Президент арвыста хицауады отставкæйы

Президент арвыста хицауады отставкæйы

17
(ранӕуӕггонд 13:54 30.08.2020)
Раздæр премьер-министр Пухаты Эрик отставкæйы тыххæй фехъусын кодта Цхинвалы æнæразыдзинады митингтæй куы райдыдтой, уæд. Адæм рахызтысты МХМ рæстæгмæ дарæн изоляторы куы амард адæймаг

ЦХИНВАЛ, 29 авг - Sputnik. Хуссар Ирыстоны президент бафыста барамынд хицауады отставкæйы тыххæй æмæ снысан кодта хицауады сæрдары хæстæ æххæтгæнæджы. Ӕмбæлон барамынд мыхуыр ʻрцыд президенты официалон сайтыл сабаты.

"Хуссар Ирыстоны Конституцийы 75-æм статьяйы дыккаг хай æмæ 76-æм статьяйы æртыккæгæм хаймæ гæсгæ фидар кæнын: Пухаты Эрик Георгийы фырты ссæрибар кæнын Хуссар Ирыстоны Хицауады сæрдары бынатæй йæ куырдиатмæ гæсгæ. Хуссар Ирыстоны Хицауады отставкæйы тыххæй фехъусын кæнын", - дзырдæуы хъусинаджы.

Республикæйы разамонæджы бармындмæ гæсгæ, хицауады сæрдары хæстæ рæстæгмæ æххæст кæндзæн вице-премьер Бекъойты Геннадий.

Коцты Алан
© Sputnik / Фатима Плиева

Бибылыт Анатолий ма бахæс кодта хицауады уæнгтæн сæ хæстæ æххæст кæнын, цалынмæ фидар не ʻрцæуа хицауады ног сконд.

Уымæй размæ, майрæмбоны Цхинвалы ацыд митинг горæты цæрæг Дзабиты Иналы мæлæты фæстæ, кæцыйы уыцы бон МХМ рæстæгмæ дарæн изоляторæй баластой рынчындонмæ уæззау буары цæфтимæ. Фæстæдæр рабарæг лæппу кæй нал фервæзт.Цауы фæдыл конд æрцыд уголовон хъуыддаг сæ куысты барты сæрты ахизыны фæдыл.

Инциденты тыххæй президент ауагъта æнæрадон рабадт тыхон структурæты разамонджытимæ, цы ран йæ дæлбар райста уголовон хъуддаджы сгæрст.  Уый фæстæ йæ отставкæйы тыххæй фехъусын кодта премьер Пухаты Эрик.

17
Абхазы Уӕлахиз ӕмӕ Хӕдбардзинады бон

Абхаз рамбылдта хӕсты ӕмӕ равдыста йӕ паддзахады разагъддзинад Бибылты Анатолий

9
(ранӕуӕггонд 15:13 30.09.2020)
Хуссар Ирыстоны президент раарфӕ кодта йӕ абхазаг коллегӕйӕн националон бӕрӕгбон – Абхазы Уӕлахиз ӕмӕ Хӕдбардзинады боны фӕдыл

ЦХИНВАЛ, 30 сен - Sputnik. Хуссар Ирыстоны президент Бибылты Анатолий барвыста арфӕйы тел Абхазы сӕргълӕууӕг Аслан Бжаниямӕ республикӕйы Уӕлахиз ӕмӕ Хӕдбардзинады боны фӕдыл. Хуссарирыстойнаг лидер банысан кодта, 27 азы размӕ Абхазы адӕм кӕй рамбылдтой ӕмӕ фенын кодтой дунейӕн абхазаг паддзахады разагъддзинад ӕмӕ тых.

"Фыдыбӕстӕйон хӕст 1992-1993 азты уыд уӕззау фӕлварӕн абхазаг адӕмӕн. Гуырдзыстон сӕххӕст кодта егъау агресси Абхазы ныхмӕ, фӕлӕ знӕгтӕ не ‘мбӕрстой, абхазӕгтӕ кӕй хъахъхъӕнынц сӕ райгуырӕн зӕхх, сӕ бинонты, сӕ фидӕн ӕмӕ сӕ афтӕмӕй рамбулӕн нӕй", - дзырдӕуы арфӕйы тексты.

Бибылты Анатолий банысан кодта бархион ӕфсӕдты хъайтардзинад дӕр, кӕцытӕ ӕрцыдысты Цӕгат Кавказы республикӕтӕй.

