ЦХИНВАЛ, 24 авг — Sputnik, Плиты Фатимӕ. Хуссар Ирыстоны Знауыры районы хӕдзарад "Беко" ратдзӕн бынӕттон базармӕ харбызы тыллӕг августы кӕрон.
Фирмӕ "Беко" йæ быдыртæй хъавыд æркæнын 20-30 тонны гагадыргъ, фæлæ йæ фæндтæ чысыл фæкъуылымпы сты.
"Ӕртӕ хатты ӕрластон Цхинвалы чысыл базармӕ мӕ гагадыргътӕ ацы аз. Нырма уыдаид сӕ тӕккӕ тыллӕгхӕсӕн рӕстӕг, фӕлӕ мын цӕхӕрадонмӕ батыдтой фос ӕмӕ фесӕфтой тыллӕг - 2 тоннӕйы бӕрц харбыз ӕнӕхъуаджы фӕцис. Ныр цадӕггай ӕндидзынц ӕмӕ августы кӕрон ног тыллӕг хъуамӕ ʻрласон горӕтмӕ", - загъта амалиуӕггӕнӕг Бекъойты Гела.
Бекъойты Гела йӕ амалиуӕгадӕн бындур ӕрӕвӕрдта цыппар азы размӕ, уый Сыбырӕй йӕ райгуырӕн бӕстӕмӕ ӕрыздӕхт ӕмӕ срӕвдз кодта харбыз зайыны куыст. Ацы аз ныссагъта къаддӕр быдыртæ - коронавирусы апарахат ма рауадзыны охыл тобӕтӕ фадат нӕ радтой фаг тауинаг æрласынæн.
