Хуссар Иры банысан кодтой УДӔ бон

90-æм азы юбилей: Хуссар Иры банысан кодтой УДӔ-йы бон

14
(ранӕуӕггонд 09:43 03.08.2020)
Ветерантӕ ӕмӕ УДӔ ахуыргӕнӕндоны курсанттӕ сӕвӕрдтой дидинджытæ Ӕнусон артмӕ ӕмӕ сорганизаци кодтой автозгъорд президенты хайадистӕй

ЦХИНВАЛ, 2 авг - Sputnik, Плиты Фатимӕ. Хуссар Ирыстоны столицӕйы сӕвӕрдтой дидинджытӕ ӕмӕ веноктӕ Ӕнусон артмӕ Каде аллейыл Уӕлдӕфон-десантон ӕфсӕдты (УДӔ) 90-æм азы юбилейы цытӕн, къорд ветераны райстой майдантæ Уæрæсейы УДӔ-йæ, ӕфсӕддонтӕн раарфӕ кодтой тыхон ӕмӕ барадхъахъхъӕнӕг органты разамонджытӕ.

День ВДВ в Южной Осетии
© Sputnik / Natalia Airiyan
Тыхон ӕмӕ барадхъахъхъӕнӕг органты разамонджытӕ

Ӕнусон арты цур ӕрӕмбырд сты Рязаны уӕлдӕфон-ӕфсӕддон ахуыргӕнӕндоны курсанттӕ æмæ УДӔ ветерантӕ, мадзалмæ æрбацыд президент Бибылты Анатолий, уый йæхæдæг дæр каст фæцис банысангонд уæлдæр ахуыргæнæндон.

День ВДВ в Южной Осетии
© Sputnik / Natalia Airiyan
Уӕлдӕфон-десантон ӕфсӕдты (УДӔ) 90-æм азы юбилейы цытӕн, къорд ветераны райстой майдантæ

Паддзахады сӕргълӕууӕг раарфӕ кодта ветерантӕн бӕрӕгбоны цытӕн.

"Ӕхсызгон мын у сымахæн арфæ кæнын. Сымах стут иууыл цырддæр, дæнцæг кæмæй исынц æмæ æппæт Уæрæсе сæрыстыр кæмæй у, уыцы æфсад. Бузныг уын уæ службæйы тыххæй", - загъта президент.

Уый фæстæ паддзахады сæргълæууæг схорзæхджын кодта Уæрæсейы УДӔ-йы юбилейон майдантæй 39 адæймаджы.

Уый фæстæ ветерантӕ ӕмӕ УДӔ ахуыргӕнӕндоны курсанттӕ сӕвӕрдтой дидинджытæ Ӕнусон артмӕ ӕмӕ сорганизаци кодтой автозгъорд президенты хайадистӕй.

День ВДВ в Южной Осетии
© Sputnik / Natalia Airiyan
Автозгъорд президенты хайадистӕй
14

Уӕрӕсейаг ӕфсӕддонтӕ дезинфекци уадзынц Хуссар Иры районты

2
(ранӕуӕггонд 16:24 24.11.2020)
Хуссар Ирыстоны уӕвӕг Уӕрӕсейы ӕфсӕддон госпиталы къорд бацыдысты Знауыры районы рынчындон ӕмӕ скъоламӕ

Уӕрӕсейы ӕфсӕддон-быдырон госпиталы специалисттӕ сдезинфекци кодтой дыууӕ социалон объектты, цӕмӕй ӕруромой коронавирусы дарддӕры апарахат. Сӕ дарддӕры нывӕзты ис ӕнгӕс куыстытӕ ауадзын Ленингоры районы дӕр.

2
Уӕрӕсейы ӕфсӕддонтӕ сдезинфекци кодтой Хуссар Иры МХМ бӕстыхай

Уӕрӕсейы ӕфсӕддонтӕ сдезинфекци кодтой Хуссар Иры МХМ бӕстыхай

2
(ранӕуӕггонд 15:27 24.11.2020)
Цхинвалы уӕрӕсейаг мобилон госпиталы радиацион, химикон ӕмӕ биологон хъахъхъӕнынады дӕлхайады ӕфсӕддонтӕ сдезинфекци кодтой МХМ бӕстыхай

ЦХИНВАЛ, 24 ноя - Sputnik. Уӕрӕсейаг мобилон госпиталы радиацион, химикон ӕмӕ биологон хъахъхъӕнынады дӕлхайады ӕфсӕддонтӕ сдезинфекци кодтой Хуссар Ирыстоны Мидхъуыддӕгты министрады (МХМ) бӕстыхай, цӕмӕй ма ‘руадзой коронавирусы апарахат, хъусын кӕны уагдоны пресс-службӕ.

Ӕфсӕддонтӕ сӕрмагонд ифтоггарзӕй сдезинфекци кодтой службӕйон бӕстыхӕйттӕ ӕмӕ ӕввахс территори, банысан кодтой МХМ.

Российские военнослужащие из войск РХБЗ продезинфицировали здание МВД
Уӕрӕсейы ӕфсӕддонтӕ сдезинфекци кодтой Хуссар Иры МХМ бӕстыхай

Хуссарирыстойнаг медиктӕм ӕххуысмӕ ӕрцыдысты УФ Хъахъхъӕнынады министрады ӕфсӕддон дохтыртӕ. Ӕфсӕддон-быдырон госпиталь сӕвӕрдтой горӕты стадионы территорийыл, уый райдыдта исын пациентты.

Хуссар Ирыстоны пандемийы рӕстӕджы сбӕрӕг кодтой коронавирусӕй 1,8 минмӕ ӕввахс фӕрынчынуӕвӕджы, уыдонӕй сӕнӕниз сты 570 пациенты. Республикӕйы 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ уадзыныл.

2