ӔХМ ӕрдзырдтой, цы нӕ фаг кӕны Хуссар Иры медицинон ӕххуыс ӕххӕст кӕнынӕн

ӔХМ ӕрдзырдтой, цы нӕ фаг кӕны Хуссар Иры медицинон ӕххуыс ӕххӕст кӕнынӕн

5
(ранӕуӕггонд 13:09 30.07.2020)
Ӕнӕниздзинад хъахъхъӕнынады министрад ӕркаст республикӕйы медицинон организациты материалон-техникон базӕтӕ фӕхуыздӕр кӕныны фарстмӕ

ЦХИНВАЛ, 30 июл - Sputnik, Гӕбӕраты Элина. Хуссар Ирыстоны Ӕнӕниздзинад хъахъхъӕнынады министрады (ӔХМ) коллегийыл ӕртыццӕджы ӕрдзырдтой ангиографион комплекс балхӕнын ӕмӕ медорганизацитӕ туаггуырӕй сифтонг кӕныныл, афтӕ ма медицинон ӕвзарӕнты утилизацийы фарстыл.

ӔХМ сӕргълӕууӕджы хӕдивӕг Зассеты Ӕхсар куыд радзырдта журналисттӕн, афтӕмӕй фӕстаг ӕзты сарӕзтой ног хоскӕнӕн уагдӕттӕ, афтӕ ма балхӕдтой ифтонггарз. Фӕлӕ медицинон ӕххуыс сӕххӕст кӕнынӕн хъӕуы фӕтыхджындӕр кӕнын медицинон организациты материалон-техникон базӕ.

"Фыццаг ахсджиаг фарст у ангиографион комплекс балхӕнын. Уымӕн ӕмӕ рынчынты 65 процентӕн, кӕцытӕ ацӕуынц хоскӕнынмӕ фӕсарӕнтӕм – вӕййы зӕрдӕимӕ проблемӕтӕ. Ацы комплекс нӕм куы уа, уӕд фарст скъуыддзаг кӕндзыстӕм бынаты. Уыдон сты зынаргъ аппараттӕ, ӕмӕ уый фӕдыл Уӕрӕсейы ӔХМ бадзырды фӕстӕ бахӕсдзыстӕм ацы фарст Инвестицион нывӕзтмӕ", - банысан кодта уый.

Ӕнӕниздзинад хъахъхъӕнынады дыккаг ахсджиаг проблемӕ у туаггуыр ӕрласынимӕ зындзинӕдтӕ.

"Туаггуыр мах ласӕм Цӕгат Ирыстонӕй. Ацы баллонтӕ ласыны рӕстӕджы фӕзыны техникон зындзинӕдтӕ. Махмӕ бадзырдта организаци, кӕцы нын сӕвӕрдзӕн комплекс. Ӕмӕ уый фӕстӕ медицинон центры организацитӕ иууылдӕр ифтонг уыдзысты сертификацигонд туаггуырӕй", - загъта Зассеты Ӕхсар.

Министрады ӕртыккаг ахсджиаг фарст у медицинон ӕвзарӕнты утилизаци.

"Уый у стыр проблемӕ. Мах балхӕдтам пец, кӕцы сӕвӕрдтой республикон бирӕпрофилон медицинон центры территорийыл, фӕлӕ уый фаг нӕу, цӕмӕй медицинон ӕвзарӕнтӕ иууылдӕр утилизаци кӕной", - загъта Зассеты Ӕхсар.

Уый банысан кодта проблемӕйы дыууӕ скъуыддзаджы – ласын ӕвзарӕнтӕ ӕмӕ сӕ куынӕг кӕнын ӕндӕр бынаты, кӕнӕ та балхӕнын уӕлӕмхасӕн аппаратурӕ.

Цхинвалы ӕртыццӕджы ацыд республикӕйы Ӕнӕниздзинад хъахъхъӕнынад ӕмӕ социалон райрӕзты министрады коллегийы рабадт. Министрады къухдариуӕгад бавдиста докладтӕ уагдоны сӕйраг проблемӕты фӕдыл.

5
Цхинвалы райдайдзӕн авд уынджы капиталон цалцӕг

Цхинвалы райдайдзӕн авд уынджы капиталон цалцӕг

1
Республикӕйы столицӕйы ныридӕгӕн раивтой зӕххы бын коммуникациты 70 проценты, ӕввахс рӕстӕджы куыстытӕ райдайдзысты ноджы авд уынгыл

ЦХИНВАЛ, 4 мар - Sputnik, Хъуылымбегты Азӕмӕт. Хуссар Ирыстоны столицӕйы ӕввахс рӕстӕджы ногӕй райдыдтой зӕронд коммуникацион хӕтӕлтӕ раивыны фӕдыл цалцӕггӕнӕн куыстытӕ, фехъусын кодта Sputnik арӕзтад, архитектурӕ ӕмӕ ЦКХ министрады минӕвар Къацты Сослан.

Республикӕйы ӕрвылаз Инвестпрограммӕйы хаххыл ивынц доны, канализацион ӕмӕ газы зӕронд хӕтӕлтӕ.

"Цхинвалы ацы аз нывӕндынц авд уынджы капиталон цалцӕг: Плехановы, Санахъоты Гришикы, Сабырады, Едысы ӕмӕ Саулохты Мухтары уынгтӕ. Афтӕ ма, сцалцӕг кӕндзысты Нарты уынджы алвӕндаг Плиты Ароны уынджы онг. Нырма раивдзысты зӕххы бын коммуникацитӕ, уый фӕстӕ та дзы сӕвӕрдзысты асфальт", - радзырдта Къацты Сослан.

Генералон нардуатон организацитӕ уыдзысты паддзахадон унитарон куыстуӕттӕ "Водоканал" ӕмӕ "Энергоресурс-Хуссар Ирыстон".

Амӕйразмӕ "Водоканал"-ы хъусын кодтой, республикӕйы столицӕйы ныридӕгӕн кӕй раивтой зӕххы бын коммуникациты 70 проценты.

1
COVID-19

Хуссар Иры рабӕрӕг ис COVID-19-ы 21 ног цауы - "Югосетпотребнадзор"

3
(ранӕуӕггонд 15:07 04.03.2021)
Медицинон хыгъдӕй цыппӕрӕмы райсоммӕ систой 14 пациенты, сӕнӕнизуӕвджыты иумӕйаг нымӕц та схызт 2591 онг

ЦХИНВАЛ, 4 мар - Sputnik, Хъуылымбегты Зӕлинӕ. Хуссар Ирыстоны ивгъуыд къуыри сарӕзтой 95 иртӕсты коронавирус рафӕлгъауыны фӕдыл, уыдонӕй 21 равдыстой ӕвӕрццаг фӕстиуӕг, фехъусын кодта Sputnik санитарон уагдоны сӕргълӕууӕджы хӕдивӕг Гаглойты Анна.

"Коронавирусон инфекцийӕ ног рынчынты нымӕц Хуссар Иры абон у 21 адӕймаджы, ӕдӕппӕт пандемийы рӕстӕджы та - 3081", - загъта уый.

Гаглойты Анна ма бафтыдта, цыппӕрӕмы райсоммӕ медицинон уагдӕтты "сырх зонӕтӕй" кӕй рафыстой 14 пациенты, сӕнӕнизуӕвджыты иумӕйаг нымӕц та схызт 2591 онг. Медикты хъусдарды бын ма сты 490 рынчыны.

Хуссар Ирыстоны COVID-19 пандемийы рӕстӕджы ӕдӕппӕт сарӕзтой 18 661 тесты коронавирусы фӕдыл.

Республикӕйы январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

3