Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон

Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон

21
(ранӕуӕггонд 10:49 01.09.2020)
Егъау кувæндон ныппырх кодтой советон дуджы динимæ тох куы расидтысты, уыцы рæстæджы, дзуары дурæй та спайда кодтой æндæр арæзтæдты

ЦХИНВАЛ, 1 сен - Sputnik, Плиты Фатимæ. Хуссар Ирыстоны Цхинвалы районы Ходы хъæуы цæрджытæ сæхи тыхтæй æндидзын кæнынц Фырсыгъдæг Мад Майрæмы аргъуан. Кувæндон ис Астæуккаг Ходы хъæуы.

Хъæуы цæрджытæ ацы сыгъдæг бынатмæ сæхи фæдзæхсынмæ цæуынц раг замантæй. Кувæндон пырх æрцыд советон дуджы.

"Хистæр адæмы мысинæгтæм гæсгæ, ам уыд егъау аргъуан, йе ʻддаг бакастæй уыд Къостайы хъæуы уæвæг Фырсыгъдæг Мад Майрæмы аргъуаны æнгæс. Фæлæ коммунистты дуджы аргъуан ныппырх кодтой æмæ йе 'рмæгæй сарæзтой скъæттæ. Фæстаг азты адæм сæхи фæдзæхсынмæ цыдысты аргъуаны кæлæнтæ цы бынаты сты, уырдæм", - загъта хъæуы хистæр Ходты Мераб.

Кувæндоны арæзтад цæуы ныр дыууæ мæйы бæрц, арæзтад бацахста 60 квадратон метры.

  • Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Фото из архива Мераба Ходова
  • Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Фото из архива Мераба Ходова
  • Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Фото из архива Мераба Ходова
  • Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Фото из архива Мераба Ходова
  • Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Фото из архива Мераба Ходова
  • Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Из архива Мераба Ходова
1 / 6
Фото из архива Мераба Ходова
Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон

"Хъæуы фæсивæд дзуары дур æрæмбырд кодта æмæ йæ нылласта аргъуаны цурмæ, уымæй амад цæуы кувæндоны цæсгомон хай. Алайнаг епархийы динамонæг, фыд Иаковы рекомендацимæ гæсгæ, ног аргъуан амайæм зæронд кувæндон кæлæнты цур", - бафтыдта хъæуы цæрæг.

Астæуккаг Ходы хъæуы цæрынц фылдæр бæрцæй Бекъойты æмæ Ходты мыггæгтæ, стæй ма Кокойтæ æмæ Къæбултæ.

"Арæзтад цæуы нæхи тыхтæй, алы хæдзарæй дæр æрæмбырд кодтам фæйнæ æртæ мины – фылдæр адæмы къух нæ амоны. Стæй нын æххуыс кæнынц ацы хъæуæй ацæугæ адæм. Лохты Аслан, Бекъойты Хазби æмæ Ӕлборты Виталий баххуыс кодтой техника, арæзтадон æрмæг æмæ финансон æхххуысæй", - бафтыдта уый.

Йæ ныхæстæм гæсгæ, ма ацы хъæуы ис 17 хæдзары бæрц, фæлæ арæзтадмæ се ʻххуысы къух фæдаргъ кæнынц ацы хъæуæй ацæугæ адæм дæр – æрвыл улæфт бонты ам арæзтадыл кусынц дæс адæймаджы бæрц.

Кувæндоны банысан кæнынц Мад Майрæмы райгуырды бæрæгбон - 21 сентябры.

