Президент УУМ коллективæн бавдыста министры ног хæдивæджы

Президент УУМ коллективæн бавдыста министры ног хæдивæджы

8
(ранӕуӕггонд 13:01 29.07.2020)
Санахъоты Руслан уæлвæткон уагдоны сæргълæууæджы хæдивæгæй нысан æрцыд 23 июлы республикæйы президенты барамындæй

ЦХИНВАЛ, 29 июл - Sputnik. Хуссар Ирыстоны президент Бибылты Анатолий бавдыста Уæлвæткон уавæрты министрады коллективæн уагдоны сæргълæууæджы ног хæдивæджы, хъусын кæны бæстæйы сæргълæууæджы пресс-службæ.

Ацы бынат уыд вакантон фарон ноябрæй фæстæмæ, ивгъуыд къуырийы кæрæтты президент афыста барамынд министры хæдивæгæй Санахъоты Русланы снысан кæныны фæдыл.

Президент Анатолий Бибилов представил коллективу МЧС нового замглавы ведомства
© Пресс-служба президента РЮО.
Санахъоты Руслан

Бибылты Анатолий банысан кодта ног снысангонд хæдивæджы фæлтæрддзинад, куыстмæ бæрнон ахаст æмæ йый йæ цæст бауарзта æнтыстытæ ног бынаты.

Бæстæйы сæргълæууæг ма уымæй дарддæр аныхас кодта уагдоны кусджытимæ æмæ банысан кодта, райгонд кæй у сæ куыстæй. Президент ма йæ хъус аздæхта, хуссарирыстойнаг ирвæзынгæнджытæ сæ куысты цы зындзинæдтыл æмбæлынц, уыдонмæ дæр.

"Кæй зæгъын æй хъæуы, УУМ ис проблемæтæ дæр. Вæййынц фæлывд фæсидтæ дæр, афтæ ма ахæм цаутæм фæсидтæ, кæцытæ сымах куыстмæ нæ хауынц. Уыдон расайынц уæлдай хæрдзтæ, техникæйы æфхæрд, хисæрмагонд сконды фæстиæттæ æмæ æндæр проблемæтæ. Бузныг уын уæ зын куысты тыххæй æмæ уæ къухты æфтæт æнтыстытæ", - загъта уый.

Бибылты Анатолий баныфс æвæрдта, "кæй цæуынц бадзырдтæ уæрæсейаг коллегæтимæ куыстмыздтæ фæфылдæр кæныны тыххæй".

  • Президент УУМ коллективæн бавдыста министры ног хæдивæджы
    Президент УУМ коллективæн бавдыста министры ног хæдивæджы
    © Пресс-служба президента РЮО.
  • Президент УУМ коллективæн бавдыста министры ног хæдивæджы
    Президент УУМ коллективæн бавдыста министры ног хæдивæджы
    © Пресс-служба президента РЮО.
1 / 2
© Пресс-служба президента РЮО.
Президент УУМ коллективæн бавдыста министры ног хæдивæджы
8
Хуссар Ир нысан кӕны Паддзахадон тырысайы бон

Хуссар Ир нысан кӕны Паддзахадон тырысайы бон

3
(ранӕуӕггонд 10:16 18.09.2020)
Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы

ЦХИНВАЛ, 19 сен — Sputnik, Плиты Фатимæ. Хуссар Ирыстоны сабаты, 19 сентябры, нысан кӕнынц Паддзахадон тырысайы бон. Бӕрӕгбонӕн бындур ӕвӕрд ӕрцыд 31 азы размӕ.

Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы.

"Развæлгъау столицæйы административон бæстыхæйтты сфæлыстой паддзахаон тырысатæй. Къуырийы кæрон Хуссар Ирыстон нысан кæны дыууæ бæрæгбон – Тырысайы бон æмæ Республикæ расидыны бон, дыууæ нысаниуæгджын датæйы цытæн Цхинвалы бакодтой ног баннертæ æмбæлон тематикæйыл", - загъта Sputnik культурæйы министрады кусæг Остъаты Мæдинæ.

Уый ма банысан кодта, æхсæнады цытджын рабадт "Прописано в сердце Осетии" аргъæвтой 18-æм сентябрæй 20-мæ.

Паддзахадон тырысайы бон Хуссар Ирыстоны фыццаг хатт банысан кодтой 2013 азы, фæлæ националон символ ссис 1989 азæй фæстæмæ. 1990 азы ноябры республикæйы парламент сфидар кодта ирон триколор, куыд паддзахаддзинады символ.

Ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбатырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

3
Транскам

Фылдӕр адӕм фылдӕр рейстӕ: куыд фӕивта Цхинвалӕй Дзӕуджыхъӕумӕ автобусты график

4
(ранӕуӕггонд 15:18 18.09.2020)
Ӕхсӕнадон транспорт цӕуы уадзӕн пункт "Дӕллаг Зӕрӕмӕг"-ы уылты ӕнӕ зындзинӕдтӕй, уый фӕдыл дзы бирӕ адӕм пайда кӕнынц Уӕрӕсемӕ ацӕуынӕн

ЦХИНВАЛ, 18 сен — Sputnik, Гӕбӕраты Элина. Цхинвалӕй Дзӕуджыхъӕумӕ рейсон автобусты нымӕц фӕфылдӕр Уӕрӕсеимӕ паддзахадон арӕны баконды фӕстӕ, фехъусын кодта Sputnik Хуссар Ирыстоны автомобилон транспорты хайады сӕргълӕууӕг Дудайты Альберт.

Хуссар Ирыстон ӕмӕ Уӕрӕсе систой арӕны сӕрты хизыныл тобӕ дыццӕджы, 15 сентябры. Арӕн уыд ӕхгӕд фондз мӕйы дӕргъы, ныр уадзӕн пункт "Дӕллаг Зӕрӕмӕг"-ы ӕрмӕбырд сты километрон радтӕ.

Уыимӕ иумӕ, республикӕйӕ автобустӕ хизынц уадзӕн пункты уылты ӕнӕ зындзинӕдтӕй, уый фӕдыл бирӕ адӕм пайда кӕнынц ӕхсӕнадон транспортӕй Уӕрӕсемӕ ацӕуынӕн.

"Бирӕ адӕм дзы вӕййы, автобустӕ райдайынц цӕуын райсом раджы. Хӕдтулгӕты бирӕ бынат нӕй, ӕмӕ уайтагъд йедзаг кӕнынц. Ӕндӕрӕбон мах арвыстам рейсы ӕхсӕз автобусы, хуымӕтӕг рӕстӕджы та иу ӕрвыстам дыууӕ кӕнӕ ӕртӕ автобусы Цӕгат Ирыстонмӕ", - радзырдта Дудайты Альберт.

Дудайты Альберты хъуыдымӕ гӕсгӕ, ӕхсӕнадон транспортмӕ ажиотаж тагъд рӕстӕджы фӕкъаддӕр уыдзӕн ӕмӕ рейсон автобустӕ рахиздзысты куысты хуымӕтӕг режиммӕ.

4