Цхинвалы ӕрӕмысыдысты Иры хъайтар Коцты Грийы ном

Цхинвалы ӕрымысыдысты Иры хъайтар Коцты Грийы ном

601
(ранӕуӕггонд 16:47 10.08.2020)
Уæззау атлетикæйæ Советон цæдисы чемпион 90-æм æзты хæсты рæстæг ссис гуырдзыйы æрбабырстыты ныхмæ тохы организатортæй иу, Коцты Грийы къорды абон дæр хонынц иууыл хæстхъомдæр отряд

ЦХИНВАЛ, 10 авг– Sputnik, Плиты Фатимӕ. 90-ӕм ӕзты иууыл гӕрзджындӕр ӕмӕ хӕстхъомдӕр къорды уӕнгтӕ ӕрӕмбырд сты сӕ раздзог Коцты Грийы ингӕнмӕ, гуырдзиаг ирон хӕсты хъайтарыл 9 августы сӕххӕст уыдаид 82 азы.

"Ӕз нымайын, абон Коцты Грийы ном ӕнӕхъуаджы ферох кодтой, уый уыд гуырдзыйы ӕрбабырстыты ныхмӕ тохы фыццаг организатортӕй иу. Уыимӕ иумӕ ма хӕдӕфсады аннæ организаторты нӕмттӕ дæр абон сты рохгонд", - радзырдта йе 'мтохгӕнӕг Гуыззытаты Эдуард.

Зынгӕ спортсмен, 90-ӕм ӕзты гуырдзиаг-ирон хӕсты хъайтар фӕцис зӕйы бын Транскамыл, Хуссар Ирыстонмӕ тыхст рӕстӕджы хӕцӕнгарз куы хӕццӕ кодта афтӕмӕй.

"Знон йӕ райгуырӕн боны цытӕн йӕ къорды уӕнгтӕ ӕрӕмбырд стӕм, бабӕрӕг кодтам йӕ ингӕн ӕмӕ ӕрымысыдыстӕм йӕ архайд Хуссар Ирыстоны сабырад ӕмӕ сӕрибардзинады сӕрвӕлтау. Куыд ӕмбырд цыд къорд, куыд тох кодтам знаджы ныхмӕ", - загъта уый.

Гуыззытаты Эдуарды ныхӕстӕм гӕсгӕ, сӕ командиры уыдон бахъуыды кодтой йӕ алыварс адӕммӕ ӕмӕ йӕхимӕ дӕр стыр домӕнтимӕ гоймагӕй.

"Йӕхӕдӕг йӕ къордмӕ ӕрбакодта йӕ дыууӕ фырты дӕр, скъолайы кары ӕмӕ сӕм аудгӕ ахаст дарын нӕ уагъта, аннӕты ӕмрӕнхъ сӕ домдта. Къорды уыд фидар дисциплинӕ, командирӕн та уыд стыр авторитет", - бафтыдта уый.

90-ӕм ӕзты Хуссар Ирыстоны сӕвзӕрд Гуырдзыстоны ӕрбабырсты ныхмӕ тохы хӕдарӕзт къордтӕ, абон дӕр ма сӕ нӕмттӕ сты хъуыстгонд - "Грийы лӕппутӕ", Водхозы ӕмӕ Фаллагфарсы къорд, уыд дзы районтӕм гӕсгӕ дихтӕгонд дӕр.

Уæззау атлетикæйæ Советон цæдисы чемпион 90-æм æзты хæсты рæстæг ссис гуырдзыйы æрбабырстыты ныхмæ тохы организатортæй иу, Коцты Грийы къорды абон дæр хонынц иууыл хæстхъомдæр отряд - дзырддзæугæ раздзогы къорды хицæн кодта нывыл дисциплинæ дæр.

Йӕ дӕлбар къорды сконды уыд 100 адӕймаджы бӕрц. Коцты Гри 1992 азы Цæгат Ирæй æмæ Хуссар Иры хсæн фæндагыл зынгæ зарæггæнæг Сагкаты Валерийимæ иумæ бахаудысты зæйы бын. Йæ номыл хæссы уынг Цхинвалы центры. 

