Къуыдаргом райста 10 тоннӕйы бӕрц гуманитарон ӕххуыс

Хуссар Иры Къуыдаргом райста 10 тоннӕйы бӕрц гуманитарон ӕххуыс

48
(ранӕуӕггонд 16:10 20.08.2020)
Ӕххуыс ссады хуызы уӕрст цӕуы цалдӕр этапӕй - фыццаг уал ссады дзӕкъултӕ райстой ӕххуысхъуаг бинонтӕ, уый фӕстӕ иннӕ цӕрджытыл уӕрст цӕуы ӕмхуызонӕй

ЦХИНВАЛ, 20 авг– Sputnik, Плиты Фатимӕ. Хуссар Ирыстоны Къуыдаргомы уарынц гуманитарон ӕххуыс ссады хуызы.

Дзауы районы Къуайсамӕ президенты администрацийы кусджытӕ фӕуазӕг сты цыппӕрӕмы.

"Ссады голджытӕ уӕрст цӕуынц Къуыдаргомы алы бинонтыл дӕр. Адӕм райгонд сты, бузныг дзурынц президентӕн", - хъусын кӕны Дзауы районы пресс-службӕ президенты администрацийы мидӕггагон политикӕйы хистӕры хӕдивӕг Тыбылты Демури.

Ӕххуыс ссады хуызы уӕрст цӕуы цалдӕр этапӕй - фыццаг уал ссады дзӕкъултӕ райстой ӕххуысхъуаг бинонтӕ, уый фӕстӕ сыл уӕрст цӕуы ӕмхуызонӕй.

"Иумӕйагӕй сисгӕйӕ Къуыдаргом райста 10 тоннӕйӕ фылдӕр ссад. Иу адӕймагӕн лӕвӕрд цӕуы 10 кг", - загъта Sputnik горӕт Къуайсайы мэр Бӕззаты Геннадий.

  • Хуссар Иры Къуыдаргом райста 10 тоннӕйы бӕрц гуманитарон ӕххуыс
    Хуссар Иры Къуыдаргом райста 10 тоннӕйы бӕрц гуманитарон ӕххуыс
    Пресс-служба Дзауского района
  • Хуссар Иры Къуыдаргом райста 10 тоннӕйы бӕрц гуманитарон ӕххуыс
    Хуссар Иры Къуыдаргом райста 10 тоннӕйы бӕрц гуманитарон ӕххуыс
    Пресс-служба Дзауского района
  • Хуссар Иры Къуыдаргом райста 10 тоннӕйы бӕрц гуманитарон ӕххуыс
    Хуссар Иры Къуыдаргом райста 10 тоннӕйы бӕрц гуманитарон ӕххуыс
    Пресс-служба Дзауского района
1 / 3
Пресс-служба Дзауского района
Хуссар Иры Къуыдаргом райста 10 тоннӕйы бӕрц гуманитарон ӕххуыс
48
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы Хъорсеуы хъӕумӕ цалцӕг кӕнынц фӕндаг

8
(ранӕуӕггонд 14:22 18.09.2020)
Афтӕ ма цалцӕг кӕнынц фӕндаг, кӕцы цӕуы Хъорсеуы Дзуармӕ. Ныртӕккӕ фӕндӕгтӕ уӕрӕх кӕнынц, фӕстӕдӕр дзы ныккалдзысты хуыр

ЦХИНВАЛ, 18 сен — Sputnik, Хъуылымбегты Азӕмӕт. Дзауы районы Хъорсеуы хъӕумӕ фӕндаг нӕ цалцӕг кодтой цалдӕр азы. Ныридӕгӕн цалдӕр боны Дзауы районы Цӕрӕнуатон-коммуналон хӕдзарады (ЦКХ) кусджытӕ цалцӕг кӕнынц фӕндаг. Уыдон уӕрӕх кӕнынц фӕндаг ӕмӕ дзы калынц хуыр, фехъусын кодтой Sputnik Дзауы районы администрацийы пресс-службӕйы.