Развалины храма Пресвятой Богородицы в селе Ход Цхинвальского района
Из архива Мераба Ходова
Хуссар Иры Ходы хъæуы Мад Майрæмы кувæндон раздæры бынат
21
Хуссар Иры ацыд автозгъорд Уӕрӕсейы боны цытӕн

Хуссар Иры ацыд автозгъорд Уӕрӕсейы боны цытӕн

12
(ранӕуӕггонд 18:59 12.06.2021)
Бӕрӕгбоны цытӕн автозъорды архайджытӕн раарфӕ кодтой Хуссар Ирыстоны президент Бибылты Анатолийы, Россотрудничествойы хайады сӕргълӕууӕг Сергей Скворцов ӕмӕ фӕсивӕдон организацийы хистӕр Коцты Михаил

ЦХИНВАЛ, 12 июн — Sputnik, Хъуылымбегты Азӕмӕт. Хуссар Ирыстоны ацыд автозгъорд Уӕрӕсейы боны цытӕн. Дӕс хӕдтулгӕйӕ фылдӕр Хуссар Ирыстон ӕмӕ Уӕрӕсейӕ тырысатимӕ сабаты ӕрзылдымты Цхинвалыл.

Мадзалмӕ йӕ хъус дардта президент Бибылты Анатолийы. Уый раарфӕ кодта архайджытӕн бӕрӕгбоны фӕдыл.

"Уӕрӕсейы бон Хуссар Ирыстоны у паддзахадон бӕрӕгбон, ӕхсызгон мын у фӕсивӕд йӕ афтӕ кӕй нысан кӕны. Бузныг дзурын автозгъорды архайджытӕн. Хуыцау зӕгъӕт, цӕмӕй автозъорд суа ӕрвылазон", - загъта президент.

Автозъорд сорганизаци кодта фӕсивӕдон организаци "Иугонд Алани" Хуссар Ирыстоны Уӕрӕсейы минӕварадимӕ иумӕ.

  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
1 / 4
© Sputnik
Хуссар Иры ацыд автозгъорд Уӕрӕсейы боны цытӕн

Автозъорд райдыдта Кады Аллейы Ӕнусон арты цурӕй, уыйфӕстӕ ссыдысты Тулдзы къохмӕ. Мадзалы рӕстӕджы йӕ архайджытӕ уыдысты Цхинвалы алкӕцы къуымы дӕр.

Уӕрӕсейы бон ӕрвылаз нысан цӕуы Хуссар Ирыстоны 2005 азӕй фӕстӕмӕ.

12
Сценӕ

ХИПУ ректор студенттӕ-актерты тыххӕй: тагъд рӕстӕджы хъаздзысты сӕйраг рольты

9
(ранӕуӕггонд 17:16 11.06.2021)
Sputnik пресс-конференцийы рӕстӕджы Тедеты Вадим загъта йӕ хъуыды ХИПУ-йы актерон дӕсниады факультетмӕ студентты райсыны тыххӕй

ЦХИНВАЛ, 11 июн - Sputnik, Гӕбӕраты Элина. Студенттӕ, кӕцытӕ ахуыр кӕнынц актерон дӕсниад ХИПУ-йы, сӕхи ӕвдисынц иттӕг хорз, фехъусын кодта Хуссар Ирыстоны паддзахадон университеты ректор Тедеты Вадим Sputnik Хуссар Ирыстоны пресс-конференцийы рӕстӕджы.

Дӕсниад "Актерон аивад" бакодтой ХИПУ-йы 2020 азы. Дӕсниады фӕдыл дисциплинӕтӕ студенттӕн уадзынц Хуссар Ирыстоны Паддзахадон драмон театры актертӕ.

Тедеты Вадим банысан кодта, ахуыргӕнджытӕ кӕй уадзынц фидӕны актертимӕ уӕлӕмхасӕн ахуыртӕ.

Ректоры ныхӕстӕм гӕсгӕ, актерон дӕсниад сахуыр кӕныны ӕмгъуыд у цыппар азы. Уый фидарӕй загъта, иу-дыууӕ азы фӕстӕ фидӕны актертӕн уыдзӕн фадат ӕххӕст кӕнын сӕйраг рольтӕ ӕмӕ банысан кодта, спектакль "Дон Жуан"-ы фӕсивӕд сӕхи иттӕг хорз равдыстой дыккаг планы рольты.