 

 

601
РХИ парламент

Парти "Иугонд Ирыстон"-ы депутат фехъусын кодта фракцийӕ рахизыны тыххӕй

1
(ранӕуӕггонд 15:35 18.09.2020)
Ӕртыккаг ӕвзарӕн зылдӕй депутат банысан кодта, дарддӕр кӕй кусдзӕн парламенты ӕмӕ нӕ нывӕнды бахизын никӕцы парламентон фракцимӕ

ЦХИНВАЛ, 18 сен - Sputnik. Хуссар Ирыстоны парламенты депутат Мулдарты Гарри фехъусын кодта парти "Игонд Ирыстоны"-ы фракцийӕ кӕй рахызт, уый тыххӕй. Депутаты куырдиаты текст ныммыхуыр кодтой закондӕттӕг органы официалон сайтыл.

Мулдарты Гарри куыд банысан кодта, афтӕмӕй йӕ скъуыддзаджы аххоссаг уыд уый, ӕмӕ нӕ сӕххӕст кодтой Хуссар Ирыстоны парламенты депутатты фылдӕр хайы домӕн генпрокурор Дзӕгъиаты Уырызмӕджы отставкӕйы фӕдыл.

"Мӕ хъуыдымӕ гӕсгӕ, Дзӕгъиаты Уырызмӕг РХИ генералон прокуроры бынаты куы куса, уӕд уый хъыгдардзӕн объективон фӕдагуырд Дзабиты Иналы мӕлӕты фӕдыл, афтӕ ма ӕххӕст нӕ цӕудзысты нӕ паддзахад ӕмӕ ӕхсӕнады законон интерестӕ", – фехъусын кодта депутат.

Ӕртыккаг ӕвзарӕн зылдӕй депутат бафтыдта, зӕгъгӕ, дарддӕр кусдзӕн парламенты ӕмӕ нӕ нывӕнды бахизын никӕцы парламентон фракцимӕ.

Дзабиты Иналы мæлæт æхсæнады сæвзæрын кодта стыр резонанс. Йæ фæстæ Цхинвалы ацыд митингтæ, адæм домдтой, цæмæй йæ бынатæй сæрибар æрцæуа Генералон прокурор Дзæгъиаты Уырызмæг æмæ æфхæрд æрцæуой азымджынтæ. Фæстæдæр уагдон фехъусын кодта, ацы хъуыддаджы зæрдæхсайгæ адæм - криминалон милицийы аст кусæджы - рæстæгмæ æрцахстой.

1
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы Хъорсеуы хъӕумӕ цалцӕг кӕнынц фӕндаг

8
(ранӕуӕггонд 14:22 18.09.2020)
Афтӕ ма цалцӕг кӕнынц фӕндаг, кӕцы цӕуы Хъорсеуы Дзуармӕ. Ныртӕккӕ фӕндӕгтӕ уӕрӕх кӕнынц, фӕстӕдӕр дзы ныккалдзысты хуыр

ЦХИНВАЛ, 18 сен — Sputnik, Хъуылымбегты Азӕмӕт. Дзауы районы Хъорсеуы хъӕумӕ фӕндаг нӕ цалцӕг кодтой цалдӕр азы. Ныридӕгӕн цалдӕр боны Дзауы районы Цӕрӕнуатон-коммуналон хӕдзарады (ЦКХ) кусджытӕ цалцӕг кӕнынц фӕндаг. Уыдон уӕрӕх кӕнынц фӕндаг ӕмӕ дзы калынц хуыр, фехъусын кодтой Sputnik Дзауы районы администрацийы пресс-службӕйы.

В селе Хъорсеу Дзауского района ремонтируют дорогу
Пресс-служба администрации Дзауского района
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы ЦКХ хистӕр Цхуырбаты Тамерланы ныхӕстӕм гӕсгӕ, цалцӕг кӕнынц Хъорсеуы Дзуармӕ фӕндаг дӕр, кӕцы ис кӕлӕтдзаг уавӕры.

Амӕй размӕ Дзауы районы администрацийы сӕргълӕууӕг Джиоты Андрей радзырдта районы фӕндӕгты цалцӕггӕнӕн куыстыты тыххӕй.

8