Хуссар Иры Гуырдзыстоны ӕмбӕстагӕн стӕрхон кодтой ӕртӕ мӕйы ахӕст

Хуссар Иры Гуырдзыстоны ӕмбӕстагӕн стӕрхон кодтой ӕртӕ мӕйы ахӕст

17
(ранӕуӕггонд 09:20 25.08.2020)
Уӕлдӕр тӕрхондоны радзырдтой, нӕлгоймаг кӕй басаст йӕ фыдракӕндыл ӕмӕ тӕрхондонӕн дӕр загъта бузныг хъуыддагмӕ объективон ӕркасты тыххӕй

ЦХИНВАЛ, 24 авг – Sputnik, Козаты Диана. Цхинвалы районон тӕрхондон рахаста зылыны тӕрхон Гуырдзыстоны ӕмбӕстаг Хвица Мгебришвилийӕн. Уымӕ ӕнхъӕлмӕ кӕсы ӕртӕ мӕйы ахӕст Хуссар Ирыстоны паддзахадон арӕн фехалыны тыххӕй, фехъусын кодтой Sputnik Уӕлдӕр тӕрхондоны пресс-службӕйы.

Мгебришвилийы ӕрурӕдтой 3 июлы Хуссар Ирыстоны Цхинвалы районы Адзысӕры хъӕуы цур. Фӕстӕдӕр уый банысан кодта, арӕн кӕй фехӕлдта хӕлынбыттырты колонитӕ ссарыны тыххӕй, кӕцытӕ сты Цхинвалы районы Гром ӕмӕ Арцеуы хъӕуты цур. Хуссар Ирыстоны Паддзахадон ӕдасдзинады комитет (ПӔК) фехъусын кодта, Мгебришвили кӕй фӕнд кодта ауӕй кӕнын хӕлынбыттырты къуыбӕрттӕ Гуырдзыстоны территорийыл.

"Цхинвалы районон тӕрхондон цауы фӕдыл хъуыддаг бакодта 21 августы. Хъуыддагмӕ ӕркастысты сӕрмагонд фӕткмӕ гӕсгӕ", - радзырдтой уӕлдӕр тӕрхондоны пресс-службӕйы.

Уӕлдӕр тӕрхондоны радзырдтой, нӕлгоймаг кӕй басаст йӕ фыдракӕндыл.

"Мгебришвилийы банымадтой азымджыныл Хуссар Ирыстоны паддзахадон арӕн фехалыны. Нӕлгоймагӕн стӕрхон кодтой ӕртӕ мӕйы ахӕст", - фехъусын кодтой пресс-службӕйы.

Рабадты кӕрон нӕлгоймаг загъта бузныг тӕрхондонӕн хъуыддагмӕ объективон ӕркасты тыххӕй.

17
Цхинвал

Бибылты Анатолий раарфӕ кодта Хуссар Иры банкон фадыджы кусджытӕн

0
(ранӕуӕггонд 14:36 02.12.2020)
Бузныг уын стыр профессионализм ӕмӕ уӕ куыстӕн иузӕрдыгдзинады тыххӕй, банысан икодта президент йӕ арфӕйы банкон фадыджы кусджытӕн

ЦХИНВАЛ, 2 дек — Sputnik. Хуссар Ирыстоны банкон фадыджы кусынц бӕрзонд квалификациимӕ специалисттӕ. Уыдон иудадзыг хуыздӕр кӕнынц сӕ профессионализм. Уый тыххӕй дзырдӕуы Бибылты Анатолийы арфӕйы телы банкон фадыджы кусджытӕн, кӕцытӕ абон нысан кӕнынц сӕ профессионалон бӕрӕгбон.

Бибылты Анатолий фидарӕй загъта, банкон кусджытӕ дарддӕр дӕр алцыдӕр кӕй араздзысты къабазы райрӕзтӕн, ӕнтыстджынӕй ӕххӕст кӕндзысты сӕ хӕслӕвӕрдтӕ.

Паддзахады сӕргълӕууӕджы цӕст бауарзта банкон фадыджы специалисттӕн фидар ӕнӕниздзинад, амонд ӕмӕ ног ӕнтыстытӕ сӕ Фыдыбӕстӕйы хӕрзӕбонӕн.

0
Коронавирус

Хуссар Иры сбӕрӕг кодтой коронавирусӕй 27 ног рынчыны

1
(ранӕуӕггонд 14:27 02.12.2020)
Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты

ЦХИНВАЛ, 27 ноя - Sputnik, Хъуылымбегты Зӕлинӕ. Хуссар Ирыстоны иу суткӕмӕ  сбӕрӕг кодтой 27 рынчыны коронавирусон инфекцийӕ, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы сарӕзтам 155 иртӕсты COVID-19-ы фӕдыл, уыдонӕй 27 радтой ӕвӕрццаг фӕстиуӕг", - загъта Гаглойты Анна.

Гаглойты Аннайы ныхӕстӕм гӕсгӕ, медикты хъусдарды бын республикӕйы медицинон уагдӕтты ис 1061 адӕймаджы.

"Ивгъуыд суткӕйы медикты хъусдардӕй систой 30 пациенты", - бафтыдта уый.

Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

1