Цхинвалы рынчындон

Хуссар Иры иу мӕймӕ ӕввахс нӕй коронавирусӕй ног рынчынтӕ

10
(ранӕуӕггонд 10:55 13.08.2020)
Хуссар Ирыстоны пандемийы райдайӕнӕй сбӕрӕг кодтой коронавирусӕй 89 фӕрынчынуӕвӕджы, уыдон иууылдӕр сӕнӕниз сты

ЦХИНВАЛ, 13 авг – Sputnik, Козаты Диана. Хуссар Ирыстоны иу суткӕмӕ не сбӕрӕг кодтой коронавирусӕй ног рынчынты, фехъусын кодта сӕйраг санитарон дохтыры хӕдивӕг Гаглойты Анна.

Коронавирусӕй фӕстаг рынчыны – медицинон кусӕджы, кӕцы куыста рынчынтимӕ – рафыстой рынчындонӕй къуырисӕры.

"Иу суткӕмӕ ауагътам 27 басгӕрсты, уыдон иууылдӕр радтой ӕппӕрццаг фӕстиуджытӕ", - банысан кодта Гаглойты Анна.

COVID-19-ӕй фӕстаг фӕрынчынуӕвӕджы сбӕрӕг кодтой 16 июлы. Уӕдӕй фӕстӕмӕ республикӕйы нал рабӕрӕг кодтой ног рынчынты.

Дохтырты хъусдарды бын карантины сты 234 адӕймаджы. Фӕстаг дыууӕ къуырийы республикӕмӕ ӕрбацыд ӕмбӕстӕгты цалдӕр къорды.

Хуссар Ирыстоны дарддӕр ис ӕнӕмӕнг карантин ӕрцӕуӕггӕгтӕн. Изоляцийӕ ссӕрибар кодтой коронавирусӕй уый размӕ чи фӕрынчын, уыдоны. Уый тыххӕй уыдон хъуамӕ радтой анализтӕ Цӕгат Ирыстоны ӕмӕ бавдисой уый фӕдыл справкӕтӕ.

10
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы Хъорсеуы хъӕумӕ цалцӕг кӕнынц фӕндаг

7
(ранӕуӕггонд 14:22 18.09.2020)
Афтӕ ма цалцӕг кӕнынц фӕндаг, кӕцы цӕуы Хъорсеуы Дзуармӕ. Ныртӕккӕ фӕндӕгтӕ уӕрӕх кӕнынц, фӕстӕдӕр дзы ныккалдзысты хуыр

ЦХИНВАЛ, 18 сен — Sputnik, Хъуылымбегты Азӕмӕт. Дзауы районы Хъорсеуы хъӕумӕ фӕндаг нӕ цалцӕг кодтой цалдӕр азы. Ныридӕгӕн цалдӕр боны Дзауы районы Цӕрӕнуатон-коммуналон хӕдзарады (ЦКХ) кусджытӕ цалцӕг кӕнынц фӕндаг. Уыдон уӕрӕх кӕнынц фӕндаг ӕмӕ дзы калынц хуыр, фехъусын кодтой Sputnik Дзауы районы администрацийы пресс-службӕйы.

В селе Хъорсеу Дзауского района ремонтируют дорогу
Пресс-служба администрации Дзауского района
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы ЦКХ хистӕр Цхуырбаты Тамерланы ныхӕстӕм гӕсгӕ, цалцӕг кӕнынц Хъорсеуы Дзуармӕ фӕндаг дӕр, кӕцы ис кӕлӕтдзаг уавӕры.

Амӕй размӕ Дзауы районы администрацийы сӕргълӕууӕг Джиоты Андрей радзырдта районы фӕндӕгты цалцӕггӕнӕн куыстыты тыххӕй.

7
Цхинвалы рынчындон

Уӕрӕсейаг дохтыртӕ баххуыс кӕндзысты сӕ коллегӕтӕн Цхинвалы COVID-19-ы ныхмӕ тохы

9
Хуссар Ирыстон ӕмӕ Уӕрӕсе систой тобӕ арӕны сӕрты хизыныл дыццӕджы, 15 сентябры. Уый фӕдыл фӕфылдӕр коронавирусон инфекцийы апарахаты тас республикӕйы

ЦХИНВАЛ, 18 сен — Sputnik, Гӕбӕраты Элина. Уӕрӕсейаг специалисттӕ ӕрцӕудзысты Цхинвалмӕ, цӕмӕй саргъ кӕной коронавирусимӕ уавӕрӕн республикӕйы, афтӕ ма сорганизаци кӕной низы апарахаты профилактикӕ ӕмӕ куы бахъӕуа, уӕд медицинон ӕххуыс бакӕной. Уый тыххӕй Sputnik радзырдта Ӕнӕниздзинад хъахъхъӕнынад ӕмӕ социалон райрӕзты министрады пресс-секретарь Битеты Ирина.

Фӕндагон бастдзинад Хуссар Ирыстон ӕмӕ Уӕрӕсейы хсӕн скуыста хуымӕтӕг режимы 15 сентябрӕй, уый размӕ уыд арӕнӕвӕрдтӕ, сӕ нымӕцы ӕнӕмӕнг дыууӕкъуырион карантин республикӕмӕ ӕрцӕуӕггӕгтӕн.

Уӕрӕсеимӕ арӕны баконды фӕдыл Югосетпотребнадзор фӕтыхджындӕр кодта профилактикон мадзӕлттӕ республикӕйы, медицинон уагдӕттӕ та рахызтысты рынчынты райсынмӕ цӕттӕдзинады режиммӕ.

"Хуссар Ирыстонмӕ ӕрцӕудзысты ӕртӕ специалисты Цӕгат Ирыстонӕй, цӕмӕй равдисой сӕ фӕлтӕрддзинад бынӕттон дохтыртӕн. Уыдон куыстой пандемийы рӕстӕджы ӕмӕ бацӕттӕ кодтой пациенттӕн хоскӕнынады алгоритмтӕ", - загъта Битеты Ирина.

Уӕрӕсейаг медиктӕ ӕрцӕудзысты республикӕмӕ майрӕмбоны, 18 сентябры.

Уӕрӕсеимӕ арӕны уылты хизыныл тобӕ сӕвӕрдтой 13 апрелы ӕмӕ йӕ уый фӕстӕ цалдӕр хатт адарддӕр кодтой – фӕстаг хатт августы кӕронмӕ. Республикӕмӕ ӕрцӕуӕггӕгтӕн уыд ӕнӕмӕнг дыууӕкъуырион карантин. Фӕстӕдӕр изоляцийӕ ссӕрибар кодтой коронавирусӕй уый размӕ чи фӕрынчын, уыдоны. Уый тыххӕй уыдон хъуамӕ радтой анализтӕ Цӕгат Ирыстоны ӕмӕ бавдисой уый фӕдыл справкӕтӕ.

9