Битеты Мария

Нӕ нӕ хъӕуы дистанцион ахуыр: Дзауы районы скъолаты цӕттӕ кӕнынц ног ахуыры азмӕ

11
(ранӕуӕггонд 15:33 25.08.2020)
Районы ахуыры хайады куыд радзырдтой, афтӕмӕй ныртӕккӕ сӕ сӕйрагдӕр хæс æмæ куысты сæр у скъолатæ æмбæлон уагмæ æркæнын, афтæ ма ахуыр-хъомыладон фарстытæ аскъуыддзаг кæнын æмæ ахуыргæнæн программæтæ æрбæстон кæнын

ЦХИНВАЛ, 27 авг — Sputnik, Дриаты Лейла. Дзауы районы скъолаты цӕттӕ кӕнынц ног ахуыры азмӕ, районы ахуырады хайады кусджытӕ хатдзæгтæ аразынц ивгъуыд азы фæстиуджытæн æмæ нывӕндынц сæ дарддæры бакæнинаг куыстæ.

Районы ахуыры хайады гæс Битеты Мария куыд радзырдта, афтӕмӕй ныртӕккӕ сӕ сӕйрагдӕр хæс æмæ куысты сæр у 5-æм сентябрьмæ скъолатæ бацæттæ кæнын æмæ сæ æмбæлон уагмæ æркæнын, афтæ ма ахуыр-хъомыладон фарстытæ скъуыддзаг кæнын, ахуыргæнæн программæтæ æрбæстон кæнын.

"Алы аз дæр не скъолаты цыдысты цалцæггæнæн куыстытæ æмæ нæ ацы аз уадиссаг ницы аразын бахъуыдис. Кæй зæгъын æй хъæуы, ис нын чысылкуыстытӕ æмæ сæ ног ахуыры азмæ бабæстон кæндзыстæм. Зæгъын мæ фæнды уый, æмæ нæ районы æппæт ахуырадон уагдæттæ дæр кæй уыдзысты цæттæ ног ахуыры азмæ материалон æгъдауæй", - загъта Битеты Мария.

Уый ма куыд банысан кодта, афтæмæй районы скъолаты нæ фаг кæнынц ахуыргæнæн чингуытæ алкæцы предметæй дæр æмæ уый тыххæй цæуы куыст.

"Дистанцион ахуыры рæстæджы хæрдыл цы æхцайы фæрæзтæ сэкономи кодтам, уыдонæй самал кæндзыстæм, скъолаты цы ахуыргæнæн чингуытæ нæ фаг кæны, уыдон. Чингуытæ цы предметтæй нæ фаг кæнынц, уыдон номхыгъд нæм ис æмæ рæхджы ацы фарст скъуыддзаг æрцæудзæн. Скъоладзаутæ библиотекæтæй цы чингуытæ райсынц, уыдон ахуыры азы фæуды фæстæмæ æрбахæссынц. Ныртæккæ ахуыргæнæн чингуытæ сты зынаргъ æмæ сæ балхæнын бирæтæн зын вæййы, уымæ гæсгæ, хуыздæр у æмæ æфснайд цæуой библиотекæйы", - банысан кодта хайады гӕс.

Битеты Марияйы ныхӕстӕм гӕсгӕ, ацы аз Дзауы астæуккаг скъолайы фарсмæ арæзт æрцыдис ног спортивон зал ӕмӕ ныр сывæллæттæн уыдзæнис, сæхи физикон æгъдауæй кæм цæттæ кæной, ахæм бынат. Скъолаты цалцæггæнæн-æндидзынгæнæн куыстытæн цы æхцайы фæрæзтæ рахицæн æрцыды, уыдон сæрмагондæй бахардз сты ацы спортивон залы арæзтадыл.

"Зæххæнкъуыстæй фæстæмæ ам нæ уыд спортивон зал, нæдæр актон зал æмæ æппæт мадзæлттæ дæр уагъд цыдысты уынджы, кæнæ та скъолайы къæлидоры. Мах ацы залы сырæзтыл тынг фæцин кодтам, уымæн æмæ нын уыд æнæмæнгхъæуæг", - бахахх кодта уый.

Цалцæггæнæн куыстытæ ма бакодтой Дзауы сывæллæтты цæхæрадоны дӕр.

Битеты Мария ма йæ хъуыдытæ загъта дистанцион ахуыры тыххæй дæр. Йæ ныхæстæм гæсгæ, августы кæрон ахуыргæнджыты æрвылазон конференцийы рæстæджы уыдон фарст æвæрдзысты, цæмæй ног ахуыры аз мауал раздæхой онлайн ахуыртæм.

