Бибылты Анатолий

Хуссар Иры президент фехъусын кодта Инвестпрограммӕйы фӕдыл сӕйраг ориентир

14
(ранӕуӕггонд 15:20 06.08.2020)
Хуссар Ирыстоны столицӕйы цыппӕрӕмы ацыд рабадт инвестицион куыст сӕххӕст кӕныны фӕдыл ацы аз. Паддзахады сӕргълӕууӕг радта нысӕнттӕ аразджытӕн

ЦХИНВАЛ, 6 авг — Sputnik, Гӕбӕраты Элина. Хуссар Ирыстоны президент Бибылты Анатолий ацы азы инвестицион программӕйы реализацийы фарстыты фӕдыл рабадты рӕстӕджы фехъусын кодта, куыстытӕ кӕй хъуамӕ сӕххӕст кӕной иууылдӕр ӕмгъуыдмӕ.

Паддзахады сӕргълӕууӕг загъта бузныг нардуатон организацитӕн сӕ куысты тыххӕй.

"Махӕн нырма рӕстӕг ис. Мӕ хъуыдымӕ гӕсгӕ, арӕзтадон ӕрмӕджытӕ ласынимӕ дӕр проблемӕтӕ нӕй. Хицауад кусы, цӕмӕй арӕзтадон ӕрмӕджытӕ ласой ӕмгъуыдмӕ, ӕмӕ цӕмӕй Инвестпрограммӕ азы кӕронмӕ сӕххӕст кӕной сӕдӕ проценты", - загъта президент.

Рабадтыл банысан кодтой, 2020 азмӕ инвестицион программӕйы суммӕйы 30 проценты – 430 милуан сомӕй фылдӕр – тагъд рӕстӕджы ӕрбацӕудзысты республикӕмӕ.

"Уыимӕ иумӕ нӕ хъӕуы рох кӕнын, 70 проценты, кӕцытӕ баззадысты – у стыр суммӕ, ӕмӕ ацы финанстӕй спайда кӕнынӕн рӕстӕг бирӕ нал баззад. Ӕрмӕстдӕр уӕ куысты руаджы мах фӕфылдӕр кӕндзыстӕм куысты бӕрцуат", - загъта Бибылты Анатолий.

Президент бахӕс кодта нардуатон ораганизацитӕн, цӕмӕй бакусой ацы фарстыл.

"Махӕн нӕ бӕрӕггӕнӕнтӕ хъуамӕ ма уой ӕвзӕрдӕр 2018 ӕмӕ 2019 ӕзтӕм абаргӕйӕ. Уӕ ориентир хъуамӕ уа Инвестпрограммӕ сӕдӕ проценты сӕххӕст кӕнын", - бахахх кодта президент.

Хуссар Ирыстонӕн социалон экономикон ӕххуыс бакӕнын фӕдыл Инвестпрограммӕ 2020-2022 ӕзтӕм сфидар кодтой ӕхсӕнхицауадон къамисы рабадтыл 2019 азы апрелы.

Ӕртӕазон программӕйы, кӕцыйы бюджет у 4,5 миллиард сомы, ис 52 мадзалы, кӕцытӕ здӕхт сты социалон объектты дарддӕры арӕзтадмӕ.

14
Хъӕбӕр цардуагон ӕвзарӕнты пресс кӕнынӕн фӕзуат

Хуссар Иры скусдзӕн бырондоны фӕзуат

7
Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис – уый руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ

ЦХИНВАЛ, 5 мар — Sputnik, Хъуылымбегты Азӕмӕт. Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис, фехъусын кодта Хуссар Ирыстоны арӕзтад, архитектурӕ ӕмӕ ЦКХ министрады минӕвар Къацты Сослан.

Фӕзуат ис ног быроны полигоны цур, кӕцы сарӕзтой Цхинвалы районы Ирыхъӕуы. Уым сарӕзтой ангар, кӕдӕм ласдзысты бырон, уый фӕстӕ та йӕ пресс кӕндзысты. Уый фӕдыл бӕстыхайы сӕвӕрдтой сӕрмагонд техникӕ.

