Цхинвалы бакодтой цырт ӕбӕрӕгӕй фесӕфгӕ адӕмӕн

Цхинвалы бакодтой цырт ӕбӕрӕгӕй фесӕфгӕ адӕмӕн

13
(ранӕуӕггонд 15:10 30.08.2020)
Ӕрвылазон мадзалмӕ ӕрӕмбырд сты ӕбӕрӕгӕй фесӕфгӕ адӕмы хицӕуттӕн, республикӕйы разамынад ӔСДК кусджытӕ ӕмӕ ӕхсӕнадон организацийы минӕвӕрттӕ

ЦХИНВАЛ, 30 авг — Sputnik, Плиты Фатимӕ. Хуссар Ирыстоны столицӕйы бакодтой цырт ӕбӕрӕгӕй фесӕфгӕ адӕмӕн. Фонтанимӕ мемориал фӕзынд ӕхсӕнадон организаци "Памяти и надежда" ӕмӕ Сырх дзуары комитеты бынӕттон мыссийы фӕрцы Сӕрибардзинады фӕзуат цур скверы, Фырсыгъдӕг Мад Марйрӕмы аргъуанмӕ хӕстӕг.

Цырт арӕзт ӕрцыд Хуссар Ирыстоны сгуыхт нывгӕнӕг Бекъойты Аланы проектмӕ гӕсгӕ.

Ӕрвылазон мадзалмӕ ӕрӕмбырд сты ӕбӕрӕгӕй фесӕфгӕ адӕмы хицӕуттӕн, республикӕйы разамынад ӔСДК кусджытӕ ӕмӕ ӕхсӕнадон организацийы минӕвӕрттӕ.

"Бирӕ ӕзты дӕргъы архайдтон, цӕмӕй ам уыдонӕн фӕзына цырт ӕмӕ суадон, баххуыс нын кодта Сырх дзуары комитет. Хорз уаид ӕмӕ ма йӕ куы баххӕст кӕниккам ном чынджы хуызы мемориалӕй, цы ран фыст ӕрцӕуиккой ӕбӕрӕгӕй фесӕфгӕ адӕмы нӕмттӕ", - загъта ӕхсӕнадон организацийы сӕрдар Куыдзеты Лидия.

Мадзалы раныхас кодтой паддзахады сӕргълӕууӕг Бибылты Анатолий, ӕххӕстбарджын минӕвар Женевӕйы дискусситы Джиоты Мурӕт, Сырх дзуары комитеты минӕвар ӕмӕ ӕндӕртӕ.

  • Цхинвалы бакодтой цырт ӕбӕрӕгӕй фесӕфгӕ адӕмӕн
    Цхинвалы бакодтой цырт ӕбӕрӕгӕй фесӕфгӕ адӕмӕн
    © Sputnik / Natalia Airiyan
  • Цхинвалы бакодтой цырт ӕбӕрӕгӕй фесӕфгӕ адӕмӕн
    Цхинвалы бакодтой цырт ӕбӕрӕгӕй фесӕфгӕ адӕмӕн
    © Sputnik / Natalia Airiyan
  • Цхинвалы бакодтой цырт ӕбӕрӕгӕй фесӕфгӕ адӕмӕн
    Цхинвалы бакодтой цырт ӕбӕрӕгӕй фесӕфгӕ адӕмӕн
    © Sputnik / Natalia Airiyan
1 / 3
© Sputnik / Natalia Airiyan
Цхинвалы бакодтой цырт ӕбӕрӕгӕй фесӕфгӕ адӕмӕн
13
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

2
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

2
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4