Бибылты Анатолий бабæрæг кодта автомобилон фæндаг Гуфта-Къуаисайы арæзтад

Вазыгджын фадгуытæм - уæлдай хъусдард: президент Къуаисайы фæндаджы арæзтады тыххæй

13
(ранӕуӕггонд 11:49 14.08.2020)
Президенты уæлдай тынгдæр цымыдис кодтой фæндаджы вазыгджын фадгуытæ, цы ран æнæмæнгхъæуæг сты инженерон амаддзагты арæзтæдтæ

ЦХИНВАЛ, 14 авг — Sputnik. Хуссар Ирыстоны президент Бибылты Анатолий бабæрæг кодта автомобилон фæндаг Гуфта-Къуаисайы арæзтад, хъусын кæны бæстæйы сæргълæууæджы пресс-службæ.

Автомобилон фæндæгты арæзтад æмæ эксплуатацийы фæдыл комитеты сæргълæууæг Гуыззыттаты Эдуард радзырдта президентæн, фæстаг этапыл бакæнгæ куыстыты бæрц кæй у хицæн æмæ хицæн.

"15 километрæй цыппар ныридæгæн у асфальт, кæцыдæр фагуытыл уагъд цæуынц растгæнæн куыстытæ, фæндаджы иу хай та у цæттæ асфальтæй бамбæрзынмæ", - загъта уый.

Комитеты хистæр ма бамбарын кодта, графикæй чысыл фæстейæ кæй аззадысты, фæлæ йæ цадæггай æххæст кæнынц.

Анатолий Бибилов ознакомился с ходом строительства дороги Гуфта-Квайса
© Пресс-служба президента РЮО.
Автомобилон фæндаг Гуфта-Къуаисайы арæзтад

Президенты уæлдай тынгдæр цымыдис кодтой фæндаджы вазыгджын фадгуытæ, цы ран æнæмæнгхъæуæг сты инженерон амаддзагты арæзтæдтæ.

"Курын уæ арæхстджындæрæй бакæнын уыцы куыстытæ. Уыдон тыххæй чизоны фæфæстæ уа график дæр, фæлæ уыимæ уынын, куыстытæ кæй цæуынц æнтыстджынæй", - загъта Бибылты Анатолий.

Бæстæйы сæргълæууæг ма уымæй дарддр федта Дзауы районы Кировы хъæуы цур хиды арæзтад дæр.

13
РХИ парламент

Парти "Иугонд Ирыстон"-ы депутат фехъусын кодта фракцийӕ рахизыны тыххӕй

2
(ранӕуӕггонд 15:35 18.09.2020)
Ӕртыккаг ӕвзарӕн зылдӕй депутат банысан кодта, дарддӕр кӕй кусдзӕн парламенты ӕмӕ нӕ нывӕнды бахизын никӕцы парламентон фракцимӕ

ЦХИНВАЛ, 18 сен - Sputnik. Хуссар Ирыстоны парламенты депутат Мулдарты Гарри фехъусын кодта парти "Игонд Ирыстоны"-ы фракцийӕ кӕй рахызт, уый тыххӕй. Депутаты куырдиаты текст ныммыхуыр кодтой закондӕттӕг органы официалон сайтыл.

Мулдарты Гарри куыд банысан кодта, афтӕмӕй йӕ скъуыддзаджы аххоссаг уыд уый, ӕмӕ нӕ сӕххӕст кодтой Хуссар Ирыстоны парламенты депутатты фылдӕр хайы домӕн генпрокурор Дзӕгъиаты Уырызмӕджы отставкӕйы фӕдыл.

"Мӕ хъуыдымӕ гӕсгӕ, Дзӕгъиаты Уырызмӕг РХИ генералон прокуроры бынаты куы куса, уӕд уый хъыгдардзӕн объективон фӕдагуырд Дзабиты Иналы мӕлӕты фӕдыл, афтӕ ма ӕххӕст нӕ цӕудзысты нӕ паддзахад ӕмӕ ӕхсӕнады законон интерестӕ", – фехъусын кодта депутат.

Ӕртыккаг ӕвзарӕн зылдӕй депутат бафтыдта, зӕгъгӕ, дарддӕр кусдзӕн парламенты ӕмӕ нӕ нывӕнды бахизын никӕцы парламентон фракцимӕ.

Дзабиты Иналы мæлæт æхсæнады сæвзæрын кодта стыр резонанс. Йæ фæстæ Цхинвалы ацыд митингтæ, адæм домдтой, цæмæй йæ бынатæй сæрибар æрцæуа Генералон прокурор Дзæгъиаты Уырызмæг æмæ æфхæрд æрцæуой азымджынтæ. Фæстæдæр уагдон фехъусын кодта, ацы хъуыддаджы зæрдæхсайгæ адæм - криминалон милицийы аст кусæджы - рæстæгмæ æрцахстой.

2
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы Хъорсеуы хъӕумӕ цалцӕг кӕнынц фӕндаг

8
(ранӕуӕггонд 14:22 18.09.2020)
Афтӕ ма цалцӕг кӕнынц фӕндаг, кӕцы цӕуы Хъорсеуы Дзуармӕ. Ныртӕккӕ фӕндӕгтӕ уӕрӕх кӕнынц, фӕстӕдӕр дзы ныккалдзысты хуыр

ЦХИНВАЛ, 18 сен — Sputnik, Хъуылымбегты Азӕмӕт. Дзауы районы Хъорсеуы хъӕумӕ фӕндаг нӕ цалцӕг кодтой цалдӕр азы. Ныридӕгӕн цалдӕр боны Дзауы районы Цӕрӕнуатон-коммуналон хӕдзарады (ЦКХ) кусджытӕ цалцӕг кӕнынц фӕндаг. Уыдон уӕрӕх кӕнынц фӕндаг ӕмӕ дзы калынц хуыр, фехъусын кодтой Sputnik Дзауы районы администрацийы пресс-службӕйы.

В селе Хъорсеу Дзауского района ремонтируют дорогу
Пресс-служба администрации Дзауского района
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы ЦКХ хистӕр Цхуырбаты Тамерланы ныхӕстӕм гӕсгӕ, цалцӕг кӕнынц Хъорсеуы Дзуармӕ фӕндаг дӕр, кӕцы ис кӕлӕтдзаг уавӕры.

Амӕй размӕ Дзауы районы администрацийы сӕргълӕууӕг Джиоты Андрей радзырдта районы фӕндӕгты цалцӕггӕнӕн куыстыты тыххӕй.

8