Тедеты Вадим зӕрдыл ӕрбалӕууын кодта, "Актерон аивад" дӕсниадмӕ абитуриентты райстой ӕрмӕст иу хатт, курс бакӕныны фӕдыл хъӕппӕрис та бахаста Хетӕгкаты Къостайы номыл Паддзахадон драмон театр.

"Махӕн ныр иууыл ахсджиаг у, цӕмӕй рауагъдонтӕ бахизой театралон труппӕйы скондмӕ. Уый фӕстӕ кӕд бахъӕуа, уӕд бакӕндзыстӕм ноджы иу курс", - банысан кодта ректор.

Пресс-конференцимӕ фӕхуыдтой студентон советы сӕрдар Кокойты Аннайы дӕр, кӕцы банысан кодта, ахуыргӕнӕндоны кӕй ис алы уавӕртӕ дӕр студентты сфӕлдыстадон нывӕзтыты реализацийӕн.

Кокойты Анна ма бахахх кодта, кӕй йӕ фӕнды уынын университеты фылдӕр активон ӕмӕ уӕздан студентты.

Анна Кокоева
© Sputnik
Кокойты Анна
9
Дзиццойты Юрий

Дзиццойты Юрий: ирон æвзагæн йæ уидаг у тынг фидар

4
(ранӕуӕггонд 10:03 11.06.2021)
ХИПУ ирон æвзаг æмæ æвзагзонынады кафедрæйы хистæр Дзиццойты Юрий радио Sputnik Хуссар Ирыстоны эфиры радзырдта ирон æвзаджы куыд хъæуы пайда кæнын æрбайсгæ дзырдтæй, ууыл
Дзиццойты Юрий: ирон æвзагæн йæ уидаг тынг фидар у

Нырыккон цардыл интернет тынг кæй бандæвта, уый сусæг нæу, фæлæ ма уыимæ иумæ ирон æвзаджы фæзынд ног ныхæстæ дæр. Цас тæссаг сты æвзагæн, æмæ сæ куыд хъæуы пайда кæнын, уый тыххæй радзырдта Дзиццойты Юрий. Ахуыргонды хъуыдымæ гæсгæ, уыцы ног дзырдтæ хъæуы адаптаци кæнын.

"Уыцы проблемæ алы хатт дæр уыд, æмæ алы æвзаджы раз дæр лæууыд. Хуымæтæг цæвиттон уын æрхæссон, нардитæ фæзындысты персæгтæм æмæ уырдыгæй рацæугæйæ сæ нæмттæ дæр семæ рацыдысты", - радзырдта Юрий.

Дзиццойты Юрийы ныхæстæм гæсгæ, уынгæг къабазыл цы æрцæуы арæзт, уымæн нæ хъæуы ивын йæ терминалоги.

"Цыдæртæ дзы гæнæн ис мæ къалькъагонд æрцæуой, кæцыдæр терминтæн дзы ис ирон æвзаджы дæр æрымысæн ныхæстæ. Фæлæ æмткæй сисгæйæ, фæзынд йæхæдæг чи у, цы реали æвдисы, уый æндæр ранæй æрбацыд æд терминалоги, æмæ уымæй тæрсын нæ хъæуы", - бафиппайта ахуыргонд.

Дзиццойты Юрий банысан кодта, æвзагзонынады фæзыны хатæй хатт пуристтæ, кæцытæ архайынц æвзаджы сыгъдæгдзинад бахъахъхъæныныл, фæлæ уыдон ныхмæ йæ рæстæджы дзырдта Калоты Хазби, зындгонд ирон поэт. Хазби дзырдта, ома ирон æвзагмæ дзырдтæ æрбайсынæй нæ хъæуы æфсæрмы кæнын.

Лæмбынæгдæр хъусут нæ аудиоæрмæджы.

4
Темӕтӕ:
Радио иронау