Цхинвалы фӕстаг хӕрзбон загътой Кӕсойты Лаврентийӕн

Цхинвалы фӕстаг хӕрзбон загътой Кӕсойты Лаврентийӕн

16
(ранӕуӕггонд 16:58 07.08.2020)
Кӕсойты Лаврентийӕн фӕстаг хӕрзбон зӕгъынмӕ ӕрбацыд республикӕйы къухдариуӕгад президент Бибылты Анатолийы сӕргълӕудӕй, афтӕ ма йӕ коллегӕтӕ, ӕмгӕрттӕ ӕмӕ ахуыргӕнинӕгтӕ

ЦХИНВАЛ, 7 авг — Sputnik, Хъуылымбегты Зӕлинӕ. Хуссар Ирыстоны майрӕмбоны фӕстаг хӕрзбон загътой Хуссар Ирыстоны адӕмон нывгӕнӕг ӕмӕ Аивӕдты лицейы директор Кӕсойты Лаврентийӕн.

Адæмон нывгæнæг 72 азы кары йæ цардæй ахицæн къуырисæры Мӕскуыйы, дæргъвæтин рынчыны фæстæ.

Кӕсойты Лаврентийӕн фӕстаг хӕрзбон зӕгъынмӕ ӕрбацыд республикӕйы къухдариуӕгад президент Бибылты Анатолийы сӕргълӕудӕй.

"Куыд сабыр ӕмӕ аккаг цард кодта, йӕ низимӕ дӕр афтӕ тох кодта. Йӕ цардвӕндаг махӕн у цӕвиттон. Куыд президент, афтӕ йын бузныг зӕгъын Ирыстоны аивад кӕй райтынг кодта, уый тыххӕй. Куыд ныййарӕг, афтӕ йын бузныг дӕн ахӕм коллектив кӕй ӕрӕмбырд кодта ӕмӕ рӕзгӕ фӕлтӕры раст фӕндагыл кӕй сӕвӕрдта, уый тыххӕй", - загъта президент Бибылты Анатолий.

Фыдохы митингмӕ ӕрбацыдысты йӕ коллегӕтӕ, ӕмгӕрттӕ ӕмӕ ахуыргӕнинӕгтӕ дӕр.

"Йӕ цардӕй ахицӕн номдзыд гоймаг. Адӕймаг, кӕцы уыд Хуссар Ирыстоны паддзахаддзинады бындурӕвӕрджытӕй сӕ иу", - загъта Аивӕдты лицейы ахуыргӕнӕг Плиты Римма.

Кӕсойты Лаврентий райгуырд Цхинвалы 1948 азы. Куыста хицӕн жанрты - хуызфыссынад, графикӕ ӕмӕ ӕндӕр здӕхӕнты. Йӕ куыстыты сюжеттӕ фылдӕр бӕрцӕй ист сты Нарты кадджытӕй, уымӕй уый дарддӕр кодта Тугъанты Махарбеджы традицитӕ. Аивӕдты лицейы кусгӕйӕ схъомыл кодта арӕхстджын нывгӕнджыты цалдӕр фӕлтӕры. Йӕ фӕстаг куыстыты нымӕцы ис Хуссар Ирыстоны паддзахадон драмон театры фойейы сфӕлыст.

Паддзахадон къамисы скъуыддзагмӕ гӕсгӕ, сгуыхт нывгӕнӕджы бавӕрдтой Национ пантеоны зындгонд ахуыргонд ӕмӕ академик Джусойты Нафи ӕмӕ Хуссар Ирыстоны Сырх чиныджы автор Къӕбулты Зауыры цур.

  • Цхинвалы фӕстаг хӕрзбон загътой Кӕсойты Лаврентийӕн
    Цхинвалы фӕстаг хӕрзбон загътой Кӕсойты Лаврентийӕн
    © Sputnik / Natalia Airiyan
  • Цхинвалы фӕстаг хӕрзбон загътой Кӕсойты Лаврентийӕн
    Цхинвалы фӕстаг хӕрзбон загътой Кӕсойты Лаврентийӕн
    © Sputnik / Natalia Airiyan
  • Цхинвалы фӕстаг хӕрзбон загътой Кӕсойты Лаврентийӕн
    Цхинвалы фӕстаг хӕрзбон загътой Кӕсойты Лаврентийӕн
    © Sputnik / Natalia Airiyan
  • Цхинвалы фӕстаг хӕрзбон загътой Кӕсойты Лаврентийӕн
    Цхинвалы фӕстаг хӕрзбон загътой Кӕсойты Лаврентийӕн
    © Sputnik / Natalia Airiyan
1 / 4
© Sputnik / Natalia Airiyan
Цхинвалы фӕстаг хӕрзбон загътой Кӕсойты Лаврентийӕн
16
Транскам

