Бибылты Анатолий

Пенси, таможнӕ, арӕн: Бибылты Анатолий банысан кодта цалдӕр проблемӕйы ӕмӕ сӕ скъуыддзӕгтӕ

12
Республикӕйы уавӕрыл ӕрдзырдтой коронавирусимӕ тох кӕныны фӕдыл оперативон штабы рабадтыл, кӕцы цыд паддзахады сӕргълӕууӕджы къухдариуӕгады бын

ЦХИНВАЛ, 10 авг – Sputnik, Козаты Диана. Хуссар Ирыстоны президент Бибылты Анатолий къуырисӕры ауагъта коронавирусы ныхмӕ тох кӕныны фӕдыл оперативон штабы рабадт. Паддзахады сӕргълӕууӕг банысан кодта цалдӕр проблемӕйы, кӕцытыл сӕмбӕлдысты республикӕйы цӕрджытӕ пандемийы рӕстӕджы, ӕмӕ фидарӕй загъта, уыдон иууылдӕр кӕй аскъуыддзаг кӕндзысты.

Уӕрӕсеимӕ арӕны уылты ахизыныл тобӕйы тыххӕй кӕцыдӕр ӕмбӕстӕгтӕн фӕзынд проблемӕ пенситӕ райсынимӕ. Афтӕ ма, фӕстаг рӕстӕджы уӕзласӕн хӕдтулгӕты бирӕ рӕстӕг фӕдарынц арӕныл, столицӕйы дуканиты ис кӕцыдӕр базайрӕгты цухдзинад.

"Президенты администрацийы пенситы фарстыл архайы администрацийы сӕрдары хӕдивӕг Джуссойты Алан. Ацы фарсты фӕдыл хъӕуы уымӕ бадзурын. Мах алцыдӕр сараздзыстӕм, цӕмӕй нӕ пенсиисджытӕ райсой сӕ пенситӕ. Ныридӕгӕн райстой мадзӕлттӕ, цӕмӕй цалдӕр пенсиисӕгӕн аскъуыддзаг кӕной сӕ проблемӕ", - загъта президент.

Бибылты Анатолий банысан кодта, республикӕйы къухдариуӕгад алцыдӕр кӕй аразы, цӕмӕй ӕмбӕстӕгтӕ ӕрыздӕхой сӕ хӕдзӕрттӕм, цӕрджытӕ цӕрой ӕдас уавӕрты, ӕмӕ республикӕйы та уа фаг базайрӕгтӕ.

Президент банысан кодта, зӕгъгӕ, коронавирусы пандемийы фӕдыл арӕнӕвӕрдтӕ кӕй бакодтой адӕмы ӕдасдзинад сӕххӕст кӕныны тыххӕй. Паддзахады сӕргълӕууӕг бахахх кодта, кӕй не мбары цӕрджыты хайы ӕнӕразыдзинад, ӕмӕ банысан кодта, республикӕйы ӕмбӕстӕгтӕ иууылдӕр кӕй сты ӕмхуызон уавӕрты. Бибылты Анатолий ӕрсидт, цӕмӕй цӕрджытӕ ӕмбарӕн ахаст дарой ацы мадзӕлттӕм.

Бибылты Анатолий фехъусын кодта, уый, ӕмӕ йӕ бинонтӕ кӕй уыдзысты ахӕм уавӕрты, кӕцыты сты Хуссар Ирыстоны ӕмбӕстӕгтӕ.

"Дам-думтӕ цӕуынц, ома кӕцыдӕр организациты кусджытӕ сӕрибарӕй хизынц арӕны сӕртыл. Ахӕм цаутӕ уыд, ӕмӕ уыцы организациты разамонджытимӕ ныр куыст цӕуы", - радзырдта президент.

Йӕ ныхӕстӕм гӕсгӕ, арӕнӕвӕрдон мадзӕлттӕ никӕмӕн ӕрхастой дивидендтӕ.

"Мах бирӕ фесӕфтам кӕцыдӕр проектты реализацийы, цалцӕггӕнӕн ӕмӕ арӕзтадон куыстыты рӕстӕджы. Фӕлӕ, сӕйраджыдӕр, хъӕуы бахъахъхъӕнын цӕрджыты ӕнӕниздзинад, цӕмӕй коронавирус ма рахиза уынгтӕм", - бафтыдта Бибылты Анатолий.

Прзеидент баныфсӕвӕрдта, республикӕйы ӕмбӕстӕгты фылдӕр хай ӕмбарӕн ахаст кӕй дарынц арӕнӕвӕрдон мадзӕлттӕм.

Хуссар Ирыстоны дарддӕр ис ӕнӕмӕнг карантин ӕрцӕуӕггӕгтӕн. Изоляцийӕ ссӕрибар кодтой коронавирусӕй уый размӕ чи фӕрынчын, уыдоны. Уый тыххӕй уыдон хъуамӕ радтой анализтӕ Цӕгат Ирыстоны ӕмӕ бавдисой уый фӕдыл справкӕтӕ.

