Хуссар Иры Милицийы тагъд архайды къорды кусджытӕ равдыстой хӕцӕнгарзӕй архайыны курдиат

Хуссар Иры Милицийы тагъд архайды къорд равдыста хӕцӕнгарзӕй архайыны курдиат

5
(ранӕуӕггонд 13:14 30.07.2020)
Тренировкӕты рӕстӕджы хӕстонтӕ бакуыстой тохы сӕрмагонд фадӕттыл ӕмӕ фӕхуыздӕр кодтой ӕмбуар хӕсты техникӕ

ЦХИНВАЛ, 30 июл — Sputnik. Хуссар Ирыстоны Мидхъуыддӕгты министрады (МХМ) тагъд архайды къорды кусджытӕ ауагътой ахуыртӕ профессионалон ӕмӕ физикон цӕттӕкӕнынадӕй инструкторы къухдариуӕгады бын. Кусджытӕ сӕххӕст кодтой фӕлтӕрӕнтӕ табелон хӕцӕнгарз ӕмӕ кардимӕ, ӕрцахстой дзырдӕй фыдгӕнджыты. Уый тыххӕй фехъусын кодтой республикӕйы МХМ пресс-службӕйы.

"Тренировкӕты рӕстӕджы сӕрмагонд дӕлхайады кусджытӕ фӕхуыздӕр кодтой ӕмбуар хӕсты техникӕ, бакуыстой табелон хӕцӕнгарзӕй архайыныл ӕмӕ къорды сконды архайды тактикӕйыл", - дзырдӕуы пресс-службӕйы хъусинаджы.

Тагъд архайды къорд иудадзыг бӕрзонд кӕны профессионалон цӕттӕдзинад. Райсгӕ фӕлтӕрддзинад фадат дӕтты кусджытӕн ӕххӕст кӕнын сӕ хӕслӕвӕрдтӕ, цӕмӕй ӕххуысс кӕной криминалон милицийӕн оперативон-сгарӕн мадзӕлтты рӕстӕджы.

5
РХИ парламент

Парти "Иугонд Ирыстон"-ы депутат фехъусын кодта фракцийӕ рахизыны тыххӕй

3
(ранӕуӕггонд 15:35 18.09.2020)
Ӕртыккаг ӕвзарӕн зылдӕй депутат банысан кодта, дарддӕр кӕй кусдзӕн парламенты ӕмӕ нӕ нывӕнды бахизын никӕцы парламентон фракцимӕ

ЦХИНВАЛ, 18 сен - Sputnik. Хуссар Ирыстоны парламенты депутат Мулдарты Гарри фехъусын кодта парти "Игонд Ирыстоны"-ы фракцийӕ кӕй рахызт, уый тыххӕй. Депутаты куырдиаты текст ныммыхуыр кодтой закондӕттӕг органы официалон сайтыл.

Мулдарты Гарри куыд банысан кодта, афтӕмӕй йӕ скъуыддзаджы аххоссаг уыд уый, ӕмӕ нӕ сӕххӕст кодтой Хуссар Ирыстоны парламенты депутатты фылдӕр хайы домӕн генпрокурор Дзӕгъиаты Уырызмӕджы отставкӕйы фӕдыл.

"Мӕ хъуыдымӕ гӕсгӕ, Дзӕгъиаты Уырызмӕг РХИ генералон прокуроры бынаты куы куса, уӕд уый хъыгдардзӕн объективон фӕдагуырд Дзабиты Иналы мӕлӕты фӕдыл, афтӕ ма ӕххӕст нӕ цӕудзысты нӕ паддзахад ӕмӕ ӕхсӕнады законон интерестӕ", – фехъусын кодта депутат.

Ӕртыккаг ӕвзарӕн зылдӕй депутат бафтыдта, зӕгъгӕ, дарддӕр кусдзӕн парламенты ӕмӕ нӕ нывӕнды бахизын никӕцы парламентон фракцимӕ.

Дзабиты Иналы мæлæт æхсæнады сæвзæрын кодта стыр резонанс. Йæ фæстæ Цхинвалы ацыд митингтæ, адæм домдтой, цæмæй йæ бынатæй сæрибар æрцæуа Генералон прокурор Дзæгъиаты Уырызмæг æмæ æфхæрд æрцæуой азымджынтæ. Фæстæдæр уагдон фехъусын кодта, ацы хъуыддаджы зæрдæхсайгæ адæм - криминалон милицийы аст кусæджы - рæстæгмæ æрцахстой.

3
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы Хъорсеуы хъӕумӕ цалцӕг кӕнынц фӕндаг

8
(ранӕуӕггонд 14:22 18.09.2020)
Афтӕ ма цалцӕг кӕнынц фӕндаг, кӕцы цӕуы Хъорсеуы Дзуармӕ. Ныртӕккӕ фӕндӕгтӕ уӕрӕх кӕнынц, фӕстӕдӕр дзы ныккалдзысты хуыр

ЦХИНВАЛ, 18 сен — Sputnik, Хъуылымбегты Азӕмӕт. Дзауы районы Хъорсеуы хъӕумӕ фӕндаг нӕ цалцӕг кодтой цалдӕр азы. Ныридӕгӕн цалдӕр боны Дзауы районы Цӕрӕнуатон-коммуналон хӕдзарады (ЦКХ) кусджытӕ цалцӕг кӕнынц фӕндаг. Уыдон уӕрӕх кӕнынц фӕндаг ӕмӕ дзы калынц хуыр, фехъусын кодтой Sputnik Дзауы районы администрацийы пресс-службӕйы.

В селе Хъорсеу Дзауского района ремонтируют дорогу
Пресс-служба администрации Дзауского района
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы ЦКХ хистӕр Цхуырбаты Тамерланы ныхӕстӕм гӕсгӕ, цалцӕг кӕнынц Хъорсеуы Дзуармӕ фӕндаг дӕр, кӕцы ис кӕлӕтдзаг уавӕры.

Амӕй размӕ Дзауы районы администрацийы сӕргълӕууӕг Джиоты Андрей радзырдта районы фӕндӕгты цалцӕггӕнӕн куыстыты тыххӕй.

8