Фылдӕр адӕм фылдӕр рейстӕ: куыд фӕивта Цхинвалӕй Дзӕуджыхъӕумӕ автобусты график

1
(ранӕуӕггонд 15:18 18.09.2020)
Ӕхсӕнадон транспорт цӕуы уадзӕн пункт "Дӕллаг Зӕрӕмӕг"-ы уылты ӕнӕ зындзинӕдтӕй, уый фӕдыл дзы бирӕ адӕм пайда кӕнынц Уӕрӕсемӕ ацӕуынӕн

ЦХИНВАЛ, 18 сен — Sputnik, Гӕбӕраты Элина. Цхинвалӕй Дзӕуджыхъӕумӕ рейсон автобусты нымӕц фӕфылдӕр Уӕрӕсеимӕ паддзахадон арӕны баконды фӕстӕ, фехъусын кодта Sputnik Хуссар Ирыстоны автомобилон транспорты хайады сӕргълӕууӕг Дудайты Альберт.

Хуссар Ирыстон ӕмӕ Уӕрӕсе систой арӕны сӕрты хизыныл тобӕ дыццӕджы, 15 сентябры. Арӕн уыд ӕхгӕд фондз мӕйы дӕргъы, ныр уадзӕн пункт "Дӕллаг Зӕрӕмӕг"-ы ӕрмӕбырд сты километрон радтӕ.

Уыимӕ иумӕ, республикӕйӕ автобустӕ хизынц уадзӕн пункты уылты ӕнӕ зындзинӕдтӕй, уый фӕдыл бирӕ адӕм пайда кӕнынц ӕхсӕнадон транспортӕй Уӕрӕсемӕ ацӕуынӕн.

"Бирӕ адӕм дзы вӕййы, автобустӕ райдайынц цӕуын райсом раджы. Хӕдтулгӕты бирӕ бынат нӕй, ӕмӕ уайтагъд йедзаг кӕнынц. Ӕндӕрӕбон мах арвыстам рейсы ӕхсӕз автобусы, хуымӕтӕг рӕстӕджы та иу ӕрвыстам дыууӕ кӕнӕ ӕртӕ автобусы Цӕгат Ирыстонмӕ", - радзырдта Дудайты Альберт.

Дудайты Альберты хъуыдымӕ гӕсгӕ, ӕхсӕнадон транспортмӕ ажиотаж тагъд рӕстӕджы фӕкъаддӕр уыдзӕн ӕмӕ рейсон автобустӕ рахиздзысты куысты хуымӕтӕг режиммӕ.

1
РХИ парламент

Парти "Иугонд Ирыстон"-ы депутат фехъусын кодта фракцийӕ рахизыны тыххӕй

3
(ранӕуӕггонд 15:35 18.09.2020)
Ӕртыккаг ӕвзарӕн зылдӕй депутат банысан кодта, дарддӕр кӕй кусдзӕн парламенты ӕмӕ нӕ нывӕнды бахизын никӕцы парламентон фракцимӕ

ЦХИНВАЛ, 18 сен - Sputnik. Хуссар Ирыстоны парламенты депутат Мулдарты Гарри фехъусын кодта парти "Игонд Ирыстоны"-ы фракцийӕ кӕй рахызт, уый тыххӕй. Депутаты куырдиаты текст ныммыхуыр кодтой закондӕттӕг органы официалон сайтыл.

Мулдарты Гарри куыд банысан кодта, афтӕмӕй йӕ скъуыддзаджы аххоссаг уыд уый, ӕмӕ нӕ сӕххӕст кодтой Хуссар Ирыстоны парламенты депутатты фылдӕр хайы домӕн генпрокурор Дзӕгъиаты Уырызмӕджы отставкӕйы фӕдыл.

"Мӕ хъуыдымӕ гӕсгӕ, Дзӕгъиаты Уырызмӕг РХИ генералон прокуроры бынаты куы куса, уӕд уый хъыгдардзӕн объективон фӕдагуырд Дзабиты Иналы мӕлӕты фӕдыл, афтӕ ма ӕххӕст нӕ цӕудзысты нӕ паддзахад ӕмӕ ӕхсӕнады законон интерестӕ", – фехъусын кодта депутат.

Ӕртыккаг ӕвзарӕн зылдӕй депутат бафтыдта, зӕгъгӕ, дарддӕр кусдзӕн парламенты ӕмӕ нӕ нывӕнды бахизын никӕцы парламентон фракцимӕ.

Дзабиты Иналы мæлæт æхсæнады сæвзæрын кодта стыр резонанс. Йæ фæстæ Цхинвалы ацыд митингтæ, адæм домдтой, цæмæй йæ бынатæй сæрибар æрцæуа Генералон прокурор Дзæгъиаты Уырызмæг æмæ æфхæрд æрцæуой азымджынтæ. Фæстæдæр уагдон фехъусын кодта, ацы хъуыддаджы зæрдæхсайгæ адæм - криминалон милицийы аст кусæджы - рæстæгмæ æрцахстой.

3