12
COVID-19

Хуссар Иры сбӕрӕг кодтой 37 ног рынчыны коронавирусӕй

0
(ранӕуӕггонд 16:10 20.01.2021)
Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты

ЦХИНВАЛ, 20 янв - Sputnik, Хъуылымбегты Зӕлинӕ. Хуссар Ирыстоны рынчындоны интенсивон терапийы хайады ис цыппар пациенты коронавирусимӕ, радзырдта Sputnik "Югосетпотребнадзор"-ы хистӕр Коцты Марина.

Хуссар Ирыстоны коронавирусы пандемийы райдианӕй сарӕзтой 14577 иртӕсты, уыдонӕй 2652 равдыстой тӕссаг инфекцион низы уӕвынад.

"Ивгъуыд суткӕйы сарӕзтӕуыд 132 тесты, уыдонӕй 37 адӕймагӕн разынд COVID-19", - загъта Коцты Марина.

Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты.

Сӕйраг санитарон дохтыры ныхӕстӕм гӕсгӕ, Ленингоры рынчындоны коронавирусимӕ тох кӕнынц ӕхсӕз рынчыны, Къуаисайы та - авд.

0
Фадзайты Арсен

Фадзайты Арсен Хуссар Иры уавӕры тыххӕй: цӕттӕ дӕн хайад райсын баныхасы

0
(ранӕуӕггонд 15:39 20.01.2021)
Республикӕйы къухдариуӕгады диалог оппозицон депутаттӕ ӕмӕ Дзабиты Иналы хиуӕттимӕ фӕнд кӕны ӕрнывыл кӕнын хуссарирыстойнаг политикты къорд, сӕ нымӕцы экс-президенттӕ ӕмӕ фыццаг ӕрсидты парламенты депутаттӕ

ЦХИНВАЛ, 20 янв – Sputnik, Козаты Диана. Уӕрӕсейы Федерацийы Советы уӕнг Цӕгат Ирыстонӕй Фадзайты Арсен загъта йӕ хъуыды Хуссар Ирыстоны уавӕры тыххӕй. Уый банысан кодта, республикӕйы кризис кӕй къуылымпы кӕны политикон ӕмӕ экономикон райрӕзт, афтӕ ма банхъардта йе ‘ххуыс хицауад ӕмӕ оппозицийы диалогы.

Цхинвалы 4 декабрӕй фӕстӕмӕ цӕуы Дзабиты Иналы хиуӕтты акци. Уыдон ӕвдисынц се нӕразыдзинад лӕппуйы мӕлӕты сгарӕн куысты фӕдыл ӕмӕ домынц, цӕмӕй йӕ бынатӕй ссӕрибар кӕной генералон прокурор Дзӕгъиаты Уырызмӕджы ӕмӕ бӕрндзинад хӕсса МХМ раздӕры министр Наниты Игорь.

"Ӕз никӕимӕ дзырдтон ацы уавӕрыл. Республикӕ у чысыл, мах иууылдӕр кӕрӕдзи зонӕм, ӕмӕ мӕн уырныдта, иудзинадмӕ кӕй ӕрцӕудзыстӕм. Дыууӕ экс-президенты ӕмӕ ӕндӕр фӕлтӕрд политиктӕ куы бадзырдтой къухдариуӕгадмӕ ӕмӕ куы фембӕлдысты Дзабиты Иналы бинонтимӕ, уӕд мӕнмӕ цалдӕр хатт бадзырдтой Хуссар Ирыстоны цӕрджытӕ", - загъта Фадзайты Арсен йӕ интервьюйы Sputnik-ӕн.

Йӕ ныхӕстӕм гӕсгӕ, уый куыд ирон, сенатор ӕмӕ Федерацийы Советы Къамисы уӕнг Хуссар Ирыстоны парламентимӕ ӕмгуыстады фӕдыл, йӕхи нӕ аиуварс кӕндзӕн ацы цаутӕй.

Фадзайты Арсен бахахх коджта, республикӕйы разамынад кӕй хъуамӕ ссара компромисс.

"Дзабиты Иналы бинонты зӕрдӕмӕ нӕ цӕуы фӕдагуырд куыд цӕуы, уый. Бирӕ фарстытӕ ис тыхон структурӕтӕм, фӕлӕ мӕн уырны, республикӕйы къухдариуӕгад кӕй ссардзӕн фадат рахизын ацы уавӕрӕй", - бафтыдта Фадзайты Арсен.

Уый размӕ Фадзайты Арсен ныммыхуыр кодта йӕ фарсыл Instagram-ы куырдит, цы ран бахахх кодта, цӕттӕ кӕй у хайад райсын баныхасы.

Гобозты Вячеслав ӕмӕ Цоциты Борис фехъусын кодтой Sputnik, Фадзайты Арсен нырма кӕй нӕ ныхас кодта ацы фарсты фӕдыл инициативон къорды уӕнгтимӕ.

Амӕйразмӕ хъусын кодтой, дыууӕ экс-президенты, парламенты фыццаг ӕрсидты депутаттӕ ӕмӕ Централон ӕвзарӕн къамисы (ЦӔК) фыццаг сӕргълӕууӕг сарӕзтой куырдиат, кӕцыйы банхъардтой хайад райсын хицауад ӕмӕ оппозицийы диалогы.

0