Беслӕны трагеди

Хуссар Иры ацӕудзысты Беслӕны трагедийы амӕттӕгты фӕдыл мысӕн мадзӕлттӕ

7
(ранӕуӕггонд 16:19 01.09.2020)
Республикӕйы Беслӕны теракты амӕттӕгты рухс нӕмттӕ куыд ссардзысты, уый тыххӕй радзырдта культурӕйы министры хӕстӕ ӕххӕстгӕнӕг Зассеты Жанна

ЦХИНВАЛ, 1 сен – Sputnik, Хъуылымбегты Азӕмӕт. Хуссар Ирыстоны 1-3 сентябры уагъд цӕудзысты мысӕн мадзӕлттӕ 2004 азы Беслӕны скъолайы теракты амӕттӕгты фӕдыл, фехъусын кодта Sputnik Хуссар Ирыстоны культурӕйы министры хӕстӕ ӕххӕстгӕнӕг Зассеты Жанна.

"Мах схондзыстӕм ацы акци "Плакал сентябрь кровавыми слезами". Абон республикӕйы бирӕ скъолаты, библиотекӕты уагъд цӕуынц фембӕлдтӕ ӕмӕ ныхас кӕнынц террористон актыл ӕмӕ дзы хи бахъахъхъӕнын куыд хъӕуы, ууыл. Ӕртыккӕгӕм сентябры та ацӕудзӕн сӕйраг мадзал. Уырдӕм ӕрбацӕудзысты Цхинвалы скъолаты ахуыргӕнинӕгтӕ. Мах сӕвӕрдзыстӕм амӕттӕгты 334 къамы. Уый фӕстӕ ацӕудзӕн мысӕн урок, уый ауадздзысты цалдӕр ахуыргӕнӕджы", - радзырдта Зассеты Жанна.

Министры хӕстӕ ӕххӕстгӕнӕг бафтыдта, ацы мадзӕлттӕ кӕй ацӕудзысты Цхинвалы театралон фӕзуатыл сом ӕмӕ иннӕбон. Уый ма банысан кодта, ацы акцитӕ, сӕйраджыдӕр, кӕй уадзынц ахуырдзаутимӕ ӕмӕ ахуырдзаутӕн, цӕмӕй ацы цау рох ма ‘рцӕуа.

2004 азы 1 сентябры беслӕйнаг скъолайы спортивон залы ӕртӕ боны террористтӕ дардтой 1128 амынӕты. 3 сентябры 13.05 сахатыл скъолайы спортивон залы фехъуыст фыццаг бомбӕйы фехӕлд. Фӕмард 334 адӕймаджы, се хсӕнг 186 сывӕллоны, 800 адӕймагӕй фылдӕр та фӕцӕф сты.

7
Хуссар Ир нысан кӕны Паддзахадон тырысайы бон

Хуссар Ир нысан кӕны Паддзахадон тырысайы бон

16
(ранӕуӕггонд 10:16 18.09.2020)
Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы

ЦХИНВАЛ, 19 сен — Sputnik, Плиты Фатимæ. Хуссар Ирыстоны сабаты, 19 сентябры, нысан кӕнынц Паддзахадон тырысайы бон. Бӕрӕгбонӕн бындур ӕвӕрд ӕрцыд 31 азы размӕ.

Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы.

"Развæлгъау столицæйы административон бæстыхæйтты сфæлыстой паддзахаон тырысатæй. Къуырийы кæрон Хуссар Ирыстон нысан кæны дыууæ бæрæгбон – Тырысайы бон æмæ Республикæ расидыны бон, дыууæ нысаниуæгджын датæйы цытæн Цхинвалы бакодтой ног баннертæ æмбæлон тематикæйыл", - загъта Sputnik культурæйы министрады кусæг Остъаты Мæдинæ.

Уый ма банысан кодта, æхсæнады цытджын рабадт "Прописано в сердце Осетии" аргъæвтой 18-æм сентябрæй 20-мæ.

Паддзахадон тырысайы бон Хуссар Ирыстоны фыццаг хатт банысан кодтой 2013 азы, фæлæ националон символ ссис 1989 азæй фæстæмæ. 1990 азы ноябры республикæйы парламент сфидар кодта ирон триколор, куыд паддзахаддзинады символ.

Ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбатырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

16
Транскам

Фылдӕр адӕм фылдӕр рейстӕ: куыд фӕивта Цхинвалӕй Дзӕуджыхъӕумӕ автобусты график

5
(ранӕуӕггонд 15:18 18.09.2020)
Ӕхсӕнадон транспорт цӕуы уадзӕн пункт "Дӕллаг Зӕрӕмӕг"-ы уылты ӕнӕ зындзинӕдтӕй, уый фӕдыл дзы бирӕ адӕм пайда кӕнынц Уӕрӕсемӕ ацӕуынӕн

ЦХИНВАЛ, 18 сен — Sputnik, Гӕбӕраты Элина. Цхинвалӕй Дзӕуджыхъӕумӕ рейсон автобусты нымӕц фӕфылдӕр Уӕрӕсеимӕ паддзахадон арӕны баконды фӕстӕ, фехъусын кодта Sputnik Хуссар Ирыстоны автомобилон транспорты хайады сӕргълӕууӕг Дудайты Альберт.

Хуссар Ирыстон ӕмӕ Уӕрӕсе систой арӕны сӕрты хизыныл тобӕ дыццӕджы, 15 сентябры. Арӕн уыд ӕхгӕд фондз мӕйы дӕргъы, ныр уадзӕн пункт "Дӕллаг Зӕрӕмӕг"-ы ӕрмӕбырд сты километрон радтӕ.

Уыимӕ иумӕ, республикӕйӕ автобустӕ хизынц уадзӕн пункты уылты ӕнӕ зындзинӕдтӕй, уый фӕдыл бирӕ адӕм пайда кӕнынц ӕхсӕнадон транспортӕй Уӕрӕсемӕ ацӕуынӕн.

"Бирӕ адӕм дзы вӕййы, автобустӕ райдайынц цӕуын райсом раджы. Хӕдтулгӕты бирӕ бынат нӕй, ӕмӕ уайтагъд йедзаг кӕнынц. Ӕндӕрӕбон мах арвыстам рейсы ӕхсӕз автобусы, хуымӕтӕг рӕстӕджы та иу ӕрвыстам дыууӕ кӕнӕ ӕртӕ автобусы Цӕгат Ирыстонмӕ", - радзырдта Дудайты Альберт.

Дудайты Альберты хъуыдымӕ гӕсгӕ, ӕхсӕнадон транспортмӕ ажиотаж тагъд рӕстӕджы фӕкъаддӕр уыдзӕн ӕмӕ рейсон автобустӕ рахиздзысты куысты хуымӕтӕг режиммӕ.

5
Дзиццойты Юрий

Хуссар Ирыстоны паддзахад сæвзæрыны рæстæг нымайæн ис 1920 азæй Дзиццойты Юрий

0
(ранӕуӕггонд 19:43 19.09.2020)
Филологон зонæдты кандидат Дзиццойты Юрий радио Sputnik Хуссар Ирыстонæн интервьюйы радзырдта республикæйы расидыны боны тыххæй
Хуссар Ирыстоны паддзахад сывзæрыны рæстæг нымайæн ис 1920 азæй – Дзиццойты Юрий

Хуссар Ирыстоны республикæйыл 30 аз сæххæст ацы аз 20 сентябры. Дзиццойты Юрий куыд радзырдта, уымæ гæсгæ нæ паддзахад у æлхæд тугæй.

"Нæ паддзахаддзинад 1920 азæй куы нымаиккам, уæд раст дæр у. Уый нын радта фадат, цæмæй 1990 азы автономон областæн йæ статус фæбæрзонддæр кодтаиккам", - загъта Юрий.

Дзиццойты Юрийы ныхæстæм гæсгæ, республикæ расидын фадат лæвæрдта, цæмæй ирон адæм сæхæдæг æвзарой сæ дарддæры фæндаг.

"Гуырдзыстон хицæнкæныны фæндагыл ныллæуыд, æмæ цæмæй мах дæр семæ ма акодтаиккой, уый тыххæй нын хъуамæ уыдаид конституци, фæлæ автономон областæн уый нæ уыд", - бафиппайта Дзиццойты Юрий.

Юрий ма куыд радзырдта, уымæ гæсгæ уыцы рæстæджы цы къахдзæфтæ арæзт æрцыдысты, уыдон уыдысты хæдбар паддзахады бындуртæ.

0
Темӕтӕ:
Радио иронау