Хуссар Иры ӕртӕ хъӕумӕ сарӕзтой хид

Хъӕдыны бӕсты æфсæн: Хуссар Иры ӕртӕ хъӕумӕ сарӕзтой хид

17
(ранӕуӕггонд 11:53 05.08.2020)
Зæронд хид уыд хъӕдын ӕмӕ æрцыд æдзæллаг уавӕрмæ, тӕссаг ыл уыд цӕуын. Уымæ гæсгæ районы администраци аскъуыддзаг кодта баивын хъӕдын хӕйттӕ ӕфсӕнтӕй

ЦХИНВАЛ, 5 авг– Sputnik, Плиты Фатимӕ. Хуссар Ирыстоны Дзауы районы цалцӕг цӕуы хид Чысыл Гуфтамӕ, уыимӕ иумӕ фӕндаг фӕзындзӕн ноджы дыууӕ хъӕу - Морго ӕмӕ Барсмӕ, фехъусын кодта Sputnik районы пресс-секретарь Тедеты Лиана.

Зæронд хид уыд хъӕдын ӕмӕ æрцыд кӕлӕтдзаг уавӕрмæ, тӕссаг ыл уыд цӕуын.

"Ӕрвыл сезон сӕ хъуыд ивын, цӕмӕй цӕрджытӕн сӕ бон уа ӕдасӕй хидыл цӕуын. Районы администраци аскъуыддзаг кодта баивын хъӕдын хӕйттӕ ӕфсӕнтӕй. Куыстытӕ бахӕс кодтой цӕрӕнуатон-коммуналон хӕдзарадӕн", - загъта уый.

Йӕ ныхӕстӕм гӕсгӕ, къуырийы ӕмгъуыдмӕ куыстытӕ фӕуыдзысты.

Хиды дӕргъ у 62 метры. Кӕд фӕстаг ӕзты Хуссар Иры хъӕутӕ ӕдзӕрӕг кӕнынц, уӕд ранымайгӕ хъӕуты та арӕзт цӕуынц дачӕтӕ.

Мост в село Малая Гуфта
© Sputnik / Пресс-служба Дзауского района
Мост в село Малая Гуфта
17
Цхинвал

Бибылты Анатолий раарфӕ кодта Хуссар Иры банкон фадыджы кусджытӕн

1
(ранӕуӕггонд 14:36 02.12.2020)
Бузныг уын стыр профессионализм ӕмӕ уӕ куыстӕн иузӕрдыгдзинады тыххӕй, банысан икодта президент йӕ арфӕйы банкон фадыджы кусджытӕн

ЦХИНВАЛ, 2 дек — Sputnik. Хуссар Ирыстоны банкон фадыджы кусынц бӕрзонд квалификациимӕ специалисттӕ. Уыдон иудадзыг хуыздӕр кӕнынц сӕ профессионализм. Уый тыххӕй дзырдӕуы Бибылты Анатолийы арфӕйы телы банкон фадыджы кусджытӕн, кӕцытӕ абон нысан кӕнынц сӕ профессионалон бӕрӕгбон.

Бибылты Анатолий фидарӕй загъта, банкон кусджытӕ дарддӕр дӕр алцыдӕр кӕй араздзысты къабазы райрӕзтӕн, ӕнтыстджынӕй ӕххӕст кӕндзысты сӕ хӕслӕвӕрдтӕ.

Паддзахады сӕргълӕууӕджы цӕст бауарзта банкон фадыджы специалисттӕн фидар ӕнӕниздзинад, амонд ӕмӕ ног ӕнтыстытӕ сӕ Фыдыбӕстӕйы хӕрзӕбонӕн.

1
Коронавирус

Хуссар Иры сбӕрӕг кодтой коронавирусӕй 27 ног рынчыны

1
(ранӕуӕггонд 14:27 02.12.2020)
Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты

ЦХИНВАЛ, 27 ноя - Sputnik, Хъуылымбегты Зӕлинӕ. Хуссар Ирыстоны иу суткӕмӕ  сбӕрӕг кодтой 27 рынчыны коронавирусон инфекцийӕ, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы сарӕзтам 155 иртӕсты COVID-19-ы фӕдыл, уыдонӕй 27 радтой ӕвӕрццаг фӕстиуӕг", - загъта Гаглойты Анна.

Гаглойты Аннайы ныхӕстӕм гӕсгӕ, медикты хъусдарды бын республикӕйы медицинон уагдӕтты ис 1061 адӕймаджы.

"Ивгъуыд суткӕйы медикты хъусдардӕй систой 30 пациенты", - бафтыдта уый.

Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

1