Цхинвалы цад

Ӕнæ цаутæй: куыд ацыд Цхинвалы цады ирвæзынгæнджыты фыццаг кусæгон къуыри

5
(ранӕуӕггонд 13:34 24.07.2020)
Ӕнамонд цаутæ ма руадзыны нысанæн горæты цадмæ сфидар кодтой цыппар ирвæзынгæнæджы, кæцытæ рацыдысты сæрмагонд ахуыртæ

ЦХИНВАЛ, 24 июл – Sputnik, Хъуылымбегты Зæлинæ. Цхинвалы цады территорийыл ныр къуырийæфылдæр кусынц ирвæзынгæнджытæ, кæцытæ сæ хъус дарынц æмбæстæгты æдасдзинадмæ. Ирвæзынгæнджытæй иу Тадтаты Алымбег куыд радзырдта, афтæмæй уыцы рæстæг ницы уæлвæткон цаутæ æрцыд.

Горæты цад у столицæйы иууыл фылдæр цы бынæттæм цæуынц, уыдонæй сæ иу. Цады найыны бар нæй, фæлæ сабитæ æмæ фæсивæды тобæтæ нæ уромынц. Ирвæзынгæнджыты ныхæстæм гæсгæ, иууыл зындæр кусæн у раст уыдонимæ.

Алимбег Тадтаев
© Sputnik / Natalia Airiyan
Алимбег Тадтаев

Тадтаты Алымбег куыд радзырдта, афтæмæй сæ куыст райдайы территорийыл æрзилынæй. Алы бон дæр райсомы дæс сахатыл цады былыл фæзыныц уырыдзыхуыз ирвæзынгæнæн тымбылæгтæ æмæ жилеттæ. Ирвæзынгæнджытæн ма ис катер дæр.

"Боны фыццаг æмбисы, уæлдайдæр та кусгæ бонты цады вæййы цъус адæм. Уыдон фæфылдæр вæййынц изæрырдæм. Ардæм æрбацæуынц бирæ фæсивæд, ацæргæ адæм æмæ ныййарджытæ сæ сабитимæ", - дзуры уый.

"Югосетпотребнадзор" доны гъæд нæ нымайы хорзыл, уымæ гæсгæ дзы найыны бар нæй. Фæлæ уæддæр фæзыны ахæмтæ, аленчытæ кæнын кæй фæфæнды.

"Мах ахæмтимæ аныхас кæнæм. Хъыгагæн, алчи дзы ныхас нæ фембары, цады иу былæй сæ арвитæм æмæ иннæмæ ацæуынц", - бафтыдта нæлгоймаг.

  • Цхинвалы цад
    Цхинвалы цад
    © Sputnik / Natalia Airiyan
  • Цхинвалы цад
    Цхинвалы цад
    © Sputnik / Natalia Airiyan
  • Цхинвалы цад
    Цхинвалы цад
    © Sputnik / Natalia Airiyan
1 / 3
© Sputnik / Natalia Airiyan
Цхинвалы цад

Столицæйы администрацийы пресс-службæйы æрæджы банысан кодтой, ирвæзынгæнджытæ развæлгъау кæй рацыдысты сæрмагонд курсытæ æмæ инструктаж Хуссар Иры УУМ профессионалон дæлдондзогтæм.

5
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект

Цӕрджыты фехъуыстой: арӕзтады министрад аивта БАМ-мӕ фӕндагарӕзтады проект

6
(ранӕуӕггонд 17:12 22.10.2020)
Фӕндаг рауӕрӕх кӕндзысты авд метры онг ӕмӕ йӕ баххӕст кӕндзысты донцӕуӕн канализацийӕ, ахӕм уыдысты цӕрджыты домӕнтӕ

ЦХИНВАЛ, 22 окт — Sputnik, Плиты Фатимӕ. Хуссар Ирыстоны столицӕйы ӕфсӕддон городокы цӕрджыты домӕнтӕ бахынцыдтой арӕзтады министрады БАМ-мӕ бацӕуӕн фӕндӕгарӕзтады рӕстӕджы.

Мӕйы райдайӕны микрорайоны цӕрджытӕ рацыдысты Инвестицион нывӕзты фӕлгӕтты арӕзтцӕуӕг проекты ныхмӕ.

"Цӕрджыты ӕппӕт домӕнтӕ бахынцыдтой. Куыстыты рӕстӕджы ма уыдзӕн ӕндӕр баххӕстгӕнинӕгтӕ", - загътой арӕзтады министрады пресс-службӕйы.

Цалцӕггӕнӕн куыстытӕ цы фадыгыл цӕуынц, уым фӕндаджы уӕлцъар рауӕрӕх кӕндзысты авд метры онг кафе "Барс"-ы зӕххы фӕрцы.

"Кафейы бардарӕг Чилӕхсаты Владимир йӕ зӕххы хай радта фӕндаг рауӕрӕх кӕнынӕн. Фӕлӕ йын йӕ ӕмбонд ногӕй сараздзыстӕм", - загъта арӕзтады къухдариуӕггӕнӕг Плиты Хох.

Районы депутат Сланты Иваны ныхӕстӕм гӕсгӕ, цӕрджытӕ райгонд сты ног рацарӕзтгонд проектӕй.

"Мах цӕттӕ уыдыстӕм тох кӕнын адӕмы бартыл, фӕлӕ нын арӕзтады министрады нӕ къух сарӕзтой президенты ӕмархайдӕй", - загъта депутат.

При  строительстве дороги в микрорайон БАМ учли пожелания жителей
© Sputnik / Фатима Плиева
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект
6
Хуссар Иры медицинон уагдон сифтонг кӕндзысты туаггуырӕй

Хуссар Иры медицинон уагдон сифтонг кӕндзысты туаггуырӕй

4
(ранӕуӕггонд 17:32 22.10.2020)
Ӕртӕ тоннӕйы бӕрцуат уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон

ЦХИНВАЛ, 22 окт - Sputnik, Плиты Фатимӕ. Хуссар Ирыстоны республикон бирӕпрофилон медицинон центры аскъуыддзаг кӕндзысты туагуыры проблемӕ, фехъусын кодта ӕнӕниздзинад хъахъхъӕнынады министры хӕстӕ ӕххӕстгӕнӕг Тотчиты Георгий ПТРК-йы эфиры.

Туаггуыр ӕнӕмӕнгхъӕуӕг у коронавирусӕй уӕззау рынчынтӕн рӕуджытимӕ проблемӕ аиварс кӕнынӕн.

"Ӕртӕ тоннӕйы бӕрцуат, кӕцы уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон, сӕвӕрдзысты ног къуыри. Стӕй куыст райдайдзӕн туаггуыр палатӕтӕм уадзыныл", - загъта министр.

Уый ма банысан кодта, ацы фарстыл уыдон кӕй ӕмгуыст кӕнынц, фӕлтӕрддзинад кӕмӕн ис, ахӕм ӕхсӕнадӕмон организацитимӕ.

Тотчиты Георгий ма ӕрсидт хистӕр кары адӕммӕ, цӕмӕй гӕнӕн уӕвгӕйӕ сӕхи хизой ӕхсӕнадон бынӕттӕм цӕуынӕй.

4