Коронавирус

Хуссар Иры санитарон уагдон фехъусын кодта коронавирусы фӕдыл тестты фӕстиуджытӕ

10
(ранӕуӕггонд 11:53 05.08.2020)
Майы райдайӕнӕй республикӕйы сбӕрӕг кодтой 89 фӕрынчынуӕвӕджы, уыдонӕй 88 сӕнӕниз сты

ЦХИНВАЛ, 5 авг – Sputnik, Хъуылымбегты Азӕмӕт. Хуссар Ирыстоны ӕртыккаг къуыри нӕ бӕрӕг кӕнынц коронавирусӕй ног рынчынты. Ивгъуыд суткӕйы тесттӕ иууылдӕр радтой ӕппӕрццаг фӕстиуджытӕ, фехъусын кодта ӕртыццӕджы Югосетпотребнадзоры сӕргълӕууӕджы хӕдивӕг Гаглойты Анна.

Фӕстаг фӕрынчынуӕвджыты тыххӕй уагдон фехъусын кодта 17 июлы. Рынчынты нымӕцы уӕд уыд медицинон кусӕг, кӕцы куыста "сырх зонӕйы".

"Уый ныры онг ис инфекцион хайады. Уый у иунӕг рынчын коронавирусӕй медицинон уагдоны. Ивгъуыд суткӕйы ног рынчынты не сбӕрӕг кодтам, 24 тесты радтой ӕппӕрццаг фӕстиуджытӕ", - загъта Гаглойты Анна.

Медикты хъусдарды бын карантиныл сты 164 адӕймаджы. Уыдонӕй ӕхсай ӕрцыдысты дыццӕджы ФХМ хаххыл, ноджы ӕрдӕг сӕдӕ адӕймаджы ӕрыздӕхдзысты Хуссар Ирыстонмӕ ӕртыццӕджы.

Хуссар Ирыстоны дарддӕр ис ӕнӕмӕнг карантин ӕрцӕуӕггӕгтӕн. Изоляцийӕ ссӕрибар кодтой коронавирусӕй уый размӕ чи фӕрынчын, уыдоны. Уый тыххӕй уыдон хъуамӕ радтой анализтӕ Цӕгат Ирыстоны ӕмӕ бавдисой уый фӕдыл справкӕтӕ.

10

Уӕрӕсейаг ӕфсӕддонтӕ дезинфекци уадзынц Хуссар Иры районты

2
(ранӕуӕггонд 16:24 24.11.2020)
Хуссар Ирыстоны уӕвӕг Уӕрӕсейы ӕфсӕддон госпиталы къорд бацыдысты Знауыры районы рынчындон ӕмӕ скъоламӕ

Уӕрӕсейы ӕфсӕддон-быдырон госпиталы специалисттӕ сдезинфекци кодтой дыууӕ социалон объектты, цӕмӕй ӕруромой коронавирусы дарддӕры апарахат. Сӕ дарддӕры нывӕзты ис ӕнгӕс куыстытӕ ауадзын Ленингоры районы дӕр.

2
Уӕрӕсейы ӕфсӕддонтӕ сдезинфекци кодтой Хуссар Иры МХМ бӕстыхай

Уӕрӕсейы ӕфсӕддонтӕ сдезинфекци кодтой Хуссар Иры МХМ бӕстыхай

2
(ранӕуӕггонд 15:27 24.11.2020)
Цхинвалы уӕрӕсейаг мобилон госпиталы радиацион, химикон ӕмӕ биологон хъахъхъӕнынады дӕлхайады ӕфсӕддонтӕ сдезинфекци кодтой МХМ бӕстыхай

ЦХИНВАЛ, 24 ноя - Sputnik. Уӕрӕсейаг мобилон госпиталы радиацион, химикон ӕмӕ биологон хъахъхъӕнынады дӕлхайады ӕфсӕддонтӕ сдезинфекци кодтой Хуссар Ирыстоны Мидхъуыддӕгты министрады (МХМ) бӕстыхай, цӕмӕй ма ‘руадзой коронавирусы апарахат, хъусын кӕны уагдоны пресс-службӕ.

Ӕфсӕддонтӕ сӕрмагонд ифтоггарзӕй сдезинфекци кодтой службӕйон бӕстыхӕйттӕ ӕмӕ ӕввахс территори, банысан кодтой МХМ.

Российские военнослужащие из войск РХБЗ продезинфицировали здание МВД
Уӕрӕсейы ӕфсӕддонтӕ сдезинфекци кодтой Хуссар Иры МХМ бӕстыхай

Хуссарирыстойнаг медиктӕм ӕххуысмӕ ӕрцыдысты УФ Хъахъхъӕнынады министрады ӕфсӕддон дохтыртӕ. Ӕфсӕддон-быдырон госпиталь сӕвӕрдтой горӕты стадионы территорийыл, уый райдыдта исын пациентты.

Хуссар Ирыстоны пандемийы рӕстӕджы сбӕрӕг кодтой коронавирусӕй 1,8 минмӕ ӕввахс фӕрынчынуӕвӕджы, уыдонӕй сӕнӕниз сты 570 пациенты. Республикӕйы 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ уадзыныл.

2