Уӕрӕсеимӕ арӕн

Хуссар Ир адарддӕр кодта арӕнӕвӕрдтӕ Уӕрӕсеимӕ арӕныл

4
(ранӕуӕггонд 12:29 30.07.2020)
Арӕны уылты ахизыныл тобӕ адарддӕр кодтой 31 августы онг. Ӕнӕниздзинад хъахъхъӕнынады министрад сарӕзта информацион гӕххӕтт Хуссар Ирыстонмӕ кӕй фӕнды ӕрцӕуын, уыдонӕн

ЦХИНВАЛ, 29 июл - Sputnik, Козаты Диана. Хуссар Ирыстоны хицауад сфидар кодта коронавирусы апарахат ма ‘руадзыны фӕдыл оперативон штабы скъуыддзаг республикӕйы ӕмбӕстӕгты ӕнӕ карантинӕй ӕрыздӕхыны фӕткы фӕдыл, афтӕ ма Уӕрӕсеимӕ арӕны уылты хизыныл арӕнӕвӕрдтӕ иу мӕймӕ адарддӕр кӕныны фӕдыл, 31 августы онг.

Дыццӕджы оперативон штаб аскъуыддзаг кодта ссӕрибар кӕнын ӕрцӕуӕггӕгты дыууӕкъуырион изоляцийӕ, кӕд уыдон бавдисой коронавирусмӕ антителатӕ уӕвыны фӕдыл справкӕ. Республикӕмӕ ӕрцӕуын ӕмӕ уайтагъд хӕдзармӕ бахауыны фадат ис ӕмбӕстӕгтӕн, кӕцытӕ уыдысты рынчын вирусӕй. Аннӕтӕ хъуамӕ 14 боны арвитой карантины.

"Гоймӕгтӕ, кӕцытӕ цӕуынц республикӕмӕ, хъуамӕ рацӕуой 14-бонон карантин. Изоляцийӕ ссӕрибар кӕндзысты адӕмы, кӕцытӕ бавдисдзысты справкӕтӕ номхыгъдмӕ гӕсгӕ, кӕцы сфидар кодта Ӕнӕниздзинад хъахъхъӕнынады министрад", - загъта хицауады рабадтыл ӕртыццӕджы сӕйраг санитарон дохтыр Коцты Марина.

Ӕнӕниздзинад хъахъхъӕнынады министр Тотчиты Георгий банысан кодта, уагдон кӕй сарӕзта информацион гӕххӕт, цы ран ис фыст бӕрӕггӕнӕнтӕ, кӕцытӕм гӕсгӕ ис фадат ӕрыздӕхын Хуссар Ирыстонмӕ. Уый фидарӕй загъта, уыцы гӕххӕт ӕртыццӕджы кӕй барвитдзысты дзыллон информацион фӕрӕзтӕм.

Премьер-министр Пухаты Эрик банысан кодта, ӕмбӕстӕгтӕ хорз кӕй хъуамӕ ӕмбарой ацы бавдисгӕ информаци.

Уӕрӕсеимӕ арӕны уылты хизыныл тобӕ сӕвӕрдтой апрелы райдайӕны коронавирусы апарахат ма ‘руадзыны нысанӕн.

4
Хуссар Ир нысан кӕны Паддзахадон тырысайы бон

Хуссар Ир нысан кӕны Паддзахадон тырысайы бон

4
(ранӕуӕггонд 10:16 18.09.2020)
Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы

ЦХИНВАЛ, 19 сен — Sputnik, Плиты Фатимæ. Хуссар Ирыстоны сабаты, 19 сентябры, нысан кӕнынц Паддзахадон тырысайы бон. Бӕрӕгбонӕн бындур ӕвӕрд ӕрцыд 31 азы размӕ.

Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы.

"Развæлгъау столицæйы административон бæстыхæйтты сфæлыстой паддзахаон тырысатæй. Къуырийы кæрон Хуссар Ирыстон нысан кæны дыууæ бæрæгбон – Тырысайы бон æмæ Республикæ расидыны бон, дыууæ нысаниуæгджын датæйы цытæн Цхинвалы бакодтой ног баннертæ æмбæлон тематикæйыл", - загъта Sputnik культурæйы министрады кусæг Остъаты Мæдинæ.

Уый ма банысан кодта, æхсæнады цытджын рабадт "Прописано в сердце Осетии" аргъæвтой 18-æм сентябрæй 20-мæ.

Паддзахадон тырысайы бон Хуссар Ирыстоны фыццаг хатт банысан кодтой 2013 азы, фæлæ националон символ ссис 1989 азæй фæстæмæ. 1990 азы ноябры республикæйы парламент сфидар кодта ирон триколор, куыд паддзахаддзинады символ.

Ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбатырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

4
Транскам

Фылдӕр адӕм фылдӕр рейстӕ: куыд фӕивта Цхинвалӕй Дзӕуджыхъӕумӕ автобусты график

4
(ранӕуӕггонд 15:18 18.09.2020)
Ӕхсӕнадон транспорт цӕуы уадзӕн пункт "Дӕллаг Зӕрӕмӕг"-ы уылты ӕнӕ зындзинӕдтӕй, уый фӕдыл дзы бирӕ адӕм пайда кӕнынц Уӕрӕсемӕ ацӕуынӕн

ЦХИНВАЛ, 18 сен — Sputnik, Гӕбӕраты Элина. Цхинвалӕй Дзӕуджыхъӕумӕ рейсон автобусты нымӕц фӕфылдӕр Уӕрӕсеимӕ паддзахадон арӕны баконды фӕстӕ, фехъусын кодта Sputnik Хуссар Ирыстоны автомобилон транспорты хайады сӕргълӕууӕг Дудайты Альберт.

Хуссар Ирыстон ӕмӕ Уӕрӕсе систой арӕны сӕрты хизыныл тобӕ дыццӕджы, 15 сентябры. Арӕн уыд ӕхгӕд фондз мӕйы дӕргъы, ныр уадзӕн пункт "Дӕллаг Зӕрӕмӕг"-ы ӕрмӕбырд сты километрон радтӕ.

Уыимӕ иумӕ, республикӕйӕ автобустӕ хизынц уадзӕн пункты уылты ӕнӕ зындзинӕдтӕй, уый фӕдыл бирӕ адӕм пайда кӕнынц ӕхсӕнадон транспортӕй Уӕрӕсемӕ ацӕуынӕн.

"Бирӕ адӕм дзы вӕййы, автобустӕ райдайынц цӕуын райсом раджы. Хӕдтулгӕты бирӕ бынат нӕй, ӕмӕ уайтагъд йедзаг кӕнынц. Ӕндӕрӕбон мах арвыстам рейсы ӕхсӕз автобусы, хуымӕтӕг рӕстӕджы та иу ӕрвыстам дыууӕ кӕнӕ ӕртӕ автобусы Цӕгат Ирыстонмӕ", - радзырдта Дудайты Альберт.

Дудайты Альберты хъуыдымӕ гӕсгӕ, ӕхсӕнадон транспортмӕ ажиотаж тагъд рӕстӕджы фӕкъаддӕр уыдзӕн ӕмӕ рейсон автобустӕ рахиздзысты куысты хуымӕтӕг режиммӕ.

4
Дзиццойты Юрий

Дзиццойты Юрий: Ирон тырыса райгуырд хуссары, уый фæстæ ссис æппæтирон

0
(ранӕуӕггонд 16:45 18.09.2020)
Филологон зонæдты кандидат Дзиццойты Юрий радио Sputnik Хуссар Ирыстоны паддзахадон тырысайы фæзынды тыххæй
Дзиццойты Юрий: Ирон тырыса райгуырд хуссары, уый фæстæ ссис æппæтирон

Æрвылаз 19 сентябры нæ республикæ нысан кæны паддзахадон тырысайы бон. Дзиццойты Юрийы куыд радзырдта, уымæ гæсгæ паддзахадон тырыса фæзынд фыццаг Хуссар Ирыстоны 1989 азы, фæлæ уый фæстæ ссис æппæтирон.

"Мах ног дугæн дзуапп чи хъуамæ радтаид, ахæм тырысайыл куы райдыдтам кусын, уæд историмæ аздæхтам нæ хъусдард. Индоевропæйаг адæмтæн сæ фылдæр хаймæ ис хуызты символикæ", - загъта Дзиццойты Юрий.

Юрийы ныхæстæм гæсгæ, индоевропайаг адæмтæн сæ фылдæр хайæн урс хуыз амоны – зонды куыст чи кодта уый, сырх та, йæ хъаруйæ чи куыста, уыдон хуыз.

"Мах, куыд индоевропæйаг адæмæн йæ иу къабаз, афтæ уыцы символикæ йæ фæд ныууагъта нæ историйы. Тырысайы хуыз æвзаргæйæ дискусситæ цыд æрмæстдæр æртыккаг хуыз æвзарыны рæстæджы, æмæ бур хуызыл аскъуыддзаг", - банысан кодта Юрий.

Дзиццойты Юрий бафиппайдта, хуызон сиволикæ нарты кадджыты дæр кæй ныууагъта йæ фæд, зæгъæм, Алæгатæн сæ хæдзар уыд урс, Æхсæртæггатæн та сæ дарæсы уыд сырх хуыз, æртыккаг социалон стратæ сты Борæтæ, уыдон ма фæхонынц Буртæ дæр. Ацы æртæ символикон нысаниуæджы ссисты вазыгджын аргумент тырысайы хуызтæ æвзарыны рæстæджы.

0
Темӕтӕ:
Радио иронау