В селе Хъорсеу Дзауского района ремонтируют дорогу
Пресс-служба администрации Дзауского района
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы ЦКХ хистӕр Цхуырбаты Тамерланы ныхӕстӕм гӕсгӕ, цалцӕг кӕнынц Хъорсеуы Дзуармӕ фӕндаг дӕр, кӕцы ис кӕлӕтдзаг уавӕры.

Амӕй размӕ Дзауы районы администрацийы сӕргълӕууӕг Джиоты Андрей радзырдта районы фӕндӕгты цалцӕггӕнӕн куыстыты тыххӕй.

8
Цхинвалы рынчындон

Уӕрӕсейаг дохтыртӕ баххуыс кӕндзысты сӕ коллегӕтӕн Цхинвалы COVID-19-ы ныхмӕ тохы

9
Хуссар Ирыстон ӕмӕ Уӕрӕсе систой тобӕ арӕны сӕрты хизыныл дыццӕджы, 15 сентябры. Уый фӕдыл фӕфылдӕр коронавирусон инфекцийы апарахаты тас республикӕйы

ЦХИНВАЛ, 18 сен — Sputnik, Гӕбӕраты Элина. Уӕрӕсейаг специалисттӕ ӕрцӕудзысты Цхинвалмӕ, цӕмӕй саргъ кӕной коронавирусимӕ уавӕрӕн республикӕйы, афтӕ ма сорганизаци кӕной низы апарахаты профилактикӕ ӕмӕ куы бахъӕуа, уӕд медицинон ӕххуыс бакӕной. Уый тыххӕй Sputnik радзырдта Ӕнӕниздзинад хъахъхъӕнынад ӕмӕ социалон райрӕзты министрады пресс-секретарь Битеты Ирина.

Фӕндагон бастдзинад Хуссар Ирыстон ӕмӕ Уӕрӕсейы хсӕн скуыста хуымӕтӕг режимы 15 сентябрӕй, уый размӕ уыд арӕнӕвӕрдтӕ, сӕ нымӕцы ӕнӕмӕнг дыууӕкъуырион карантин республикӕмӕ ӕрцӕуӕггӕгтӕн.

Уӕрӕсеимӕ арӕны баконды фӕдыл Югосетпотребнадзор фӕтыхджындӕр кодта профилактикон мадзӕлттӕ республикӕйы, медицинон уагдӕттӕ та рахызтысты рынчынты райсынмӕ цӕттӕдзинады режиммӕ.

"Хуссар Ирыстонмӕ ӕрцӕудзысты ӕртӕ специалисты Цӕгат Ирыстонӕй, цӕмӕй равдисой сӕ фӕлтӕрддзинад бынӕттон дохтыртӕн. Уыдон куыстой пандемийы рӕстӕджы ӕмӕ бацӕттӕ кодтой пациенттӕн хоскӕнынады алгоритмтӕ", - загъта Битеты Ирина.

Уӕрӕсейаг медиктӕ ӕрцӕудзысты республикӕмӕ майрӕмбоны, 18 сентябры.

Уӕрӕсеимӕ арӕны уылты хизыныл тобӕ сӕвӕрдтой 13 апрелы ӕмӕ йӕ уый фӕстӕ цалдӕр хатт адарддӕр кодтой – фӕстаг хатт августы кӕронмӕ. Республикӕмӕ ӕрцӕуӕггӕгтӕн уыд ӕнӕмӕнг дыууӕкъуырион карантин. Фӕстӕдӕр изоляцийӕ ссӕрибар кодтой коронавирусӕй уый размӕ чи фӕрынчын, уыдоны. Уый тыххӕй уыдон хъуамӕ радтой анализтӕ Цӕгат Ирыстоны ӕмӕ бавдисой уый фӕдыл справкӕтӕ.

9