Нагутни

"Ныфс" денджызы бæсты: пандемийы рæстæджы фæфылдæр сты бынæттон курорты улæфджытæ

42
(ранӕуӕггонд 11:20 07.08.2020)
Знауыры районы Нагутнийы хъæумæ æввахс уæвæг донхосгæнæндон "Ныфс"-ы улæфджыты нымæц зынгæ фæфылдæр

ЦХИНВАЛ, 6 авг– Sputnik, Плиты Фатимӕ. Коронавирусы пандеми ӕмӕ уый фӕдыл тобӕйы мадзӕлттӕ фӕфылдӕр кодтой бынӕттон хосгӕгӕндӕтты улӕфджыты нымӕц, фехъусын кодта Sputnik профцӕдисты советы сӕрдар Джергаты Жанна.

Сӕвзӕргӕ уавӕры тыххӕй Хуссар Ирыстонӕй денджызмӕ улӕфынмӕ ацӕуыны фадӕттӕ сты къуындӕг, архайы арӕны сӕртыл ахизын сӕрмагонд режим.

"Донхосгӕнӕндон "Ныфс"-мӕ ацы аз цӕуы фылдӕр улӕфджытӕ. Ӕрмӕст мах ууылтыл уым баулӕфын бафӕндыд 50 адӕймаджы, уыдонӕн се мбис уыдысты улӕфӕндоны, аннӕтӕ ацӕудзысты фӕстӕдӕр. Уымӕй дарддӕр ма ацы хосгӕнӕндонмӕ цӕуынц Ӕнӕниздзинад хъахъхъӕнынады министрады хаххыл дӕр", - загъта Джергаты Жанна.

Йӕ ныхӕстӕм гӕсгӕ, ам хосгӕнӕн ваннӕтӕй дарддӕр улӕфынӕн дӕр ис хорз фадӕттӕ.

"Хорз уавӕртӕ дзы ис - дохтыр, экскурсийы фадӕттӕ, ӕввахс йӕм ис ӕхсӕрдзӕнтӕ, суары дон, бастдзинад цухдзинад дӕр бирӕтӕ нымайынц ӕвӕрццаг фӕзындыл. Йӕ разамонӕг бакӕны сывӕллӕтты концерттимӕ. Арӕзт йӕм цӕуы электронон хахх", - бафыдта уый.

Улӕфджыты радон къорд ацӕудзӕн 9 августы, стӕй та сӕ раивдзӕн ног къорд. Ӕмрӕстӕджы хосгӕнӕндон райсы 40 адӕймаджы бӕрц.

42
Хъӕбӕр цардуагон ӕвзарӕнты пресс кӕнынӕн фӕзуат

Хуссар Иры скусдзӕн бырондоны фӕзуат

7
Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис – уый руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ

ЦХИНВАЛ, 5 мар — Sputnik, Хъуылымбегты Азӕмӕт. Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис, фехъусын кодта Хуссар Ирыстоны арӕзтад, архитектурӕ ӕмӕ ЦКХ министрады минӕвар Къацты Сослан.

Фӕзуат ис ног быроны полигоны цур, кӕцы сарӕзтой Цхинвалы районы Ирыхъӕуы. Уым сарӕзтой ангар, кӕдӕм ласдзысты бырон, уый фӕстӕ та йӕ пресс кӕндзысты. Уый фӕдыл бӕстыхайы сӕвӕрдтой сӕрмагонд техникӕ.

Площадки для компактирования твердых коммунальных отходов (ТКО)
© Sputnik / Азамат Кулумбегов
Хъӕбӕр цардуагон ӕвзарӕнты пресс кӕнынӕн фӕзуат
"Ифтонггарз кусы. Ӕвзарӕнтӕ пресс кӕнынӕн фӕзуатимӕ полигон цӕттӕ у эксплуатацимӕ раттынмӕ. Тагъд рӕстӕджы скусдзӕн", - банысан кодта Къацты Сослан.

Полигоны территорийыл сӕвӕрдтой вагонтӕ персоналӕн, афтӕ ма дзы ауагътой электрохызӕгтӕ, йӕ бацӕуӕнты та ӕвӕрд ӕрцыд асфальт.

Арӕзтады министрады специалисттӕ куыд банысан кодтой, афтӕмӕй ацы методикӕйы руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ. Полигонӕй Присы иууыл ӕввахсдӕр цӕрӕг бӕстыхаймӕ у 2,5 километры. Йӕ эксплуатацийы ӕмгъуыд у 25 азы.

Объект арӕзт ӕрцыд инвестицион программӕйы фӕлгӕтты.

7
Хуссар Иры 2022 азмӕ сараздзысты сывӕллӕтты стационарон лагерь

Хуссар Иры 2022 азмӕ сараздзысты сывӕллӕтты стационарон лагерь

3
(ранӕуӕггонд 16:26 05.03.2021)
Сывӕллӕтты лагерь 150 бынатмӕ фӕзындзӕн республикӕйы Дзауы районы ӕмӕ кусдзӕн сезонон каникулты

ЦХИНВАЛ, 5 мар — Sputnik, Хъуылымбегты Азӕмӕт. Хуссар Ирыстоны Дзауы районы 2021 азы бавналдзысты сывӕллӕтты стационарон лагеры арӕзтадмӕ, кӕцыйы уыдзӕн 150 бынаты. Уый тыххӕй Sputnik фехъусын кодта арӕзтад, архитектурӕ ӕмӕ ЦКХ министрады минӕвар Къацты Сослан.

Лагерь уыдзӕн Дзауы районы раздӕры турбазӕ "Мзиугом"-ы территорийыл.

"Лагеры уыдзысты алы уавӕртӕ дӕр улӕфынӕн. Йӕ территорийыл сараздзысты ӕнӕмӕнгхъӕугӕ инфраструктурӕ", - банысан кодта министрады минӕвар.

Къацты Сослан бафтыдта, зӕгъгӕ, арӕзтад цӕудзӕн дыууӕ этапы ӕмӕ балхынцъ уыдзӕн 2022 азы, фӕлӕ генералон нардуатисӕджы нырма нӕ равзӕрстой.

Республикӕйы Ахуырады министрады стационарон лагеры арӕзтад нымайынц ахсджиаг къахдзӕфыл. Министрады хъомылад ӕмӕ уӕлӕмхасӕн ахуырады дӕлхайады хистӕр Джиоты Эльзайы ныхӕстӕм гӕсгӕ, республикӕйы нӕй базӕ сӕрдыгон улӕфтӕн сывӕллӕттӕн.

"Сывӕллӕттӕ раздӕр улӕфыдысты хъӕуты, ныр та афтӕ нӕу. Сабиты фылдӕр хай сӕрды баззайынц горӕты. Махӕн тынг ӕхсызгон у, кӕй нӕм фӕзындзӕн стационарон лагерь", - загъта Джиоты Эльза.

Ахуырады министрады минӕвар бахахх кодта, лагерь кӕй кусдзӕн сезонон каникулты рӕстӕджы, афтӕ ма йӕ нывӕндынц адих кӕнын фадгуытыл. Арӕзтад куыддӕр фӕуа, афтӕ Ахуырады министрады аскъуыддзаг кӕндзысты, цы фадгуытӕ дзы бакӕндзысты.

3