Цхинвалы бавнӕлдтой нывӕзтон цалцӕгмӕ ахуырадон азы райдайӕны размӕ

Цхинвалы бавнӕлдтой скъолатæ ног ахуыры азмæ цæттæ кæнынмæ

23
(ранӕуӕггонд 11:52 24.07.2020)
Ӕрвылаз сӕрдыгон каникулты рӕстӕджы столицӕйы скъолаты уадзынц цалцӕггӕнӕн куыстытӕ. Коммуналон кусджытӕ сбӕрӕг кӕнынц куыстыты фӕзуат ахуыргӕнӕндӕтты разамонджытимӕ

ЦХИНВАЛ, 24 июл - Sputnik, Гӕбӕраты Элина. Ахуырадон азы райдайӕнмӕ Цхинвалы администрацийы цӕрӕнуатон-эксплуатацион конторӕ ауадздзӕн цалцӕггӕнӕн куыстытӕ столицӕйы ахуырады 25 объекты, фехъусын кодтой горӕты администрацийы.

Ӕрвылаз сӕрдыгон каникулты рӕстӕджы столицӕйы скъолаты уадзынц цалцӕггӕнӕн куыстытӕ. Столицӕйы администрацийы минӕвӕрттӕ скъолаты директортимӕ иумӕ бӕрӕг кӕнынц ӕнӕмӕнг цалцӕггӕнӕн куыстыты фӕзуат, уый фӕстӕ саразынц куыстыты нывӕзт ӕмӕ сметон документаци.

"Аразджыты бригадӕтӕ кусдзысты горӕты 17 сабидоны ӕмӕ аст скъолайы. Объекттыл ауагътой демонтажон куыстытӕ, ацы этапыл кусджытӕ ныридӕгӕн бавнӕлдтой цалцӕгмӕ. Алкӕцы уагдоны дӕр хъӕуы ауадзын алыгъуызон куыстытӕ, уыдон баст сты ахуыргӕнӕндӕтты разамонджыты куырдиӕттимӕ", - банысан кодтой администрацийы.

Сабидӕтты та фылдӕр бӕрцӕй ивдзысты сантехникӕ.

"Цӕмӕй арӕзтадон ӕрмӕджыты цухдзинад ма уа, уый тыххӕй мах алцыдӕр развӕлгъау балхӕдтам. Паддзахадон арӕныл уавӕр нӕ бандавдзӕн куыстыты фӕуды ӕмгъуыдыл", - загъта цӕрӕнуатон-эксплуатацион конторӕйы хистӕр Хъотайты Алан.

Куыстыты архайынц цалдӕр бригадӕйы, уыдон иу рӕстӕг райдыдтой кусын цалдӕр объектыл. Куыстытӕ хъуамӕ фӕуой 20 августмӕ.

23
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

2
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

2
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4