Мӕскуыйы сарӕзтой Хуссар Иры паддзахадон хорзӕхты кавалерты клуб

Мӕскуыйы сарӕзтой Хуссар Иры паддзахадон хорзӕхты кавалерты клуб

16
(ранӕуӕггонд 12:09 24.08.2020)
Уӕрӕсейы ис цалдӕр сӕдӕ адӕймаджы, кӕцытӕ хорзӕхджын ӕрцыдысты Хуссар Ирыстоны паддзахадон хорзӕхтӕй

ЦХИНВАЛ, 24 авг - Sputnik. Мӕскуыйы сарӕзтой ӕппӕтуӕрӕсейон ӕхсӕнаон организаци "Хуссар Ирыстоны паддзахадон хорзӕхты кавалерты клуб" республикӕйы хӕдбардзинады банымады 12-ӕм афӕдзы боны размӕ. Клуб сарӕзтой Хуссар Ирыстоны Фӕсарӕйнаг хъуыддӕгты министрады (ФХМ) ӕддагполитикон бастдзинӕдты хайады ӕмархайдӕй республикӕ ӕмӕ УФ ӕмбӕстӕгты фембӕлды рӕстӕджы ивгъуыд майрӕмбоны.

ФХМ пресс-службӕ куыд хъусын кӕны, афтӕмӕй клубы сӕрдарӕй равзӕрстой Уӕрӕсейы Хъайтар, Хуссар Ирыстоны уӕлдӕр ӕфсӕддон хорзӕх "Уацамонгӕйы Ордены" кавалер Константин Тимерманы. Клубы ӕмсӕрдар ссис республикӕйы "Кады" ӕмӕ "Хӕларады" орденты кавалер Виктор Бунин.

Клубы кадджын сӕрдар ссис Хуссар Ирыстон ӕмӕ Уӕрӕсейы Адӕмон артист, "Хӕларады Ордены" кавалер Александр Панкратов-Черный.

"Ӕрӕмбырдуӕвджытӕ банысан кодтой, сӕрыстыр кӕй сты Республикӕ Хуссар Ирыстоны ордентӕ ӕмӕ майдантӕй хорзӕхджын кӕй ӕрцыдысты, уымӕй. Уыдон цӕттӕ сты ӕрбаиу кӕнын сӕ тыхтӕ республикӕйы къухдариуӕгад ӕмӕ адӕмӕн баххуыс кӕнынӕн", - бафтыдтой уагдоны.

Ӕмбырды хайадисджытӕ аскъуыддзаг кодтой клубы рабадтытӕй иу ауадзын Хуссар Ирыстоны столицӕ Цхинвалы.

Уӕрӕсейы ис цалдӕр сӕдӕ адӕймаджы, кӕцытӕ хорзӕхджын ӕрцыдысты Хуссар Ирыстоны хорзӕхтӕй.

16
Цхинвал

Бибылты Анатолий раарфӕ кодта Хуссар Иры банкон фадыджы кусджытӕн

1
(ранӕуӕггонд 14:36 02.12.2020)
Бузныг уын стыр профессионализм ӕмӕ уӕ куыстӕн иузӕрдыгдзинады тыххӕй, банысан икодта президент йӕ арфӕйы банкон фадыджы кусджытӕн

ЦХИНВАЛ, 2 дек — Sputnik. Хуссар Ирыстоны банкон фадыджы кусынц бӕрзонд квалификациимӕ специалисттӕ. Уыдон иудадзыг хуыздӕр кӕнынц сӕ профессионализм. Уый тыххӕй дзырдӕуы Бибылты Анатолийы арфӕйы телы банкон фадыджы кусджытӕн, кӕцытӕ абон нысан кӕнынц сӕ профессионалон бӕрӕгбон.

Бибылты Анатолий фидарӕй загъта, банкон кусджытӕ дарддӕр дӕр алцыдӕр кӕй араздзысты къабазы райрӕзтӕн, ӕнтыстджынӕй ӕххӕст кӕндзысты сӕ хӕслӕвӕрдтӕ.

Паддзахады сӕргълӕууӕджы цӕст бауарзта банкон фадыджы специалисттӕн фидар ӕнӕниздзинад, амонд ӕмӕ ног ӕнтыстытӕ сӕ Фыдыбӕстӕйы хӕрзӕбонӕн.

1
Коронавирус

Хуссар Иры сбӕрӕг кодтой коронавирусӕй 27 ног рынчыны

1
(ранӕуӕггонд 14:27 02.12.2020)
Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты

ЦХИНВАЛ, 27 ноя - Sputnik, Хъуылымбегты Зӕлинӕ. Хуссар Ирыстоны иу суткӕмӕ  сбӕрӕг кодтой 27 рынчыны коронавирусон инфекцийӕ, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы сарӕзтам 155 иртӕсты COVID-19-ы фӕдыл, уыдонӕй 27 радтой ӕвӕрццаг фӕстиуӕг", - загъта Гаглойты Анна.

Гаглойты Аннайы ныхӕстӕм гӕсгӕ, медикты хъусдарды бын республикӕйы медицинон уагдӕтты ис 1061 адӕймаджы.

"Ивгъуыд суткӕйы медикты хъусдардӕй систой 30 пациенты", - бафтыдта уый.

Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

1