ЦХИНВАЛ, 28 июл – Sputnik, Хъуылымбегты Азӕмӕт. Хуссар Ирыстоны Ирыхъӕуы райдыдта хъӕбӕр ӕвзарӕнтӕ пресс кӕнынӕн фӕзуаты арӕзтад. Уый тыххӕй Sputnik фехъусын кодта арӕзтады министрады минӕвар Къацты Сослан.
Фарон ацы бынаты сарӕзтой полигон хъӕбӕр цардуагон ӕвзарӕнтӕн. Быроны утилизацийӕн полигонӕй дарддӕр территорийыл сӕвӕрдтой вагонтӕ персоналӕн, афтӕ ма трансформатор.
Полигон нырма нӕ эксплуатаци кӕнынц. Уый скусдзӕн ӕвзарӕнтӕ пресс кӕнынӕн фӕзуат куы саразой, уый фӕстӕ. Уый тыххӕй сараздзысты ангар ӕмӕ балхӕндзысты сӕрмагонд ифтонггарз.
Къайты Сослан бафтыдта, зӕгъгӕ, объекты сметон аргъ у 96 милуан сомы. Ныртӕккӕ объектыл уадзынц зӕххон куыстытӕ. Уыдон ӕххӕст кӕны горӕты администрацийы хӕрзарӕзтады хайад, кӕцыйы снысан кодтой генералон нардуатон организацийӕ.
Абоны бон бырон ласынц столицӕйы цӕгаттаг кӕронмӕ. Бырон арӕх ссудзы ӕмӕ хъӕстӕ кӕны горӕты районты уӕлдӕф. Бынӕттон цӕрджытӕ бирӕ хатт хъаст кодтой ацы цауы фӕдыл. Уый тыххӕй республикӕйы къухдариуӕгад аскъуыддзаг кодта саразын ног полигон, кӕцы дзуапп дӕтты ӕмбӕлон домӕнтӕн. Йӕ эксплуатацийы ӕмгъуыд у 25 азы.
Полигонӕй Присы иууыл ӕввахсдӕр цӕрӕг бӕстыхаймӕ у 2,5 километры. Цхинвалмӕ та уырдыгӕй у цыппар километры.
Мадзал реализаци кӕнынц Инвестицион нывӕзты фӕлгӕтты.