"Махæн, ахуыргæнджытæн иууыл ахсджиагдæр фарст абон у, цæмæй нæм ахуырад цæуа традицион режимыл - скъоладзау фæсивæд ахуыр кæной скъолаты. Куыд ахуыргæнæг, афтæ мæ бон у фидарæй зæгъын уый æмæ ахæм ахуыр кæй нæ нымайын гъæдджыныл", - загъта ахуырады хайады хистæр.

Уый ма нын куыд фехъусын кодта, афтæмæй ног ахуыры аз скъолаты кæстæр кълæстæн къуыри иу хатт амондзысты шахматтæй хъазын, кæцы стыр ахъаз у сывæллæтты интеллектæн, хъуыдыкæнынадæн æмæ сæры магъзæн.

11
Хуссар Ир нысан кӕны Паддзахадон тырысайы бон

Хуссар Ир нысан кӕны Паддзахадон тырысайы бон

3
(ранӕуӕггонд 10:16 18.09.2020)
Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы

ЦХИНВАЛ, 19 сен — Sputnik, Плиты Фатимæ. Хуссар Ирыстоны сабаты, 19 сентябры, нысан кӕнынц Паддзахадон тырысайы бон. Бӕрӕгбонӕн бындур ӕвӕрд ӕрцыд 31 азы размӕ.

Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы.

"Развæлгъау столицæйы административон бæстыхæйтты сфæлыстой паддзахаон тырысатæй. Къуырийы кæрон Хуссар Ирыстон нысан кæны дыууæ бæрæгбон – Тырысайы бон æмæ Республикæ расидыны бон, дыууæ нысаниуæгджын датæйы цытæн Цхинвалы бакодтой ног баннертæ æмбæлон тематикæйыл", - загъта Sputnik культурæйы министрады кусæг Остъаты Мæдинæ.

Уый ма банысан кодта, æхсæнады цытджын рабадт "Прописано в сердце Осетии" аргъæвтой 18-æм сентябрæй 20-мæ.

Паддзахадон тырысайы бон Хуссар Ирыстоны фыццаг хатт банысан кодтой 2013 азы, фæлæ националон символ ссис 1989 азæй фæстæмæ. 1990 азы ноябры республикæйы парламент сфидар кодта ирон триколор, куыд паддзахаддзинады символ.

Ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбатырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

3
Транскам

Фылдӕр адӕм фылдӕр рейстӕ: куыд фӕивта Цхинвалӕй Дзӕуджыхъӕумӕ автобусты график

3
(ранӕуӕггонд 15:18 18.09.2020)
Ӕхсӕнадон транспорт цӕуы уадзӕн пункт "Дӕллаг Зӕрӕмӕг"-ы уылты ӕнӕ зындзинӕдтӕй, уый фӕдыл дзы бирӕ адӕм пайда кӕнынц Уӕрӕсемӕ ацӕуынӕн

ЦХИНВАЛ, 18 сен — Sputnik, Гӕбӕраты Элина. Цхинвалӕй Дзӕуджыхъӕумӕ рейсон автобусты нымӕц фӕфылдӕр Уӕрӕсеимӕ паддзахадон арӕны баконды фӕстӕ, фехъусын кодта Sputnik Хуссар Ирыстоны автомобилон транспорты хайады сӕргълӕууӕг Дудайты Альберт.

Хуссар Ирыстон ӕмӕ Уӕрӕсе систой арӕны сӕрты хизыныл тобӕ дыццӕджы, 15 сентябры. Арӕн уыд ӕхгӕд фондз мӕйы дӕргъы, ныр уадзӕн пункт "Дӕллаг Зӕрӕмӕг"-ы ӕрмӕбырд сты километрон радтӕ.

Уыимӕ иумӕ, республикӕйӕ автобустӕ хизынц уадзӕн пункты уылты ӕнӕ зындзинӕдтӕй, уый фӕдыл бирӕ адӕм пайда кӕнынц ӕхсӕнадон транспортӕй Уӕрӕсемӕ ацӕуынӕн.

"Бирӕ адӕм дзы вӕййы, автобустӕ райдайынц цӕуын райсом раджы. Хӕдтулгӕты бирӕ бынат нӕй, ӕмӕ уайтагъд йедзаг кӕнынц. Ӕндӕрӕбон мах арвыстам рейсы ӕхсӕз автобусы, хуымӕтӕг рӕстӕджы та иу ӕрвыстам дыууӕ кӕнӕ ӕртӕ автобусы Цӕгат Ирыстонмӕ", - радзырдта Дудайты Альберт.

Дудайты Альберты хъуыдымӕ гӕсгӕ, ӕхсӕнадон транспортмӕ ажиотаж тагъд рӕстӕджы фӕкъаддӕр уыдзӕн ӕмӕ рейсон автобустӕ рахиздзысты куысты хуымӕтӕг режиммӕ.

3