Шойгу схорзӕхджын кодта Ӕнӕмӕлгӕ полк-ы оперативон штабы кусджыты Хуссар Иры

Шойгу схорзӕхджын кодта Хуссар Иры "Ӕнӕмӕлгӕ полк"-ы оперативон штабы кусджыты

6
(ранӕуӕггонд 15:04 12.08.2020)
Уӕрӕсейы минӕварады Хуссар Ирыстоны УФ хъахъхъӕнынады министр Сергей Шойгуйы номӕй радтой майдантӕ республикӕйы "Ӕнӕмӕлгӕ полк"-ы оперативон штабы кусджытӕн

ЦХИНВАЛ, 12 авг — Sputnik, Гӕбӕраты Элина. Уӕрӕсейы Федерацийы хъахъхъӕнынады министр Сергей Шойгу схорзӕхджын кодта Хуссар Ирыстоны "Ӕнӕмӕлгӕ полк"-ы кусджыты культурӕйы министр Зассеты Жаннайы сӕргълӕудӕй. Майдантӕ "За заслуги в увековечении памяти погибших защитников Отечества" ӕмӕ "Памяти Героев Отечества" радта Уӕрӕсейы минӕвар республикӕйы Марат Кулахметов ӕртыццӕджы.

Награждение работников штаба Бессмертного полка в Посольстве РФ
© Sputnik / Natalia Airiyan
Шойгу схорзӕхджын кодта "Ӕнӕмӕлгӕ полк"-ы оперативон штабы кусджыты Хуссар Иры

Минӕвар саргъ кодта "Ӕнӕмӕлгӕ полк"-ы куыстӕн ӕбӕрӕгӕй фесӕфӕг гоймӕгты агурыны фӕдыл ӕмӕ бахахх кодта, уый кӕй у ӕнӕмӕнгхъӕуӕг куыст.

"Мах иууылдӕр стӕм хӕсджын сӕ разы. Уыдон сӕ цард радтой, цӕмӕй мах цӕрӕм. Уӕ коллектив егъау куыст бакодта. Сбӕрӕг кодтой ӕфсӕддонты 17 019 ингӕны, кӕцытӕ ацыдысты хӕстмӕ Хуссар Ирыстонӕй. Ацы куыстӕн саргъ кодта Уӕрӕсейы Федерацийы хъахъхъӕнынады министр Сергей Шойгу дӕр", - радзырдта Кулахметов.

Уый банысан кодта, Ирыстоны адӕм кӕй бахастой стыр хайбавӕрд Стыр Фыдыбӕстон хӕсты уӕлахизмӕ ӕмӕ фехъусын кодта, хӕсты кӕй фӕмард Ирыстоны адӕмы 11 мин минӕварӕй фылдӕр ӕмӕ авд минмӕ ӕввахс та ӕбӕрӕгӕй фесӕфтысты.

Награждение работников штаба Бессмертного полка в Посольстве РФ
© Sputnik / Natalia Airiyan
Шойгу схорзӕхджын кодта "Ӕнӕмӕлгӕ полк"-ы оперативон штабы кусджыты Хуссар Иры

Культурӕйы министр Зассеты Жанна бахахх кодта, ацы майдан кӕй у ахсджиаг хорзӕх йӕ царды.

"2005 азы мах ракодтам хистӕркъласонты Хуссар Ирыстоны хӕсты амӕттӕгты къамтимӕ. Фӕзуатыл ӕрӕмбырд сты сывӕллӕттӕ, кӕцыты къухты уыдысты се ‘фсымӕртӕ ӕмӕ фыдты къамтӕ. Уый фӕстӕ, 2012 азы Томскы фӕзынд змӕлд "Ӕнӕмӕлгӕ полк", ӕмӕ Цхинвал дӕр ӕрбаиу ацы акцимӕ", - радзырдта Sputnik Зассеты Жанна.

Культурӕйы министр бахахх кодта, штабы кусджытӕ кӕй кусынц ӕнӕ мыздӕй – ӕрвылбон уыдон сӕхи фӕндонмӕ гӕсгӕ ӕрбацӕуынц сӕ хӕс ӕххӕст кӕнынмӕ.

Зассеты Жанна загъта бузныг уӕрӕсейаг минӕварад ӕмӕ Марат Кулахметовӕн штабы куыстӕн саргъ кӕныны тыххӕй, афтӕ ма загъта бузныг журналисттӕн, сӕ куысты тыххӕй сын кӕй фыссынц.

