Цхинвал

Хуссар Иры паддзахадон фӕстауӕрцӕн ӕвӕрӕн сараздзысты 2020 азы кӕронмӕ

16
(ранӕуӕггонд 14:13 14.08.2020)
Ӕвӕрӕнты уыдзысты хӕлцадон продукттӕ, дзаумӕттӕ, сӕ нымӕцы палаткӕтӕ ӕмӕ уаттӕ, электрогенератортӕ. Афтӕ ма уым уыдзӕн сӕрмагонд техникӕ дӕр

ЦХИНВАЛ, 14 авг – Sputnik, Гӕбӕраты Элина. Хуссар Ирыстоны паддзахадон фӕстауӕрцӕн ӕвӕрӕны арӕзтад балхынцъ уыдзӕн ацы азы кӕронмӕ, радзырдта Sputnik Уӕлвӕткон уавӕрты министрады (УУМ) сӕргълӕууӕджы фыццаг хӕдивӕг Бестауты Ацӕмӕз.

Паддзахадон стратегион объекты территорийы хӕрарӕзтад бахастой Хуссар Ирыстоны 2020 азы инвестицион нывӕзтмӕ.

Президент Бибылты Анатолий 2018 азы бахӕс кодта УУМ-ӕн паддзахадон фӕстауӕрц саразын. Уӕлвӕткон уагдон 2019 азы бацӕттӕ кодта ӕвӕрӕны арӕзтады фӕдыл ӕнӕмӕнгхъӕуӕг документты пакет. Ауагътой консультацитӕ уӕрӕсейаг коллегӕтимӕ, кӕцытӕ баххуыс кодтой саразын проект.

Министры хӕдивӕг бахахх кодта, объекты арӕзтад кӕй райдыдта Цхинвалы ныгуылӕны хайы ацы аз.

"Ацы этапыл активонӕй уадзынц арӕзтадон куыстытӕ, нардуатон организацийы ныхӕстӕм гӕсгӕ, ӕвӕрӕн уыдзӕн цӕттӕ азы кӕронмӕ", - банысан кодта уый.

Бестауты Ацӕмӕз банысан кодта, паддзахадон фӕстауӕрцы кӕй уыдзӕн ӕнӕмӕнгхъӕуӕг продукттӕ иу мин адӕймагӕн 10 суткӕмӕ. Ӕвӕрӕнты уыдзысты хӕлцадон продукттӕ, дзаумӕттӕ, сӕ нымӕцы палаткӕтӕ ӕмӕ уаттӕ, электрогенератортӕ. Афтӕ ма уым уыдзӕн сӕрмагонд техникӕ дӕр.

"Афтӕ ма ӕвӕрӕнты уыдзӕн сӕрмагонд техникӕ, кӕцыйӕ архайдзысты уӕлвӕткон цауты рӕстӕджы – уыдон уыдзысты бульдозертӕ ӕмӕ автокрантӕ", - загъта Бестауты Ацӕмӕз.

Министры хӕдивӕг фехъусын кодта, ӕвӕрӕнтӕй пайда кӕндзысты ӕрмӕстдӕр уӕлвӕткон цауты рӕстӕджы хицауады уынаффӕмӕ гӕсгӕ.

16
Коронавирус

Хуссар Иры сбӕрӕг кодтой коронавирусӕй 27 ног рынчыны

1
(ранӕуӕггонд 14:27 02.12.2020)
Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты

ЦХИНВАЛ, 27 ноя - Sputnik, Хъуылымбегты Зӕлинӕ. Хуссар Ирыстоны иу суткӕмӕ  сбӕрӕг кодтой 27 рынчыны коронавирусон инфекцийӕ, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы сарӕзтам 155 иртӕсты COVID-19-ы фӕдыл, уыдонӕй 27 радтой ӕвӕрццаг фӕстиуӕг", - загъта Гаглойты Анна.

Гаглойты Аннайы ныхӕстӕм гӕсгӕ, медикты хъусдарды бын республикӕйы медицинон уагдӕтты ис 1061 адӕймаджы.

"Ивгъуыд суткӕйы медикты хъусдардӕй систой 30 пациенты", - бафтыдта уый.

Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

1
Рес-ы сайт

Хуссар Иры фыццаг информагентадыл сӕххӕст 25 азы. Sputnik раарфӕ кодтой сӕ коллегӕтӕн

2
(ранӕуӕггонд 12:31 02.12.2020)
Агентад сарӕзтой Хуссар Ирыстоны уӕззау рӕстӕджыты, ӕмӕ йӕ сӕвзӕрдӕй фӕстӕмӕ ссис республикӕйы

ЦХИНВАЛ, 2 дек - Sputnik. Хуссар Ирыстоны фыццаг паддзахадон информацион агентад "Рес" ӕртыццӕджы нысан кӕны йӕ сӕвзӕрдыл 25 азы сӕххӕст. Агентад сарӕзтой республикӕйы информаци ӕмӕ мыхуыры министрады цур 1995 азы 2 декабры 1989-2008 азты Фыдыбӕстон хӕсты рӕстӕджы.

Информацион агентадыл сӕвӕрдтой хох Ресы ном. Хох Рес ис дыууӕ республикӕйы хсӕн ӕмӕ йын ис стыр нысаниуӕг Ирыстоны алкӕцы патриотӕн дӕр. Ацы хохӕн йӕ поэмӕйы скад кодта номдзыд ирон поэт Плиты Хаджумар. Уый у Ирыстоны иудзинады символ.

"Рес"-ӕн официалон сайт фӕзынд 2003 азы 7 апрелы, уый фӕдыл интернеты алкӕцы пайдагӕнӕгӕн дӕр фӕзынд фадат исын информаци РХИ цауты тыххӕй.

"Фӕлтӕрддзинад равдыста, Хуссар Ирыстоны мидӕггагон ӕмӕ ӕддагон политикӕмӕ кӕй ис стыр интерес. Абоны бон ног хабӕрттӕ ӕмӕ комментаритӕ, кӕцытӕ вӕййынц cominf.org сайтыл, пайда кӕнынц сӕ хъусинӕгты дард ӕмӕ ӕввахс фӕсарӕнты автоитетон ДИФ-тӕ. Сайтыл ӕрвылбонон ног хабӕрттӕй дарддӕр ис информаци Хуссар Ирыстоны историйы тыххӕй, аналитикӕ ӕмӕ афтӕ дарддӕр", - банысан колдта агентады разамонӕг, РХИ сгуыхт журналист Харебаты Мая.

Информацион агентад ӕмӕ радио Sputnik Хуссар Ирыстоны коллегтив арфӕ кӕнынц "Рес"-ы кусджытӕн, ӕмӕ сын сӕ цӕст уарзы ног сфӕлдыстадон ӕнтыстытӕ, хорз ног хабӕрттӕ, хӕрзӕбон ӕмӕ сабырдзинад.

2