Площадки для компактирования твердых коммунальных отходов (ТКО)
© Sputnik / Азамат Кулумбегов
Хъӕбӕр цардуагон ӕвзарӕнты пресс кӕнынӕн фӕзуат
"Ифтонггарз кусы. Ӕвзарӕнтӕ пресс кӕнынӕн фӕзуатимӕ полигон цӕттӕ у эксплуатацимӕ раттынмӕ. Тагъд рӕстӕджы скусдзӕн", - банысан кодта Къацты Сослан.

Полигоны территорийыл сӕвӕрдтой вагонтӕ персоналӕн, афтӕ ма дзы ауагътой электрохызӕгтӕ, йӕ бацӕуӕнты та ӕвӕрд ӕрцыд асфальт.

Арӕзтады министрады специалисттӕ куыд банысан кодтой, афтӕмӕй ацы методикӕйы руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ. Полигонӕй Присы иууыл ӕввахсдӕр цӕрӕг бӕстыхаймӕ у 2,5 километры. Йӕ эксплуатацийы ӕмгъуыд у 25 азы.

Объект арӕзт ӕрцыд инвестицион программӕйы фӕлгӕтты.

7
Хуссар Иры 2022 азмӕ сараздзысты сывӕллӕтты стационарон лагерь

Хуссар Иры 2022 азмӕ сараздзысты сывӕллӕтты стационарон лагерь

3
(ранӕуӕггонд 16:26 05.03.2021)
Сывӕллӕтты лагерь 150 бынатмӕ фӕзындзӕн республикӕйы Дзауы районы ӕмӕ кусдзӕн сезонон каникулты

ЦХИНВАЛ, 5 мар — Sputnik, Хъуылымбегты Азӕмӕт. Хуссар Ирыстоны Дзауы районы 2021 азы бавналдзысты сывӕллӕтты стационарон лагеры арӕзтадмӕ, кӕцыйы уыдзӕн 150 бынаты. Уый тыххӕй Sputnik фехъусын кодта арӕзтад, архитектурӕ ӕмӕ ЦКХ министрады минӕвар Къацты Сослан.

Лагерь уыдзӕн Дзауы районы раздӕры турбазӕ "Мзиугом"-ы территорийыл.

"Лагеры уыдзысты алы уавӕртӕ дӕр улӕфынӕн. Йӕ территорийыл сараздзысты ӕнӕмӕнгхъӕугӕ инфраструктурӕ", - банысан кодта министрады минӕвар.

Къацты Сослан бафтыдта, зӕгъгӕ, арӕзтад цӕудзӕн дыууӕ этапы ӕмӕ балхынцъ уыдзӕн 2022 азы, фӕлӕ генералон нардуатисӕджы нырма нӕ равзӕрстой.

Республикӕйы Ахуырады министрады стационарон лагеры арӕзтад нымайынц ахсджиаг къахдзӕфыл. Министрады хъомылад ӕмӕ уӕлӕмхасӕн ахуырады дӕлхайады хистӕр Джиоты Эльзайы ныхӕстӕм гӕсгӕ, республикӕйы нӕй базӕ сӕрдыгон улӕфтӕн сывӕллӕттӕн.

"Сывӕллӕттӕ раздӕр улӕфыдысты хъӕуты, ныр та афтӕ нӕу. Сабиты фылдӕр хай сӕрды баззайынц горӕты. Махӕн тынг ӕхсызгон у, кӕй нӕм фӕзындзӕн стационарон лагерь", - загъта Джиоты Эльза.

Ахуырады министрады минӕвар бахахх кодта, лагерь кӕй кусдзӕн сезонон каникулты рӕстӕджы, афтӕ ма йӕ нывӕндынц адих кӕнын фадгуытыл. Арӕзтад куыддӕр фӕуа, афтӕ Ахуырады министрады аскъуыддзаг кӕндзысты, цы фадгуытӕ дзы бакӕндзысты.

3