Коронавирус

Санитарон уагдон фехъусын кодта улӕфт бонты тестты фӕстиуджытӕ коронавирусы фӕдыл

13
(ранӕуӕггонд 13:57 24.08.2020)
Югосетпотребнадзоры лабораторийы цы басгӕрсттӕ ауагътой ивгъуыд улӕфт бонты, уыдон иууылдӕр радтой ӕппӕрццаг фӕстиуджытӕ

ЦХИНВАЛ, 24 авг - Sputnik, Козаты Диана. Хуссар Ирыстоны ивгъуыд улӕфт бонты нӕ рабӕрӕг кодтой коронавирусӕй ног рынчынты, фехъусын кодта Югосетпотребнадзоры сӕргълӕууӕджы хӕдивӕг Гаглойты Анна.

Коронавирусӕй фӕстаг рынчынты рабӕрӕг кодтой иу мӕйӕ фылдӕры размӕ. Пандемийы рӕстӕджы Хуссар Ирыстоны сбӕрӕг кодтой коронавирусӕй 89 фӕрынчынуӕвӕджы, уыдон иууылдӕр сӕнӕниз сты.

"Улӕфт бонты ауагътам 65 тесты. Уыдон иууылдӕр радтой ӕппӕрццаг фӕстиуджытӕ", - загъта Гаглойты Анна.

Дохтырты хъусдарды бын карантины сты 241 адӕймаджы, сӕ нымӕцы 23 аразӕджы, кӕцыты уый размӕ фӕхуыдтой республикӕмӕ.

Югосетпотребнадзоры лабораторийы пандемийы рӕстӕджы сарӕзтой 4500 тесты.

Хуссар Ирыстоны коронавирусӕй ног рынчынты нӕ бӕрӕг кӕнынц 16 июлӕй фӕстӕмӕ. Фӕстаг рынчыны рафыстой инфекцион хайадӕй 10 августы.

Хуссар Ирыстоны дарддӕр ис ӕнӕмӕнг карантин ӕрцӕуӕггӕгтӕн. Изоляцийӕ ссӕрибар кодтой коронавирусӕй уый размӕ чи фӕрынчын, уыдоны. Уый тыххӕй уыдон хъуамӕ радтой анализтӕ Цӕгат Ирыстоны ӕмӕ бавдисой уый фӕдыл справкӕтӕ.

13
Хуссар Ир ӕмӕ Гуырдзыйы хсӕн арӕн

ПӔК радзырдтой, цал адӕймаджы фехӕлдтой Хуссар Иры арӕн декабры

5
(ранӕуӕггонд 16:28 15.01.2021)
Алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл бакондӕуыд уголовон хъуыддӕгтӕ, бафыстӕуыд ивартӕ, арӕнхалджыты иу къорды та феддӕдуар кодтой республикӕйӕ, банысан кодтой спецслужбӕйы

ЦХИНВАЛ, 15 янв – Sputnik, Козаты Диана. Арӕнхъахъхъӕнджытӕ ивгъуыд азы декабры ӕрурӕдтой Хуссар Ирыстоны паддзахадон арӕны 28 фехалӕджы, хъусын кӕӕы майрӕмбоны Паддзахадон ӕдасдзинады комитеты пресс-службӕ.

Мӕй раздӕр дӕр арӕнсӕтджыты ӕмӕ арӕны режим фехалджыты нымӕц уыд 28.

"Декабры цы фӕткхалджыты ӕрурӕдтой, уыдонӕй дӕс фехӕлдтой паддзахадон арӕӕы режим, 18 та – арӕнгӕрон режим. Комитеты арӕнгӕрон службӕ алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл цыппар адӕймаджы ныхмӕ бакондӕуыд уголовон хъуыддӕгтӕ, 22 бафыстой ивартӕ, дыууӕйы та феддӕдуар кодтой республикӕйӕ", - банысан кодтой спецслужбӕйы.

ПӔК ма банысан кодтой, Хуссар Ир ӕмӕ Гуырдзыстоны хсӕн уадзӕн пункттӕ дӕр нырма кӕй сты ӕхгӕд Хелчуайы уӕвӕг пунктӕй дарддӕр.

5
кран

Сгарӕм ӕй алы бон дӕр: Цхинвалы мэрия нуазыны доны гъӕды тыххӕй

1
(ранӕуӕггонд 13:24 15.01.2021)
Дӕргъвӕтин къӕвдаты тыххӕй столицӕйы дон рацыд змӕстӕй, фӕлӕ горӕттаг администрацийы куыд фехъусын кодтой, афтӕмӕй йын йӕ гъӕд сгарынц ӕрвылбон дӕр

ЦХИНВАЛ, 15 янв – Sputnik, Козаты Диана. Нуазыны доны гъӕд горӕты резервуарты у ӕмбӕлон, къӕвда бонтӕм ӕнӕкӕсгӕйӕ, загътой Sputnik Цхинвалы мэрияйы  пресс-службӕйы.

Хуссар Ирыстоны цалдӕр бон цары къӕвда. Синопртикты бӕрӕггӕнӕнтӕм гӕсгӕ, улӕфт бонты ӕмӕ иннӕ къуырийы фыццаг ӕмбисы та уардзӕн мит. Столицӕйы администрацийы, "Водоканал"-ы информацийыл ӕнцойгӕнгӕйӕ, банысан кодтой, ӕвзӕр боныгъӕд бирӕ кӕй ницы бандӕвта доны гъӕдыл.

"Цалдӕр боны размӕ дон цыд змӕстӕй. Специалисттӕ дзы систой пробӕтӕ, доны гъӕд у стабилон. Нормӕйы фӕлгӕтты. Уымӕ ӕнӕкӕсгӕйӕ йӕ "Водоканал" баскары ӕрвылбон дӕр", - радзырдтой мэрияйы.

Уым ма банысан кодтой, зӕгъгӕ, кӕд доны гъӕ афтӕ февзр уа, ӕмӕ мауал бӕзза пайда кӕнынӕн, уӕд уайтагъд бафӕдзӕхсдзысты цӕрджыты.

1