Каникултӕ ӕнӕ улӕфтӕй: Тадтаты Алан парламенты куыст ӕмӕ фидӕны нывӕзтыты тыххӕй
(ранӕуӕггонд 09:17 21.08.2020)
Хуссар Ирыстоны парламенты ныры ӕрсидты депутаттӕ ацыдысты радон каникулты. Закондӕттӕг органы спикер радзырдта депутатты куысты тыххӕй ацы периодЦХИНВАЛ, 20 авг - Sputnik. Парламентон каникулты рӕстӕджы депутаттӕ ӕмбӕлынц ӕвзарджытимӕ ӕмӕ скъуыддзаг кӕнынц сӕ проблемӕтӕ хицауадимӕ иумӕ, фехъусын кодта закондӕттӕг органы спикер Тадтаты Алан йӕ интервьюйы информацион-аналитикон хайадӕн.
"Ацы рӕстӕг депутаттӕ уадзынц фембӕлдтӕ цӕрджытимӕ, цӕмӕй сын сӕ проблемӕтӕ бахӕццӕ кӕной хицауадмӕ. Кӕцыдӕр депутаттӕ, каникултӕм ӕнӕкӕсгӕйӕ, ӕрвылбон сты куысты. Мӕхӕдӕг дӕр дӕн куысты, уымӕн ӕмӕ уадзын фембӕлдтӕ ӕвзарджытимӕ. Парламентон куыст иу бон дӕр нӕ ӕруромӕм", - загъта спикер.
Афтӕ ма Тадтаты Алан радзырдта ӕхсӕнпарламентон архайды тыххӕй пандемийы периоды.
УФ Паддзахадон Думӕимӕ дарддӕр кусынц 1920 азы ирон адӕмы геноциды фарстыл. Афтӕ ма хуссарирыстойнаг парламенты депутаттӕ хорзыл банымадтой Хуссар ӕмӕ Цӕгат Ирыстоны парламенты хсӕн бадзырд, фӕлӕ йӕ нырма нӕ бафыстой пандемийы тыххӕй.
"Арӕн куыддӕр бакӕной, афтӕ документ бафысдзыстӕм", - загъта Тадтаты Алан.
Уымӕй дарддӕр спикер радзырдта парламенты дарддӕры нывӕзтыты тыххӕй дӕр – йӕ ныхӕстӕм гӕсгӕ, депутаттӕ дарддӕр кусынц Хуссар Ирыстоны закондӕттӕг базӕ фӕтыхджындӕр кӕныныл.
Адарддӕр кӕндзысты президенты дӕлбар къамисимӕ куыст дӕр Конституцийы фӕдыл, афтӕ ма республикӕйы законтӕ ӕххӕст кӕныны фӕдыл, бахахх кодта Тадтаты Алан.
Парти "Иугонд Ирыстон"-ы депутат фехъусын кодта фракцийӕ рахизыны тыххӕй
(ранӕуӕггонд 15:35 18.09.2020)
Ӕртыккаг ӕвзарӕн зылдӕй депутат банысан кодта, дарддӕр кӕй кусдзӕн парламенты ӕмӕ нӕ нывӕнды бахизын никӕцы парламентон фракцимӕЦХИНВАЛ, 18 сен - Sputnik. Хуссар Ирыстоны парламенты депутат Мулдарты Гарри фехъусын кодта парти "Игонд Ирыстоны"-ы фракцийӕ кӕй рахызт, уый тыххӕй. Депутаты куырдиаты текст ныммыхуыр кодтой закондӕттӕг органы официалон сайтыл.
©
Sputnik / Natalia Airiyan
Мулдарты Гарри куыд банысан кодта, афтӕмӕй йӕ скъуыддзаджы аххоссаг уыд уый, ӕмӕ нӕ сӕххӕст кодтой Хуссар Ирыстоны парламенты депутатты фылдӕр хайы домӕн генпрокурор Дзӕгъиаты Уырызмӕджы отставкӕйы фӕдыл.
"Мӕ хъуыдымӕ гӕсгӕ, Дзӕгъиаты Уырызмӕг РХИ генералон прокуроры бынаты куы куса, уӕд уый хъыгдардзӕн объективон фӕдагуырд Дзабиты Иналы мӕлӕты фӕдыл, афтӕ ма ӕххӕст нӕ цӕудзысты нӕ паддзахад ӕмӕ ӕхсӕнады законон интерестӕ", – фехъусын кодта депутат.
Ӕртыккаг ӕвзарӕн зылдӕй депутат бафтыдта, зӕгъгӕ, дарддӕр кусдзӕн парламенты ӕмӕ нӕ нывӕнды бахизын никӕцы парламентон фракцимӕ.
Дзабиты Иналы мæлæт æхсæнады сæвзæрын кодта стыр резонанс. Йæ фæстæ Цхинвалы ацыд митингтæ, адæм домдтой, цæмæй йæ бынатæй сæрибар æрцæуа Генералон прокурор Дзæгъиаты Уырызмæг æмæ æфхæрд æрцæуой азымджынтæ. Фæстæдæр уагдон фехъусын кодта, ацы хъуыддаджы зæрдæхсайгæ адæм - криминалон милицийы аст кусæджы - рæстæгмæ æрцахстой.
Дзауы районы Хъорсеуы хъӕумӕ цалцӕг кӕнынц фӕндаг
(ранӕуӕггонд 14:22 18.09.2020)
Афтӕ ма цалцӕг кӕнынц фӕндаг, кӕцы цӕуы Хъорсеуы Дзуармӕ. Ныртӕккӕ фӕндӕгтӕ уӕрӕх кӕнынц, фӕстӕдӕр дзы ныккалдзысты хуырЦХИНВАЛ, 18 сен — Sputnik, Хъуылымбегты Азӕмӕт. Дзауы районы Хъорсеуы хъӕумӕ фӕндаг нӕ цалцӕг кодтой цалдӕр азы. Ныридӕгӕн цалдӕр боны Дзауы районы Цӕрӕнуатон-коммуналон хӕдзарады (ЦКХ) кусджытӕ цалцӕг кӕнынц фӕндаг. Уыдон уӕрӕх кӕнынц фӕндаг ӕмӕ дзы калынц хуыр, фехъусын кодтой Sputnik Дзауы районы администрацийы пресс-службӕйы.
Пресс-служба администрации Дзауского района
Дзауы районы Хъорсеуы хъӕумӕ цалцӕг кӕнынц фӕндаг
Дзауы районы ЦКХ хистӕр Цхуырбаты Тамерланы ныхӕстӕм гӕсгӕ, цалцӕг кӕнынц Хъорсеуы Дзуармӕ фӕндаг дӕр, кӕцы ис кӕлӕтдзаг уавӕры.
Амӕй размӕ Дзауы районы администрацийы сӕргълӕууӕг Джиоты Андрей радзырдта районы фӕндӕгты цалцӕггӕнӕн куыстыты тыххӕй.