Танкон биатлон

Нырма дыккӕгтӕ: Хуссар Иры танкисттӕ хайад исынц "АрМИ-2020"-ы

13
(ранӕуӕггонд 13:58 24.08.2020)
Къуырисӕры, 24 августы, ӕхсӕнадӕмон ӕфсӕддон хъӕзтыты "Танкон биатлон"-ы фӕлгӕтты уагъд цӕуынц дыккаг дивизионы дугътӕ, кӕцыты хайад исы Хуссар Ирыстоны командӕ

ЦХИНВАЛ, 24 авг - Sputnik. Хуссар Ирыстоны танкистты командӕ бацахста дыккаг бынат "Сӕрмагонд дугъты" категорийы АрМИ-2020-ы "Танкон биатлон" конкурсы. Ерысты видео трансляци цӕуы телеканал "Звезда"-йы комкоммӕ эфиры.

Команда Минобороны РЮО на Танковом биатлоне
"Танкон биатлон"

Къуырисӕры, 24 августы, ерысты фӕлгӕтты Алабино полигоныл уагъд цӕуынц дыккаг дивизионы дыууӕ дугъы. Хуссар Ирыстоны командӕ хайад исы дугъты Мьянма, Вьетнам ӕмӕ Катары командӕтимӕ. Ерысты фыццаг бон хуссарирыстойнаг командӕ йӕ фӕстӕ ныууагъта Мьянма ӕмӕ Катары танкистты, уыдон фембылд сты ӕрмӕстдӕр экипажӕн Вьетнамӕй.

Ерыстӕ уагъд цӕудзысты 30 августы онг. Фыццӕгӕм ӕмӕ дыккӕгӕм сентябры ацӕудзысты ӕрдӕгфиналон эстафетӕтӕ, кӕцыты рӕстӕджы сбӕрӕг кӕндзысты фӕйнӕ цыппар иууыл хуыздӕр командӕйы алкӕцы дивизионы дӕр. Дыккаг дивизионы финалон эстафетӕ ацӕудзӕн 4 сентябры.

13
Теннис

Хуссарирыстойнаг теннисисттæ хайад исынц Уæрæсейы чемпионаты сахъатты хсæн

2
(ранӕуӕггонд 15:10 28.09.2020)
Арæнæвæрд уавæртимæ спортсменты хсæн уæлыстол теннисæй ерыстæ уагъд цæуынц 25-æй 30-æм сентябрьмæ Чебоксарты

ЦХИНВАЛ, 28 сен - Sputnik. Хуссар Ирыстоны минæвæрттæ хайад исынц Уæрæсейы чемпионаты уæлыстол столы теннисæй, кæцы уагъд цæуы арæнæвæрд уавæртимæ спорсменты хсæн. Ерыстæ райдыдтой Чебоксарты 25 сентябры æмæ адарддæр уыдзысты 30 сентябры онг, хъусын кæны РХИ фæсивæдон политикæ æмæ спорты комитеты пресс-службæ.

Хуссар Иры уæлыстол теннисы федерацийы сæргълæууæг Джиоты Мириан куыд радзырдта, афтæмæй ерысты хайад исынц Куыдзеты Игорь æмæ Козаты Олег.

"Куыдзеты Игорь у фæлтæрдджын спортсмен æмæ хауы йæ классы уæрæсейы 15 хуыздæр теннисистты номхыгъды. Козаты Олег та фыццаг хатт архайы Уæрæсейы чемпионаты. Уый у ерысты иууыл æвзонгдæр спортсмен, цæуы йыл æрмæстдæр 14 азы", - загъта тренер.

Уый бафтыдта, зæгъгæ, йæ кармæ æнæкæсгæйæ, Козаты лæппу хъазы Уæрæсейы хуыздæр теннисисты æмрæнхъ. Олег, йæ къухдариуæггæнæджы ныхæстæм гæсгæ, тынг фæцыд Уæрæсейы æмбырдгонды эксперттæ æмæ тренерты зæрдæмæ.

2
Цхинвал

Хуссар Иры ивгъуыд къуырийы авариты бахъыгдард сты ӕртӕ адӕймаджы

3
(ранӕуӕггонд 15:08 28.09.2020)
Барадхъахъхъӕнӕг органты кусджытӕ радзырдтой ивгъуыд къуырийы республикӕйы фӕндӕгтыл уавӕры тыххӕй

ЦХИНВАЛ, 28 сен - Sputnik. Хуссар Ирыстоны ивгъуыд къуырийы ӕрцыд ӕрӕ фӕндагон-транспортон цауы, уыдон фӕстиуӕгӕн ӕртӕ адӕймаджы бахаудтой республикӕйы бирӕпрофилон медцентрмӕ алыгъуызон цӕфтимӕ. Уый тыххӕй къуырисӕры хъусын кӕны республикӕйы МХМ пресс-службӕ.

Хуссар Ирыстоны фӕндӕгтыл 21-28 сентябры ӕдӕппӕт банысан кодтой фӕндагон змӕлды 187 фӕткхӕлды. Се хсӕн разынд аст шофыры, кӕцытӕ хӕдтулгӕтӕ скъӕрдтой нозтджынӕй.

Ивгъуыд къуыри барадхъахъхъӕнӕг органты кусджытӕ нӕ рабӕрӕг кодтой фыдракӕндтӕ, ӕрмӕст иу адӕймаджы ӕрурӕдта Цхинвалы районы милици ӕхсӕнадон фӕтк фехалыны тыххӕй.

3