Дзауы районы хистæрæн снысан кодтой ног хæдивæджы

Дзауы районы хистæрæн снысан кодтой ног хæдивæджы

15
(ранӕуӕггонд 16:19 25.08.2020)
Ног хæдивæджы хицауадæн базонгæ кодта районы администрацийы сæрдар Джиоты Андрей

ЦХИНВАЛ, 25 авг – Sputnik. Дзауы районы администрацийы хистæры хæдивæгæй нысан æрцыд Хъотайты Сæрмæт, уынаффæ хаст æрцыд хицауады рабадтыл дыццæджы.

Хицауады пресс-службæйы хъусинагмæ гæсгæ Хъотайты Сæрмæты ацы бынатмæ бавдыста районы администрацийы сæрдар Джиоты Андрей.

Премьер-министр Пухаты Эрик ын раарфæ кодта ног куысты бынаты фæдыл.

"Ды кæндзынæ бæрнон куыст. Ӕз хъуыды кæнын, Дæ профессионалон потенцал æппæт гуырахстæй райхалдзынæ æмæ пайда æрхæсдзынæ районæн", - загъта уый.

Цыбыр биографион справкæ

Хъотайты Сæрмæт каст фæцис спорт æмæ физикон культурæйы Санкт-Петербурджы паддзахадон университет 2008 азы дæсныйад "Экономика и управление на предприятии".

Дзауы районы хистæры хæдивæгæй нысан æрцыд Уалыты Виталий
Пресс-служба Администрации Дзауского района

Уый фæстæ ахуыр адарддæр кодта УФ президенты цур паддзахадон службæйы академийы, стæй ма рацыд квалификаци фæбæрзонддæр кæныны курсытæ программæ "Система внешнего финансового контроля и организации деятельности контрольно-счетного органа"-мæ гæсгæ.

2008 азы сентябрæй куыста паддзахадон хъусдард æмæ экономикон æдасдзинады комитеты, уыцы аз ссис республикæйы æндидзын кæныны проекттæ реализаци кæныны комитеты хистæр, уым æндæр æмæ æндæр бынæтты куыста 2011 азы онг.

2013 азæй фæстæмæ куыста Ӕхсæнадон-хæрзаудæн фонд "Фыранк"-ы.

15
Хуссар Ир нысан кӕны Паддзахадон тырысайы бон

Хуссар Ир нысан кӕны Паддзахадон тырысайы бон

3
(ранӕуӕггонд 10:16 18.09.2020)
Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы

ЦХИНВАЛ, 19 сен — Sputnik, Плиты Фатимæ. Хуссар Ирыстоны сабаты, 19 сентябры, нысан кӕнынц Паддзахадон тырысайы бон. Бӕрӕгбонӕн бындур ӕвӕрд ӕрцыд 31 азы размӕ.

Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы.

"Развæлгъау столицæйы административон бæстыхæйтты сфæлыстой паддзахаон тырысатæй. Къуырийы кæрон Хуссар Ирыстон нысан кæны дыууæ бæрæгбон – Тырысайы бон æмæ Республикæ расидыны бон, дыууæ нысаниуæгджын датæйы цытæн Цхинвалы бакодтой ног баннертæ æмбæлон тематикæйыл", - загъта Sputnik культурæйы министрады кусæг Остъаты Мæдинæ.

Уый ма банысан кодта, æхсæнады цытджын рабадт "Прописано в сердце Осетии" аргъæвтой 18-æм сентябрæй 20-мæ.

Паддзахадон тырысайы бон Хуссар Ирыстоны фыццаг хатт банысан кодтой 2013 азы, фæлæ националон символ ссис 1989 азæй фæстæмæ. 1990 азы ноябры республикæйы парламент сфидар кодта ирон триколор, куыд паддзахаддзинады символ.

Ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбатырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

3
Транскам

Фылдӕр адӕм фылдӕр рейстӕ: куыд фӕивта Цхинвалӕй Дзӕуджыхъӕумӕ автобусты график

4
(ранӕуӕггонд 15:18 18.09.2020)
Ӕхсӕнадон транспорт цӕуы уадзӕн пункт "Дӕллаг Зӕрӕмӕг"-ы уылты ӕнӕ зындзинӕдтӕй, уый фӕдыл дзы бирӕ адӕм пайда кӕнынц Уӕрӕсемӕ ацӕуынӕн

ЦХИНВАЛ, 18 сен — Sputnik, Гӕбӕраты Элина. Цхинвалӕй Дзӕуджыхъӕумӕ рейсон автобусты нымӕц фӕфылдӕр Уӕрӕсеимӕ паддзахадон арӕны баконды фӕстӕ, фехъусын кодта Sputnik Хуссар Ирыстоны автомобилон транспорты хайады сӕргълӕууӕг Дудайты Альберт.

Хуссар Ирыстон ӕмӕ Уӕрӕсе систой арӕны сӕрты хизыныл тобӕ дыццӕджы, 15 сентябры. Арӕн уыд ӕхгӕд фондз мӕйы дӕргъы, ныр уадзӕн пункт "Дӕллаг Зӕрӕмӕг"-ы ӕрмӕбырд сты километрон радтӕ.

Уыимӕ иумӕ, республикӕйӕ автобустӕ хизынц уадзӕн пункты уылты ӕнӕ зындзинӕдтӕй, уый фӕдыл бирӕ адӕм пайда кӕнынц ӕхсӕнадон транспортӕй Уӕрӕсемӕ ацӕуынӕн.

"Бирӕ адӕм дзы вӕййы, автобустӕ райдайынц цӕуын райсом раджы. Хӕдтулгӕты бирӕ бынат нӕй, ӕмӕ уайтагъд йедзаг кӕнынц. Ӕндӕрӕбон мах арвыстам рейсы ӕхсӕз автобусы, хуымӕтӕг рӕстӕджы та иу ӕрвыстам дыууӕ кӕнӕ ӕртӕ автобусы Цӕгат Ирыстонмӕ", - радзырдта Дудайты Альберт.

Дудайты Альберты хъуыдымӕ гӕсгӕ, ӕхсӕнадон транспортмӕ ажиотаж тагъд рӕстӕджы фӕкъаддӕр уыдзӕн ӕмӕ рейсон автобустӕ рахиздзысты куысты хуымӕтӕг режиммӕ.

4