  • Шойгу схорзӕхджын кодта Ӕнӕмӕлгӕ полк-ы оперативон штабы кусджыты Хуссар Иры
    Шойгу схорзӕхджын кодта "Ӕнӕмӕлгӕ полк"-ы оперативон штабы кусджыты Хуссар Иры
    © Sputnik / Natalia Airiyan
  • Шойгу схорзӕхджын кодта Ӕнӕмӕлгӕ полк-ы оперативон штабы кусджыты Хуссар Иры
    Шойгу схорзӕхджын кодта "Ӕнӕмӕлгӕ полк"-ы оперативон штабы кусджыты Хуссар Иры
    © Sputnik / Natalia Airiyan
  • Шойгу схорзӕхджын кодта Ӕнӕмӕлгӕ полк-ы оперативон штабы кусджыты Хуссар Иры
    Шойгу схорзӕхджын кодта "Ӕнӕмӕлгӕ полк"-ы оперативон штабы кусджыты Хуссар Иры
    © Sputnik / Natalia Airiyan
  • Шойгу схорзӕхджын кодта Ӕнӕмӕлгӕ полк-ы оперативон штабы кусджыты Хуссар Иры
    Шойгу схорзӕхджын кодта "Ӕнӕмӕлгӕ полк"-ы оперативон штабы кусджыты Хуссар Иры
    © Sputnik / Natalia Airiyan
  • Шойгу схорзӕхджын кодта Ӕнӕмӕлгӕ полк-ы оперативон штабы кусджыты Хуссар Иры
    Шойгу схорзӕхджын кодта "Ӕнӕмӕлгӕ полк"-ы оперативон штабы кусджыты Хуссар Иры
    © Sputnik / Natalia Airiyan
1 / 5
© Sputnik / Natalia Airiyan
Шойгу схорзӕхджын кодта "Ӕнӕмӕлгӕ полк"-ы оперативон штабы кусджыты Хуссар Иры
6
РХИ парламент

Парти "Иугонд Ирыстон"-ы депутат фехъусын кодта фракцийӕ рахизыны тыххӕй

0
(ранӕуӕггонд 15:35 18.09.2020)
Ӕртыккаг ӕвзарӕн зылдӕй депутат банысан кодта, дарддӕр кӕй кусдзӕн парламенты ӕмӕ нӕ нывӕнды бахизын никӕцы парламентон фракцимӕ

ЦХИНВАЛ, 18 сен - Sputnik. Хуссар Ирыстоны парламенты депутат Мулдарты Гарри фехъусын кодта парти "Игонд Ирыстоны"-ы фракцийӕ кӕй рахызт, уый тыххӕй. Депутаты куырдиаты текст ныммыхуыр кодтой закондӕттӕг органы официалон сайтыл.

Мулдарты Гарри куыд банысан кодта, афтӕмӕй йӕ скъуыддзаджы аххоссаг уыд уый, ӕмӕ нӕ сӕххӕст кодтой Хуссар Ирыстоны парламенты депутатты фылдӕр хайы домӕн генпрокурор Дзӕгъиаты Уырызмӕджы отставкӕйы фӕдыл.

"Мӕ хъуыдымӕ гӕсгӕ, Дзӕгъиаты Уырызмӕг РХИ генералон прокуроры бынаты куы куса, уӕд уый хъыгдардзӕн объективон фӕдагуырд Дзабиты Иналы мӕлӕты фӕдыл, афтӕ ма ӕххӕст нӕ цӕудзысты нӕ паддзахад ӕмӕ ӕхсӕнады законон интерестӕ", – фехъусын кодта депутат.

Ӕртыккаг ӕвзарӕн зылдӕй депутат бафтыдта, зӕгъгӕ, дарддӕр кусдзӕн парламенты ӕмӕ нӕ нывӕнды бахизын никӕцы парламентон фракцимӕ.

Дзабиты Иналы мæлæт æхсæнады сæвзæрын кодта стыр резонанс. Йæ фæстæ Цхинвалы ацыд митингтæ, адæм домдтой, цæмæй йæ бынатæй сæрибар æрцæуа Генералон прокурор Дзæгъиаты Уырызмæг æмæ æфхæрд æрцæуой азымджынтæ. Фæстæдæр уагдон фехъусын кодта, ацы хъуыддаджы зæрдæхсайгæ адæм - криминалон милицийы аст кусæджы - рæстæгмæ æрцахстой.

0
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы Хъорсеуы хъӕумӕ цалцӕг кӕнынц фӕндаг

8
(ранӕуӕггонд 14:22 18.09.2020)
Афтӕ ма цалцӕг кӕнынц фӕндаг, кӕцы цӕуы Хъорсеуы Дзуармӕ. Ныртӕккӕ фӕндӕгтӕ уӕрӕх кӕнынц, фӕстӕдӕр дзы ныккалдзысты хуыр

ЦХИНВАЛ, 18 сен — Sputnik, Хъуылымбегты Азӕмӕт. Дзауы районы Хъорсеуы хъӕумӕ фӕндаг нӕ цалцӕг кодтой цалдӕр азы. Ныридӕгӕн цалдӕр боны Дзауы районы Цӕрӕнуатон-коммуналон хӕдзарады (ЦКХ) кусджытӕ цалцӕг кӕнынц фӕндаг. Уыдон уӕрӕх кӕнынц фӕндаг ӕмӕ дзы калынц хуыр, фехъусын кодтой Sputnik Дзауы районы администрацийы пресс-службӕйы.

В селе Хъорсеу Дзауского района ремонтируют дорогу
Пресс-служба администрации Дзауского района
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы ЦКХ хистӕр Цхуырбаты Тамерланы ныхӕстӕм гӕсгӕ, цалцӕг кӕнынц Хъорсеуы Дзуармӕ фӕндаг дӕр, кӕцы ис кӕлӕтдзаг уавӕры.

Амӕй размӕ Дзауы районы администрацийы сӕргълӕууӕг Джиоты Андрей радзырдта районы фӕндӕгты цалцӕггӕнӕн куыстыты тыххӕй.

8