020)
Фӕндаг рауӕрӕх кӕндзысты авд метры онг ӕмӕ йӕ баххӕст кӕндзысты донцӕуӕн канализацийӕ, ахӕм уыдысты цӕрджыты домӕнтӕ

ЦХИНВАЛ, 22 окт — Sputnik, Плиты Фатимӕ. Хуссар Ирыстоны столицӕйы ӕфсӕддон городокы цӕрджыты домӕнтӕ бахынцыдтой арӕзтады министрады БАМ-мӕ бацӕуӕн фӕндӕгарӕзтады рӕстӕджы.

Мӕйы райдайӕны микрорайоны цӕрджытӕ рацыдысты Инвестицион нывӕзты фӕлгӕтты арӕзтцӕуӕг проекты ныхмӕ.

"Цӕрджыты ӕппӕт домӕнтӕ бахынцыдтой. Куыстыты рӕстӕджы ма уыдзӕн ӕндӕр баххӕстгӕнинӕгтӕ", - загътой арӕзтады министрады пресс-службӕйы.

Цалцӕггӕнӕн куыстытӕ цы фадыгыл цӕуынц, уым фӕндаджы уӕлцъар рауӕрӕх кӕндзысты авд метры онг кафе "Барс"-ы зӕххы фӕрцы.

"Кафейы бардарӕг Чилӕхсаты Владимир йӕ зӕххы хай радта фӕндаг рауӕрӕх кӕнынӕн. Фӕлӕ йын йӕ ӕмбонд ногӕй сараздзыстӕм", - загъта арӕзтады къухдариуӕггӕнӕг Плиты Хох.

Районы депутат Сланты Иваны ныхӕстӕм гӕсгӕ, цӕрджытӕ райгонд сты ног рацарӕзтгонд проектӕй.

"Мах цӕттӕ уыдыстӕм тох кӕнын адӕмы бартыл, фӕлӕ нын арӕзтады министрады нӕ къух сарӕзтой президенты ӕмархайдӕй", - загъта депутат.

При  строительстве дороги в микрорайон БАМ учли пожелания жителей
© Sputnik / Фатима Плиева
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект
6
Хуссар Иры медицинон уагдон сифтонг кӕндзысты туаггуырӕй

Хуссар Иры медицинон уагдон сифтонг кӕндзысты туаггуырӕй

4
(ранӕуӕггонд 17:32 22.10.2020)
Ӕртӕ тоннӕйы бӕрцуат уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон

ЦХИНВАЛ, 22 окт - Sputnik, Плиты Фатимӕ. Хуссар Ирыстоны республикон бирӕпрофилон медицинон центры аскъуыддзаг кӕндзысты туагуыры проблемӕ, фехъусын кодта ӕнӕниздзинад хъахъхъӕнынады министры хӕстӕ ӕххӕстгӕнӕг Тотчиты Георгий ПТРК-йы эфиры.

Туаггуыр ӕнӕмӕнгхъӕуӕг у коронавирусӕй уӕззау рынчынтӕн рӕуджытимӕ проблемӕ аиварс кӕнынӕн.

"Ӕртӕ тоннӕйы бӕрцуат, кӕцы уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон, сӕвӕрдзысты ног къуыри. Стӕй куыст райдайдзӕн туаггуыр палатӕтӕм уадзыныл", - загъта министр.

Уый ма банысан кодта, ацы фарстыл уыдон кӕй ӕмгуыст кӕнынц, фӕлтӕрддзинад кӕмӕн ис, ахӕм ӕхсӕнадӕмон организацитимӕ.

Тотчиты Георгий ма ӕрсидт хистӕр кары адӕммӕ, цӕмӕй гӕнӕн уӕвгӕйӕ сӕхи хизой ӕхсӕнадон бынӕттӕм цӕуынӕй.

4