Ӕвзонг техникты станц

Ирон инструменттӕ ӕмӕ архитектурӕ: Калаты Нариман ӕвзонг техникты станцы тыххӕй

7
Хуссар Ирыстоны ӕвзонг техникты станцмӕ скъоладзауты райдайдзысты исын сентябры

ЦХИНВАЛ, 21 авг - Sputnik, Хъуылымбегты Зӕлинӕ. Ӕвзонг техникты станцы директор Калаты Нариман радзырдта Sputnik ног ахуырадон азмӕ хъуыдытӕ ӕмӕ нывӕзтыты тыххӕй.

Абоны бон станцы ис 18 кружок, ӕрмадз ӕмӕ лабораторийы, фӕлӕ уыдонӕй дарддӕр уым фӕзындзӕн ноджы дыууӕ иугонды.

"Мах бадзырдтам Гаглойты Аланимӕ, кӕцы райста грант Машукы Фӕсивӕдон фестивалы ирон националон инструменттӕ аразыны фӕдыл ӕрмадзы проекты тыххӕй. Ӕввахс рӕстӕджы уый Гаглойты Зауыримӕ иумӕ райдайдзӕн ахуыр кӕнын скъоладзауты. Станцы сараздзысты ӕрмадз рагон ирон инструменттӕ аразыны фӕдыл", - загъта станцы директор.

Калаты Нариманы ныхӕстӕм гӕсгӕ, ацы ӕрмадз уыдзӕн цымыдисон ӕмӕ уникалон, ахуыр кӕндзӕн рӕзгӕ фӕлтӕры. Афтӕ ма ӕвзонг техникты станцы бакӕндзысты архитектурӕ ӕмӕ дизайны студитӕ.

"Фарон мах бадӕттам Культурӕйы министрадмӕ архитектурӕ ӕмӕ дизайны студийы фӕдыл проект. Ацы иугонд скусдзӕн ӕмбӕлон ифтоггарз балхӕнынӕн нын ӕхцайы фӕрӕзтӕ куы рахицӕн кӕной, уӕд", - банысан кодта уый.

Калаты Нариман бахахх кодта, коронавирусимӕ уавӕр кӕй бандӕвта станцы куыстыл.

"Карантин бахъыгдардта станцы куыст. Мах нал ацыдыстӕм хъӕутӕм мастер-класстӕм. Мах ацыдыстӕм ӕрмӕстдӕр Дзауы скъола-интернатмӕ, уый фӕстӕ нывӕндыстӕм ацӕуын Дменисы скъоламӕ, фӕлӕ нӕ пандеми нӕ бауагъта", - радзырдта директор.

Уый бафтыдта, коронавирусимӕ уавӕрмӕ ӕнӕкӕсгӕйӕ, мастер-класстӕ Хуссар Ирыстоны районтӕ ӕнӕмӕнг ацӕудзысты фӕстӕдӕр. Ныртӕккӕ фӕсивӕд зӕрдиагӕй ӕнхъӕлмӕ кӕсы ахуырадон азы райдайӕнмӕ.

"Ахуыр нын райдайдзӕн 15 сентябры, уӕдмӕ уал мах цӕттӕ кӕндзыстӕм бӕстыхӕйттӕ. Скъоладзаутӕ ныридӕгӕн ӕрбацӕуынц ӕмӕ бафӕрсынц, кӕд байгом уыдзыстӕм", - загъта Калаты Нариман.

Скъоладзауты райдайдзысты исын 1 сентябрӕй. Ног дӕсниад сахуыр кӕныны фадат ис 4-11 кълӕсты ахуыргӕнинӕгтӕн.

7
Хуссар Иры ссардзысты Зары трагедийы амӕттӕгты рухс нӕмттӕ

Хуссар Иры ссардзысты Зары трагедийы амӕттӕгты рухс нӕмттӕ

1
(ранӕуӕггонд 15:30 17.05.2021)
Фыдохы мадзӕлттӕ ацӕудзысты 29 азы размӕ ӕвирхъау трагеди кӕм ӕрцыд, уыцы бынаты цур

ЦХИНВАЛ, 17 мая – Sputnik, Хъуылымбегты Азӕмӕт. Хуссар Ирыстоны цыппӕрӕмы, 20 майы, ацӕудзӕн фыдохы акци, кӕцы нывонд у Зары трагедийы амӕттӕгты мысӕнӕн, фехъусын кодтой Sputnik культурӕйы министрады пресс-службӕйы.

Зары трагеди нымад æрцыд Хуссар Ирыстоны ног историйы иууыл æгъатырдæртæй сæ иуыл, йæ амæттаг баисты 36 адæймаджы, 12 райстой цæфтæ. Фæмардуæвджытæй иууыл кæстæр уыд 11-аздзыд сывæллон, иууыл хистæрыл та цыд 76 азы.

"Ацы бон Зары хъӕумӕ бахизӕны ацӕудзӕн мысӕн акци "Зажги свечу в память о погибших! В душе зажги и никогда не задувай!". 12.03 сахатыл республикӕйы расидтдзысты Ӕппӕтнацион ӕдзӕмӕй алӕугӕйӕ уысм", - фехъусын кодтой культурӕйы министрады.

Фыдохы датӕмӕ паддзахадон телеуыныннад бацӕттӕ кодта тематикон алӕвӕрдты сери Цхинвалы цӕрджыты мысинӕгтимӕ ацы боны фӕдыл.

1
Хуссар Ирыстоны паддзахадон драмон театр

Ӕрхонгӕ режиссер Цхинвалы бавдисдзӕн комеди "Дон Жуан"

15
(ранӕуӕггонд 16:52 17.05.2021)
Спектакль Дон Жуан"-ы фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ

ЦХИНВАЛ, 17 май — Sputnik, Плиты Фатимæ. Хуссар Ирыстоны паддзахадон драмон театр сцӕттӕ кодта спектакль "Дон Жуан" рауадзынмӕ. Дыгуры театры сӕйраг режиссер Джелиты Хъазыбеджы бакастӕй комеди уыдзӕн драмӕйы ӕууӕлтимӕ, фехъусын кодтой Sputnik ПДТ пресс-службӕйы.

Уагдоны банысан кодтой, къорд кӕй архайы, цӕмӕй къуырийы кӕрон спектакль бавдисой аивадон советӕн.

"Ӕвзонг курдиатджын режиссер Джелиты Хъазыбегӕн ис ӕндӕрхуызон бакаст Мольеры комедимӕ, уый у психологон драмӕ, алкӕцы  адӕймаг дӕр арф ахъуыды кӕндзӕн ӕмӕ фӕхуддзӕн йӕхи ӕппӕрццаг миниуджытыл. Репетицитӕ цӕуынц бон дыууӕ хатты", - загътой пресс-службӕйы.

Уым ма бафтыдтой, спектакль "Дон Жуан"-ӕн кӕй бацӕттӕ кодтой диссаджы дарӕс ӕмӕ декорацитӕ.

"Тынг ӕхсызгон нын у ацы премьерӕйы тыххӕй фехъусын кӕнын. Сӕйраг фӕлгонц ӕххӕст кӕны Мамиты Григорий, уый ралӕууыд Дон Жуанӕй, йе 'ххуырсты фӕлгонц та ӕххӕст кӕны Гаглойты Эдуард. Спектаклы ма архайынц адӕмон артист Тъехты Уасил, сгуыхт артисттӕ Уанеты Эдуард, Гаглойты Артур, Хуыгаты Альбина, Натия Чохели ӕмӕ Хаситы Сослан", - бафтыдта уый.

Ацы спектаклы ма фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ.

 

15