Депутат Дриаты Заза фембӕлд Ленингоры цӕрджытимӕ

Хуссар Иры хицауады базонгӕ кӕндзысты Ленингоры районы цӕрджыты проблемӕтимӕ

8
(ранӕуӕггонд 14:54 18.08.2020)
Поселочы цӕрджытӕ радзырдтой парламенты депутатӕн сӕ проблемӕты тыххӕй – ахӕм фембӕлдтӕ ацӕудзысты Ленингоры районы ӕндӕр хъӕуты дӕр

ЦХИНВАЛ, 18 авг - Sputnik. Ленингоры цӕрджытӕн фадат нӕй ацӕуын республикӕйӕ хоскӕнынадмӕ ӕмӕ пенситӕ райсынмӕ пандемийы тыххӕй – уый у районы сӕйраг проблемӕ, фехъусын кодта Хуссар Ирыстоны парламенты депутат, ӕддагон политикӕ ӕмӕ ӕхсӕнпарламентон бастдзинӕдты фӕдыл комитеты сӕрдар Дриаты Заза.

Закондӕттӕг органы пресс-службӕ куыд хъусын кӕны, афтӕмӕй депутат бабӕрӕг кодта Ленингоры сабидон ӕмӕ рынчындон, афтӕ ма ӕрныхас кодта поселочы цӕрджытимӕ.

Депутат Заза Дриаев провел встречи с избирателями в Ленингоре
© Пресс-служба парламента РЮО.
Депутат Дриаты Заза фембӕлд Ленингоры цӕрджытимӕ

"Ленингоры районы ис бирӕ проблемон фарстытӕ, уыдон хъӕуы скъуыддзаг кӕнын. Адӕмы тыхсын кӕны фӕндаджы баконд, хиуӕттӕн фадат нӕй кӕрӕдзи уынын, пенсиисджытӕн та сӕ пенситӕ райсын. Ис дзы бирӕ рынчын адӕм, кӕцытӕн сӕ бон нӕу ацӕуын хоскӕнынадмӕ хӕстӕг республикӕмӕ. Мах сын баххуыс кӕнӕм Сырх Дзуары комитеты руаджы рацӕуын хоскӕнынад", - загъта Дриаты Заза.

Цӕрджытӕ хъазт кодтой хӕлцадон продуктты ӕргъты фӕфылдӕрыл, афтӕ ма газ ӕмӕ тыллӕг ӕфснайынӕн техникӕйы цухдзинадыл.

"Дыккаг проблемӕ у – студентты ацыд ахуырмӕ. Иу къорд ныридӕгӕн рауагътой, фӕлӕ ма дзы баззад цалдӕр адӕймаджы. Ӕз бадзурын парламенты сӕрдармӕ, ӕмӕ бӕстӕйы къухдариуӕгадмӕ, цӕмӕй сӕ хъус ӕрдарой Ленингоры районы проблемӕтӕм", - банысан кодта депутат.

Комитеты сӕрдар дзырд радта, кӕй базонгӕ кӕндзӕн цӕрджыты проблемӕтимӕ республикӕйы къухдариуӕгады ӕмӕ бафтыдта, ахӕм фембӕлдтӕ кӕй ацӕудзысты Ленингоры районы ӕндӕр цӕрӕг пунктты дӕр.

8
Хуссар Ир нысан кӕны Паддзахадон тырысайы бон

Хуссар Ир нысан кӕны Паддзахадон тырысайы бон

17
(ранӕуӕггонд 10:16 18.09.2020)
Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы

ЦХИНВАЛ, 19 сен — Sputnik, Плиты Фатимæ. Хуссар Ирыстоны сабаты, 19 сентябры, нысан кӕнынц Паддзахадон тырысайы бон. Бӕрӕгбонӕн бындур ӕвӕрд ӕрцыд 31 азы размӕ.

Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы.

"Развæлгъау столицæйы административон бæстыхæйтты сфæлыстой паддзахаон тырысатæй. Къуырийы кæрон Хуссар Ирыстон нысан кæны дыууæ бæрæгбон – Тырысайы бон æмæ Республикæ расидыны бон, дыууæ нысаниуæгджын датæйы цытæн Цхинвалы бакодтой ног баннертæ æмбæлон тематикæйыл", - загъта Sputnik культурæйы министрады кусæг Остъаты Мæдинæ.

Уый ма банысан кодта, æхсæнады цытджын рабадт "Прописано в сердце Осетии" аргъæвтой 18-æм сентябрæй 20-мæ.