"Абхазы адӕмы хъайтардзинады фарс балӕууыдысты бархион ӕфсӕдтӕ цӕгаткавказаг республикӕтӕ ӕмӕ ӕндӕр бӕстӕтӕй. Сӕ фарсмӕ знагимӕ тох кодтой Хуссар Ирыстоны хӕстонтӕ дӕр. Мах алыхатт дӕр хъуыды кӕндзыстӕм сӕ хъӕбатырдзинад, кӕцы уыдон равдыстой Абхазы хӕдбардзинадыл тохы", - бафтыдта президент.

Паддзахады сӕргълӕууӕг банысан кодта, Абхаз абоны бон кӕй кӕй цӕуы хӕдбар паддзахады прогрессивон райрӕзты фӕндагыл ӕмӕ фидар кӕны йе ‘хсӕнадӕмон авторитет.

Абхазы 30 сентябры нысан кӕнынц Уӕлахиз ӕмӕ хӕдбардзинады бон. Ацы бон 27 азы размӕ абхазаг ӕфсӕдтӕ рахызтысты Ингуры донмӕ, Гуырдзыстонимӕ паддзахадон арӕнмӕ ӕмӕ сӕвӕрдтой хидыл абхазаг тырыса. Афтӕмӕй фӕцис Абхазы адӕмы Фыдыбӕстӕйон хӕст. Гуырдзиаг-абхазаг хӕст цыд 413 боны, конфликты рӕстӕджы фӕмард сты 3,5 мин адӕймаджы.

9
Цхинвал

Фӕткхалджыты фылдӕр хай ис Цхинвалы. Хуссар Иры уагъд цӕуынц рейдтӕ фӕндӕгтыл

7
(ранӕуӕггонд 12:46 30.09.2020)
Республикӕйы фӕндӕгтыл уагъд цӕуынц рейдтӕ фӕндагон змӕлды фӕткхалджыты ӕмӕ нозтджын шофырты сбӕрӕг кӕныны фӕдыл

ЦХИНВАЛ, 30 сен - Sputnik. Хуссар Ирыстоны Мидхъуыддӕгты министрады (МХМ) Паддзахадон автоинспекцийы кусджытӕ сбӕрӕг кодтой республикӕйы фӕндӕгтыл фӕндагон змӕлды 23 фӕткхалды иу суткӕмӕ, фӕткхалджыты фылдӕр хай ис Цхинвалы.

"15 шофыры фӕдыл сарӕзтой административон протоколтӕ автотранспорт ӕнӕ ӕмбӕлон документтӕй скъӕрыны тыххӕй. Афтӕ ма, ӕртӕ шофыры ӕрбаздахтой административон бӕрнмӕ фӕндагон нысӕнтты домӕнтӕ фехалыны тыххӕй", - дзырдӕуы уагдоны пресс-службӕйы хъусинаджы.

МХМ бафтыдтой, ПАИ кусджытӕ кӕй уадзынц рейдтӕ МХМ патрулон-постон службӕ ӕмӕ сӕрмагонд дӕлхайӕдты кусджытимӕ иумӕ. Уӕлдай хъусдард здӕхт у автотранспорт фылдӕр цы уынгтыл вӕййы, уыдонмӕ, цӕмӕй сбӕрӕг кӕной фӕндагон змӕлды фӕткхалджыты ӕмӕ нозтджын шофырты.

7
Хъадамантæ

Дзæуджыхъæуы раздæры полицæйаджы азымджын кæнынц наркотиктæ парахат кæныны

0
(ранӕуӕггонд 16:59 30.09.2020)
Дзæуджыхъæуы Мидхъуыддæгты министрады управленийы 2-æм хайады хистæр оперативон кусæг самал кодта 0,24 граммы наркотикон буарадтæ æмæ сæ уыцы бон ауæй кодта бынæттон цæрæгæн

ЦХИНВАЛ, 30 сен — Sputnik. Цæгат Ирыстоны раздæры полицæйаджы ныхмæ рахастой азым наркотикты æнæзаконон зилдухы тыххæй, хъусын кæны регионы Слестгæнæн комитет.

Хъусинагæй куыд бæрæг у, афтæмæй 17 июны оперативон кусæг æбæрæг уавæрты самал кодта 0,24 граммы наркотикон буарадтæ æмæ сæ уыцы бон ауæй кодта бынæттон цæрæгæн.

"Уый фæстæ полицийы 29-аздзыд лейтенанты æрцахстой барадхъахъхъæнджытæ. Уымæн тæрхондон рахаста ахæст æмæ азым наркотикты æнæзаконон зилдухы тыххæй", - дзырдæуы хъусинаджы.

Ныридæгæн уагъд цæуынц слестгæнæн куыстытæ.

0