Хуссар Иры Хъахъхъӕнынады министрады рабӕрӕг кӕндзысты хуыздӕр командӕ мини-футболӕй
(ранӕуӕггонд 14:12 18.08.2020)
Республикӕйы 30 азы сӕххӕсты цытӕн турнир мини-футболӕй райдыдта 15 августы, уӕлахиздзауты рабӕрӕг кӕндзысты 15 сентябрыЦХИНВАЛ, 18 авг - Sputnik. Хуссар Ирыстоны уагъд цӕуы турнир мини-футболӕй Республикӕйы сӕвзӕрдыл 30 азы сӕххӕсты цытӕн Хъахъхъӕнынады министрады командӕты хсӕн.
Министрады пресс-службӕ куыд хъусын кӕны, афтӕмӕй ерыстӕ уагъд цӕуынц уагдоны сӕргълӕууӕг Гассеты Ибрагимы барамындӕй. Футболон хъӕзтытӕ цӕуынц 15 августӕй улӕфт бонты Цхинвалы спортивон объекттӕй сӕ иуы.
"Турниры хайад исынц фараст командӕйы, сӕ нымӕцы Хъахъхъӕнынады министрады Кадетон скъолайы хъомылгӕнджыты командӕ. Финалон хъӕзтытӕ ацӕудзысты 15 сентябры, уӕлахиздзаутӕн ратдзысты кубоктӕ ӕмӕ кады грамотӕтӕ", - банысан кодтой министрады.
Пресс-службӕйы бафтыдтой, зӕгъгӕ, турниры нысаниуӕг у мини-футболы дарддӕры райрӕзт ӕмӕ популяризаци ӕфсӕддонты хсӕн.
Цхинвалы райдайдзӕн авд уынджы капиталон цалцӕг
ЦХИНВАЛ, 4 мар - Sputnik, Хъуылымбегты Азӕмӕт. Хуссар Ирыстоны столицӕйы ӕввахс рӕстӕджы ногӕй райдыдтой зӕронд коммуникацион хӕтӕлтӕ раивыны фӕдыл цалцӕггӕнӕн куыстытӕ, фехъусын кодта Sputnik арӕзтад, архитектурӕ ӕмӕ ЦКХ министрады минӕвар Къацты Сослан.
©
Sputnik / Natalia Airiyan
Республикӕйы ӕрвылаз Инвестпрограммӕйы хаххыл ивынц доны, канализацион ӕмӕ газы зӕронд хӕтӕлтӕ.
"Цхинвалы ацы аз нывӕндынц авд уынджы капиталон цалцӕг: Плехановы, Санахъоты Гришикы, Сабырады, Едысы ӕмӕ Саулохты Мухтары уынгтӕ. Афтӕ ма, сцалцӕг кӕндзысты Нарты уынджы алвӕндаг Плиты Ароны уынджы онг. Нырма раивдзысты зӕххы бын коммуникацитӕ, уый фӕстӕ та дзы сӕвӕрдзысты асфальт", - радзырдта Къацты Сослан.
Генералон нардуатон организацитӕ уыдзысты паддзахадон унитарон куыстуӕттӕ "Водоканал" ӕмӕ "Энергоресурс-Хуссар Ирыстон".
Амӕйразмӕ "Водоканал"-ы хъусын кодтой, республикӕйы столицӕйы ныридӕгӕн кӕй раивтой зӕххы бын коммуникациты 70 проценты.
Хуссар Иры рабӕрӕг ис COVID-19-ы 21 ног цауы - "Югосетпотребнадзор"
(ранӕуӕггонд 15:07 04.03.2021)
Медицинон хыгъдӕй цыппӕрӕмы райсоммӕ систой 14 пациенты, сӕнӕнизуӕвджыты иумӕйаг нымӕц та схызт 2591 онгЦХИНВАЛ, 4 мар - Sputnik, Хъуылымбегты Зӕлинӕ. Хуссар Ирыстоны ивгъуыд къуыри сарӕзтой 95 иртӕсты коронавирус рафӕлгъауыны фӕдыл, уыдонӕй 21 равдыстой ӕвӕрццаг фӕстиуӕг, фехъусын кодта Sputnik санитарон уагдоны сӕргълӕууӕджы хӕдивӕг Гаглойты Анна.
"Коронавирусон инфекцийӕ ног рынчынты нымӕц Хуссар Иры абон у 21 адӕймаджы, ӕдӕппӕт пандемийы рӕстӕджы та - 3081", - загъта уый.
Гаглойты Анна ма бафтыдта, цыппӕрӕмы райсоммӕ медицинон уагдӕтты "сырх зонӕтӕй" кӕй рафыстой 14 пациенты, сӕнӕнизуӕвджыты иумӕйаг нымӕц та схызт 2591 онг. Медикты хъусдарды бын ма сты 490 рынчыны.
Хуссар Ирыстоны COVID-19 пандемийы рӕстӕджы ӕдӕппӕт сарӕзтой 18 661 тесты коронавирусы фӕдыл.
Республикӕйы январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.