Зиу

Сыгъдæгдзинад хъахъхъæнын - алкæй комкоммæ хæс дӕр

9
(ранӕуӕггонд 15:34 25.08.2020)
Хъыгагæн, иуæй-иу æмбæстæгты, æвæццæгæн, айрох вæййы, сыгъдæгдзинад хъахъхъæнын кæй у цæрджытæй алкæй комкоммæ хæс дæр æмæ йыл хъæуы аудын

ЦХИНВАЛ, 28 авг– Sputnik, Дриаты Лейла. Хуссар Ирыстоны столицæ – Цхинвалы разамынд зæрдиагæй архайы горæты аивдзинад æмæ сыгъдæгдзинадыл, йæ цъæхфæлыстыл, уынгты, паркты æмæ скверты рæсугъддзинадыл. Уыцы арфæйаг куысты раппæлинаг сты, уынгты сыгъдæгдзинад æмæ рæсугъддзинадыл æрвылбон дæр чи фыдæбон кæны, уыдон. Уынгмæрзджытæ сæ куысты уæлхъус балæууынц æхсæвы 3-4 сахатыл æмæ сæ куыст бакæнынц, цалынмæ адæм нæ сызмæлынц, уæдмæ.

Къаддæр нæу сæ хæрзиуæгон архайд, сквертæ газонтæ æмæ æндæр фæзуæтты алыгъуызон дидинджытæ чи ныссадзы, уый фæстæ дæр æмбæлон зылд кæй арæхстджын къухты фæрцы æййафынц, уыцы кусджытæн дæр.

"Хицæн æмбæстæгтæ ницæмæ дарынц, горæты рæсугъддзинадыл чи фыдæбон кæны, уыдоны æвæллайгæ архайд. Цæвиттон, иуæй-иу цæрджытæ сæ бырæтты акалынц, кæм не ‘мбæлы, ахæм рæтты, кæд сæм хæрзæввахс вæййынц быронкалæн асыччытæ, уæддæр", - зæгъы уынгмæрзджытæй сæ иу.

Хъыгагæн, ахæм æмбæстæгты, æвæццæгæн, айрох вæййы, сыгъдæгдзинад хъахъхъæнын кæй у цæрджытæй алкæй комкоммæ хæс дæр æмæ йыл хъæуы аудын.

"Горæты сыгъдæгдзинадыл кусын у йæ цæрджыты хæс дæр. Раст у ахæм ныхас: сыгъдæг у, кæм не ‘змæнтынц, уым, фæлæ æфснайын дæр хъæуы. Бирæуæладзыгон хæдзæртты алыварс акæс æмæ базондзынæ, кæм дзы цавæр адæм цæры, уый. Чъизи æмæ æнæфснайд худинаг у цæрджытæн дæр", - зæгъы иннæ уынгмæярзæг Венера.

Банысан кæнын хъæуы уый дæр, æмæ æмбæлон службæйы кусджытæн кæд сæ куыст бæрæгæй зыны, уæддæр иу куыстыл сæ къух систой.

Раздæр азты сæрды тæвд рæстæджы бон цалдæр хатты уынгтæ пырх кодтой донæй, уымæй дарддæр ма газонтæ æмæ æндæр бынæтты цы бæлæстæ ис, уыдонмæ дæр æмбæлон æгъдауæй зылдысты. Фæлæ, хъыгагæн, ныр цалдæр азы уыцы арфæйаг хъуыддаг рохуаты аззад, нал сæм фæкæсынц донæй. Кæд бæлæсты уæлдай æмæ хус къалиутæ асыгъдæг кæнынц, сæ зæнгтæ сын сцæгъдынц чъыры тæнгъæдæй, уæддæр сæм донæй фæкæсын кæй фæхъæуы, ууыл дæр хъуамæ батыхсиккой. Уый фæстиуæгæн бæлæсты сыфтæртæ бирæ рæтты фæбур сты, бахус ма, газонты цы кæрдæг байтыдтой, уый дæр.

9
Цхинвал

Хуссар Иры ивгъуыд къуырийы авариты бахъыгдард сты ӕртӕ адӕймаджы

3
(ранӕуӕггонд 12:16 28.09.2020)
Барадхъахъхъӕнӕг органты кусджытӕ радзырдтой ивгъуыд къуырийы республикӕйы фӕндӕгтыл уавӕры тыххӕй

ЦХИНВАЛ, 28 сен - Sputnik. Хуссар Ирыстоны ивгъуыд къуырийы ӕрцыд ӕрӕ фӕндагон-транспортон цауы, уыдон фӕстиуӕгӕн ӕртӕ адӕймаджы бахаудтой республикӕйы бирӕпрофилон медцентрмӕ алыгъуызон цӕфтимӕ. Уый тыххӕй къуырисӕры хъусын кӕны республикӕйы МХМ пресс-службӕ.

Хуссар Ирыстоны фӕндӕгтыл 21-28 сентябры ӕдӕппӕт банысан кодтой фӕндагон змӕлды 187 фӕткхӕлды. Се хсӕн разынд астшофыры, кӕцытӕ хӕдтулгӕтӕ скъӕрдтой нозтджынӕй.

Ивгъуыд къуыри барадхъахъхъӕнӕг органты кусджытӕ нӕ рабӕрӕг кодтой фыдракӕндтӕ, ӕрмӕст иу адӕймаджы ӕрурӕдта Цхинвалы районы милици ӕхсӕнадон фӕтк фехалыны тыххӕй.

