Макаровы пистолет

МХМ хистӕры амарын бафӕлварыны цауы басгӕрсты рӕстӕджы ссардтой хӕцӕнгарз ӕмӕ наркотиктӕ

25
(ранӕуӕггонд 10:56 25.08.2020)
Министры хӕдтулгӕ фехстой 17 августы 8 июны уынгыл. Йӕхӕдӕг уыд хӕдтулгӕйы, фӕлӕ нӕ бахъыгдард

ЦХИНВАЛ, 25 авг – Sputnik, Козаты Диана. Хуссар Ирыстоны Мидхъуыддӕгты министрады (МХМ) сӕргълӕууӕджы фехсыны цауы фӕдыл фӕдагуырды рӕстӕджы оперативон кусджытӕ ссардтой хӕцӕнгӕрзтӕ ӕмӕ нӕмгуытӕ, афтӕ ма наркотикты егъау бӕрцуат, хъусын кӕны Генералон прокуратурӕйы пресс-службӕ.

Министры хӕдтулгӕ фехстой 17 августы 8 июны уынгыл. Йӕхӕдӕг уыд хӕдтулгӕйы, фӕлӕ нӕ бахъыгдард.

Генералон прокуратурӕйы фехъусын кодтой, фӕдагуырды хайад МХМ ӕмӕ Паддзахадон ӕдасдзинады комитеты (ПӔК) оперативон службӕтимӕ иумӕ дарддӕр кӕй ӕххӕст кӕны оперативон-сгарӕн мадзӕлттӕ уголовон хъуыддаджы фӕдыл.

"Оперативон-сгарӕн мадзӕлтты фӕлгӕтты ссардтой хӕцӕнгарзы дӕс иуӕджы, сӕ нымӕцы автоматикон дӕр, алыгъуызон калибры ӕртӕ мин нӕмыджы, афтӕ ма цалдӕр рӕмудзӕн ӕрмӕджы", - радзырдтой Генпрокуратурӕйы пресс-службӕйы.

Уымӕй дарддӕр, оперативон кусджытӕ басгӕрсты рӕстӕджы ссардтой наркотикон буарадты егъау бӕрцуат ӕмӕ сбӕрӕг кодтой наркотикон буарадтимӕ зайӕгойтӕ зайын кӕныны цаутӕ.

Цалдӕр адӕймаджы ӕрбакодтой барадхъахъхъӕнӕг органтӕм, уыдонимӕ уагъд цӕуынц ӕмбӕлон процессуалон мадзӕлттӕ.

25
РХИ парламент

Парти "Иугонд Ирыстон"-ы депутат фехъусын кодта фракцийӕ рахизыны тыххӕй

3
(ранӕуӕггонд 15:35 18.09.2020)
Ӕртыккаг ӕвзарӕн зылдӕй депутат банысан кодта, дарддӕр кӕй кусдзӕн парламенты ӕмӕ нӕ нывӕнды бахизын никӕцы парламентон фракцимӕ

ЦХИНВАЛ, 18 сен - Sputnik. Хуссар Ирыстоны парламенты депутат Мулдарты Гарри фехъусын кодта парти "Игонд Ирыстоны"-ы фракцийӕ кӕй рахызт, уый тыххӕй. Депутаты куырдиаты текст ныммыхуыр кодтой закондӕттӕг органы официалон сайтыл.

Мулдарты Гарри куыд банысан кодта, афтӕмӕй йӕ скъуыддзаджы аххоссаг уыд уый, ӕмӕ нӕ сӕххӕст кодтой Хуссар Ирыстоны парламенты депутатты фылдӕр хайы домӕн генпрокурор Дзӕгъиаты Уырызмӕджы отставкӕйы фӕдыл.

"Мӕ хъуыдымӕ гӕсгӕ, Дзӕгъиаты Уырызмӕг РХИ генералон прокуроры бынаты куы куса, уӕд уый хъыгдардзӕн объективон фӕдагуырд Дзабиты Иналы мӕлӕты фӕдыл, афтӕ ма ӕххӕст нӕ цӕудзысты нӕ паддзахад ӕмӕ ӕхсӕнады законон интерестӕ", – фехъусын кодта депутат.

Ӕртыккаг ӕвзарӕн зылдӕй депутат бафтыдта, зӕгъгӕ, дарддӕр кусдзӕн парламенты ӕмӕ нӕ нывӕнды бахизын никӕцы парламентон фракцимӕ.

Дзабиты Иналы мæлæт æхсæнады сæвзæрын кодта стыр резонанс. Йæ фæстæ Цхинвалы ацыд митингтæ, адæм домдтой, цæмæй йæ бынатæй сæрибар æрцæуа Генералон прокурор Дзæгъиаты Уырызмæг æмæ æфхæрд æрцæуой азымджынтæ. Фæстæдæр уагдон фехъусын кодта, ацы хъуыддаджы зæрдæхсайгæ адæм - криминалон милицийы аст кусæджы - рæстæгмæ æрцахстой.

3
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы Хъорсеуы хъӕумӕ цалцӕг кӕнынц фӕндаг

8
(ранӕуӕггонд 14:22 18.09.2020)
Афтӕ ма цалцӕг кӕнынц фӕндаг, кӕцы цӕуы Хъорсеуы Дзуармӕ. Ныртӕккӕ фӕндӕгтӕ уӕрӕх кӕнынц, фӕстӕдӕр дзы ныккалдзысты хуыр

ЦХИНВАЛ, 18 сен — Sputnik, Хъуылымбегты Азӕмӕт. Дзауы районы Хъорсеуы хъӕумӕ фӕндаг нӕ цалцӕг кодтой цалдӕр азы. Ныридӕгӕн цалдӕр боны Дзауы районы Цӕрӕнуатон-коммуналон хӕдзарады (ЦКХ) кусджытӕ цалцӕг кӕнынц фӕндаг. Уыдон уӕрӕх кӕнынц фӕндаг ӕмӕ дзы калынц хуыр, фехъусын кодтой Sputnik Дзауы районы администрацийы пресс-службӕйы.

В селе Хъорсеу Дзауского района ремонтируют дорогу
Пресс-служба администрации Дзауского района
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы ЦКХ хистӕр Цхуырбаты Тамерланы ныхӕстӕм гӕсгӕ, цалцӕг кӕнынц Хъорсеуы Дзуармӕ фӕндаг дӕр, кӕцы ис кӕлӕтдзаг уавӕры.

Амӕй размӕ Дзауы районы администрацийы сӕргълӕууӕг Джиоты Андрей радзырдта районы фӕндӕгты цалцӕггӕнӕн куыстыты тыххӕй.

8