Паддзахадон тырысайы бон Хуссар Ирыстоны фыццаг хатт банысан кодтой 2013 азы, фæлæ националон символ ссис 1989 азæй фæстæмæ. 1990 азы ноябры республикæйы парламент сфидар кодта ирон триколор, куыд паддзахаддзинады символ.

Ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбатырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

17
Транскам

Фылдӕр адӕм фылдӕр рейстӕ: куыд фӕивта Цхинвалӕй Дзӕуджыхъӕумӕ автобусты график

5
(ранӕуӕггонд 15:18 18.09.2020)
Ӕхсӕнадон транспорт цӕуы уадзӕн пункт "Дӕллаг Зӕрӕмӕг"-ы уылты ӕнӕ зындзинӕдтӕй, уый фӕдыл дзы бирӕ адӕм пайда кӕнынц Уӕрӕсемӕ ацӕуынӕн

ЦХИНВАЛ, 18 сен — Sputnik, Гӕбӕраты Элина. Цхинвалӕй Дзӕуджыхъӕумӕ рейсон автобусты нымӕц фӕфылдӕр Уӕрӕсеимӕ паддзахадон арӕны баконды фӕстӕ, фехъусын кодта Sputnik Хуссар Ирыстоны автомобилон транспорты хайады сӕргълӕууӕг Дудайты Альберт.

Хуссар Ирыстон ӕмӕ Уӕрӕсе систой арӕны сӕрты хизыныл тобӕ дыццӕджы, 15 сентябры. Арӕн уыд ӕхгӕд фондз мӕйы дӕргъы, ныр уадзӕн пункт "Дӕллаг Зӕрӕмӕг"-ы ӕрмӕбырд сты километрон радтӕ.

Уыимӕ иумӕ, республикӕйӕ автобустӕ хизынц уадзӕн пункты уылты ӕнӕ зындзинӕдтӕй, уый фӕдыл бирӕ адӕм пайда кӕнынц ӕхсӕнадон транспортӕй Уӕрӕсемӕ ацӕуынӕн.

"Бирӕ адӕм дзы вӕййы, автобустӕ райдайынц цӕуын райсом раджы. Хӕдтулгӕты бирӕ бынат нӕй, ӕмӕ уайтагъд йедзаг кӕнынц. Ӕндӕрӕбон мах арвыстам рейсы ӕхсӕз автобусы, хуымӕтӕг рӕстӕджы та иу ӕрвыстам дыууӕ кӕнӕ ӕртӕ автобусы Цӕгат Ирыстонмӕ", - радзырдта Дудайты Альберт.

Дудайты Альберты хъуыдымӕ гӕсгӕ, ӕхсӕнадон транспортмӕ ажиотаж тагъд рӕстӕджы фӕкъаддӕр уыдзӕн ӕмӕ рейсон автобустӕ рахиздзысты куысты хуымӕтӕг режиммӕ.

5
Дзиццойты Юрий

Хуссар Ирыстоны паддзахад сæвзæрыны рæстæг нымайæн ис 1920 азæй Дзиццойты Юрий

0
(ранӕуӕггонд 19:43 19.09.2020)
Филологон зонæдты кандидат Дзиццойты Юрий радио Sputnik Хуссар Ирыстонæн интервьюйы радзырдта республикæйы расидыны боны тыххæй
Хуссар Ирыстоны паддзахад сывзæрыны рæстæг нымайæн ис 1920 азæй – Дзиццойты Юрий

Хуссар Ирыстоны республикæйыл 30 аз сæххæст ацы аз 20 сентябры. Дзиццойты Юрий куыд радзырдта, уымæ гæсгæ нæ паддзахад у æлхæд тугæй.

"Нæ паддзахаддзинад 1920 азæй куы нымаиккам, уæд раст дæр у. Уый нын радта фадат, цæмæй 1990 азы автономон областæн йæ статус фæбæрзонддæр кодтаиккам", - загъта Юрий.

Дзиццойты Юрийы ныхæстæм гæсгæ, республикæ расидын фадат лæвæрдта, цæмæй ирон адæм сæхæдæг æвзарой сæ дарддæры фæндаг.

"Гуырдзыстон хицæнкæныны фæндагыл ныллæуыд, æмæ цæмæй мах дæр семæ ма акодтаиккой, уый тыххæй нын хъуамæ уыдаид конституци, фæлæ автономон областæн уый нæ уыд", - бафиппайта Дзиццойты Юрий.

Юрий ма куыд радзырдта, уымæ гæсгæ уыцы рæстæджы цы къахдзæфтæ арæзт æрцыдысты, уыдон уыдысты хæдбар паддзахады бындуртæ.

0
Темӕтӕ:
Радио иронау