3
Столицæйы быронкалæн полигоны фарсмæ райдыдта хъæбæр коммуналон хауæддзæгты фæзуаты арæзтад

Столицæйы быронкалæн полигоны фарсмæ аразынц хъæбæр коммуналон æвзарæнты фæзуат

6
(ранӕуӕггонд 14:07 28.09.2020)
Ныртæккæ ам зæхх къахынц ангары бындурæн. Арæзт цæудзæн цæттæ конструкцитæй. Æдæппæт фæзуат уыдзæнис 1500 квадратон метры.

ЦХИНВАЛ, 28 сен — Sputnik, Дриаты Лейла. Цхинвалы районы Ирыхъæуы быронкалæн полигоны фарсмæ райдыдта, хъæбæр коммуналон хауæддзæгтæ кæм æвзардзысты æмæ хицæн кæндзысты, ахæм фæзуаты арӕзтад.

Строительство полигона твердых бытовых отходов
© Sputnik / Лейла Дриаева
Столицæйы быронкалæн полигоны фарсмæ аразынц хъæбæр коммуналон æвзарæнты фæзуат

Генералон подрядон организаци у Цхинвалы хæдзарадон хайад, уымæн æмæ горæты администрацийы ацы структурон дæлхай йæхæдæг эксплуатаци кæндзæн объекттæ. Ныртæккæ ам зæхх къахынц ангары бындурæн. Арæзт цæудзæн цæттæ конструкцитæй. Æдæппæт фæзуат уыдзæнис 1500 квадратон метры. Æвæрд дзы уыдзысты сæрмагонд ифтонггæрзтæ.

"Бырæтты пресс кæндзысты æмæ сæ араздзысты сæ уæз тоннæйы бæрц кæмæн уыдзæн, ахæм тюктæ. Афтæмæй сæ ныгæндзыстæм цы стыр уæрм скъахтам, уым", - зæгъы арæзтады прораб Æрсойты Инал.

Æппæт куыстытæ дæр ам хъуамæ фæуой фидæн азмæ. Уымæн æмæ йæ арæзтадæн проектмæ гæсгæ лæвæрд цæуы афæдзы бæрц.

Ивгъуыд аз, ацы хъæуы ног полигонæн рахицæн æрцыд æмæ уæрм скъахтæуыд 3,5 гектары фæзуатыл. Арæзт ма дзы æрцыдис модулон конструкцитæй лæггадгæнæг персоналæн административон цардуагон комплекс, афтæ ма объектмæ арæзт æрцыд фæндæгтæ дæр. Сæмбонд ын кодтой йæ алыварс иууылдæр, сæвæрдтой дзы трансформатор. Полигон кусын райдайдзæн йæ фарсмæ бырæттæ пресс кæнын æмæ æвзарынæн фæзуат арæзт куы æрцæуа, уæд, цæмæй экологийæн зиан ма хæсса.

Бырондонæн йæ эксплуатацийы æмгъуыд у 25 азы. Фæлæ бырæтты кæй æвзардзысты æмæ пресс кæндзысты, уымæ гæсгæ уыцы æмгъуыд зынгæ фæфылдæр уыдзæн.

Ныр арæзтцæуæг объект аскъуыддзаг кæндзæнис республикæйы кондадон æмæ цардуагон бырæттæ утилизаци кæныны хъæуæг домæнтæн дзуапп чи дæтдзæнис, ахæм бронкалæны, проблемæ.

Арæзтадон куыстытæ æххæст кодта арæнгонд бæрндзинады æхсæнад "Цхинвалы арæзтадон компани". Объект арæзт цыдис 2018-2019 азтæн РХИ-

6
Бокс

Ирыстойнаг боксертӕ ссисты ӕппӕтуӕрӕсейон ерысты призертӕ

2
(ранӕуӕггонд 12:11 28.09.2020)
Дыууӕ хатты олимпиаг чемпион Борис Лагутины призтыл турнир 15-16 азы кары фӕсивӕды хсӕн балхынцъ ис Мӕскуыйы ивгъуыд улӕфт бонты

ЦХИНВАЛ, 28 сен — Sputnik. Цӕгат Ирыстоны боксы олимпиаг резервы спортивон скъолайы хъомылгӕнинӕгтӕ Золойты Станислав ӕмӕ Дойаты Хетӕг ссисты Ӕппӕтуӕрӕсейон ерысты призертӕ боксӕй, хъусын кӕны республикӕйы спорты министрад.

Дыууӕ хатты олимпиаг чемпион Борис Лагутины призтыл турнир 15-16 азы кары фӕсивӕды хсӕн балхынцъ ис Мӕскуыйы ивгъуыд улӕфт бонты.

"Золойты Станислав 60 килограммы уӕзы категорийы рамбылдта ӕртӕ тохы, фӕлӕ финалы фембӕлд боксерӕн Свердловскы областӕй. Дойаты Хетӕг архайдта 75 килограммы уӕзы категорийы ӕмӕ рамбылдта ӕртӕ тохы, уыдонӕй дыууӕ нокаутӕй. Финалы уый фембылд Европӕйы фыццагады уӕлахиздзауӕн Ростовы областӕй", - дзырдӕуы хъусинаджы.

Уагдоны бафтыдтой, спортсментӕ кӕй цӕттӕ кодтой ерыстӕм Цӕлойты Георгийы къухдариуӕгады бын.

2