Цхинвал

Хуссар Иры МХМ сӕргълӕууӕг ӕрдомдта йӕ кусджытӕй службӕйон дисциплинӕйыл схӕцын

5
(ранӕуӕггонд 13:30 05.08.2020)
Милицийы хӕслӕвӕрдтӕ ӕххӕст кӕнынӕн хъӕуы фӕбӕрзонддӕр кӕнын кусджыты службӕйон дисциплинӕйы ӕмвӕзад, бахахх кодта мидхъуыддӕгты министр оперативон рабадтыл

ЦХИНВАЛ, 5 авг - Sputnik. Хуссар Ирыстоны Мидхъуыддӕгты министрады (МХМ) ацыд уагдоны къухдариуӕгады ӕрвылкъуырион оперативон рабадт, министр Наниты Игорь сӕйраг хъусдард аздӕхта службӕйон дисциплинӕ фӕтыхджындӕр кӕнынмӕ.

"Мидхъуыддӕгты министр банысан кодта, хӕслӕвӕрдтӕ ӕххӕст кӕнынӕн кӕй хъӕуы фӕбӕрзонддӕр кӕнын службӕйон дисциплинӕйы ӕмвӕзад, ӕмӕ ӕрдомдта службӕтӕ ӕмӕ дӕлхайӕдты хистӕртӕй фӕтыхджындӕр кӕнын дисциплинӕ сӕ кусджыты хсӕн", - хъусын кӕны МХМ пресс-службӕ.

Афтӕ ма Наниты Игорь банысан кодта, экономикон фыдракӕндты ныхмӕ тох кӕныны фӕдыл дӕлхайад дарддӕр кӕй кусдзӕн, цӕмӕй ма бауадза ӕнӕзаконон фылдӕр кӕнын хостӕ ӕмӕ хӕлцадон базайрӕгты ӕргътӕ, уымӕй дарддӕр ма уадзын реализаци кӕнын ӕнӕакцизон нозты продукци.

Уымӕй дарддӕр, бардахъахъхъӕнджытӕ дарддӕр ӕххӕст кӕнынц мадзӕлттӕ карантинон мадзӕлтты рӕстӕджы ӕхсӕнадон фӕтк хъахъхъӕныны фӕдыл. Сӕ нымӕцы, милици сгардзӕн республикӕмӕ базайрӕгтӕ чи ласы, уыцы шофырты ӕрвонгдзинад.

5
Коронавирус

Югосетпотребнадзор фехъусын кодта ног бӕрӕггӕнӕнтӕ коронавирусы фӕдыл

2
(ранӕуӕггонд 14:01 28.09.2021)
Пандемийы рӕстӕджы республикӕйы сбӕрӕг кодтой 5908 фӕрынчынуӕвӕджы коронавирусӕй, уыдонӕй 5033 адӕймаджы сӕнӕниз сты

ЦХИНВАЛ, 28 сен - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой 41 ног рынчыны COVID-19-ӕй, фехъусын кодта Sputnik дыццӕджы Югосетпотребнадзоры сӕргълӕууӕг Коцты Марина.

"Нӕ лабораторийы сарӕзтӕуыд 163 иртӕсты, уыдонӕй COVID-19 сбӕрӕг кодтой 41 адӕймагӕн. Медицинон хыгъдӕй систой 99 пациенты. Медикты хъусдарды бын ма сты 875 адӕймаджы", - загъта Коцты Марина.

Хуссар Ирыстоны абоны онг коронавирусӕй ӕдӕппӕт сӕнӕниз сты 5033 адӕймаджы.

Пандемийы райдайӕнӕй COVID-19 раиртасыны тыххӕй Югосетпотребнадзоры ПЦР-лабораторийы сарӕзтӕуыд 37 214 иртӕсты, уыдонӕй ӕвӕрццаг фӕстиуӕг равдыстой 5908.

2
Хъодалаты Мария ӕмӕ Джиоты Любайы концерт

Цхинвалы ацыд Хъодалаты Мария ӕмӕ Джиоты Любайы концерт-презентаци

3
(ранӕуӕггонд 13:52 28.09.2021)
Хуссар Ирыстоны Паддзахадон драмон театры сценӕйыл ферттывдтой ирон эстрадӕйы стъалытӕ

ЦХИНВАЛ, 28 сен - Sputnik, Хъуылымбегты Зӕлинӕ. Цхинвалы центры ацыд ӕвзонг зарӕггӕнджытӕ Хъодалаты Мария ӕмӕ Джиоты Любайы ног альбомы презентаци.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерт ӕрӕмбырд кодта ирон музӕкӕ уарзджыты къуырисӕры изӕры Хетӕгкаты Къостайы номыл Паддзахадон драмон театры.

Сфӕлдыстадон изӕр бакодта Хъодалаты Мария, кӕцы сӕххӕст кодта зарӕг "Хурӕн зарыд мӕй". Изӕры стъалытӕ Хъодалаты Мария ӕмӕ Джиоты Люба алӕмӕттаг ӕххӕст кодтой кӕрӕдзи.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерты ма хайад райстой дыууӕ чызджы ӕмбӕлттӕ – Хуссар ӕмӕ Цӕгат Ирыстоны музыканттӕ: Плиты Олег, Хохойты Влад ӕмӕ Томайты Александр.

"Мах – Хуссар ӕмӕ Цӕгат Ирыстоны фӕсивӕд – ӕмархайд кӕнӕм ӕмӕ ӕмбарӕм, нӕ тых кӕй ис иудзинады. Ууыл хъӕуы тох кӕнын", - загъта Хъодалаты Мария.

Концерты спрезентаци кодтой зарӕггӕнджыты альбом "Хурӕн зарыд мӕй".

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

"Тыхстӕн, фӕлӕ мын ме ‘ввахс адӕм загътой, иууыл сӕйрагдӕр кӕй у райсын ӕхцондзинад концертӕй, уӕд кӕсджытӕ дӕр уый банкъардзысты. Уыцы хъуыды райстон ӕмӕ алцыдӕр ацыд хорз", - загъта Хъодалаты Мария.

Хъодалаты Мария – зарджытӕ ӕмӕ ӕмдзӕвгӕты автор, фарон ӕвзонг зарӕггӕнӕг ныффыста йӕ фыццаг клип "Ӕз бузныг дӕн" зарӕгмӕ. Джиоты Люба ссис зындгонд Цӕгат Ирыстоны "Осетия-Ирыстон" телеканалы проект "Азар ма"-йы хайадисты фӕстӕ.

  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
1 / 5
© Sputnik / Natalia Airiyan
Хъодалаты Мария ӕмӕ Джиоты Любайы концерт
3