Генералон прокуратурӕй радзыртой сæ сайты куысты згъуыдтыты тыххæй

Генералон прокуратурӕйы радзырдтой сæ сайты куысты згъуыдтыты тыххæй

650
(ранӕуӕггонд 17:17 02.09.2020)
Дыццæджы прокуратурæ парламенты депутатты тыххæй уголовон хъуыддæгтæ куы ныммыхуыр кодтой сæ сайтыл, уый фæстæ уый йæ куыст æрурæдта, социалон хызæгты пайдагæнджытæ уый банымадтой зæрдæхсайгæйыл

ЦХИНВАЛ, 2 сен - Sputnik, Плиты Фатимæ. Хуссар Ирыстоны Генералон прокуратурӕйы официалон сайт сног кодта йӕ куыст. Згъуыдтытӕ баст уыдысты техникон аххосӕгтимӕ, фехъусын кодта Sputnik Генералон прокуратурӕйы кусӕг Дзанайты Алена.

Дыццæджы прокуратурæ парламенты депутатты тыххæй уголовон хъуыддæгтæ куы ныммыхуыр кодта сæ сайтыл, уый фæстæ уый йæ куыст æрурæдта, социалон хызæгты пайдагæнджытæ уый банымадтой зæрдæхсайгæйыл.

"Сайт скуыста ӕртыццӕджы райсом 09:30 сахатыл. Йӕ куысты згъуыдтытӕ бӕттын нӕ хъӕуы политикон фарстытимӕ, уыд йын техникон аххосӕгтӕ. Проблема куы базыдтам, уӕд сайтмӕ йӕ хъус чи дары, уымӕн загътам ӕмӕ проблема иуварс ӕрцыд", - загъта Дзанайты Алена.

Йӕ ныхӕстӕм гӕсгӕ, сайт нырма кӕронмӕ цӕттӕ нӕу, уымӕн фӕзыны йӕ куысты згъуыдтытӕ.

Хуссар Ирыстоны Генералон прокурор дыццӕджы сарӕзта пресс-конференци, цы ран уый йӕ бынатӕй ацӕуыныл сразы ис, оппозицион парламентаритӕ дӕр кӕд сӕ депутатон мандаттӕ радтой, уӕд.

Официалон сайтыл ӕвӕрд ӕрцыд Хуссар Ирыстоны митингты архайӕг политикон партиты уӕнгтӕ ӕмӕ депутаттӕ Плиты Александр, Санахъоты Дауыт, Гаглойты Алан ӕмӕ Медойты Дзамболаты ныхмӕ уголовон хъуыддӕгты баконды тыххӕй.

650
Коронавирус

Хуссар Иры сбӕрӕг кодтой коронавирусӕй 27 ног рынчыны

1
(ранӕуӕггонд 14:27 02.12.2020)
Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты

ЦХИНВАЛ, 27 ноя - Sputnik, Хъуылымбегты Зӕлинӕ. Хуссар Ирыстоны иу суткӕмӕ  сбӕрӕг кодтой 27 рынчыны коронавирусон инфекцийӕ, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы сарӕзтам 155 иртӕсты COVID-19-ы фӕдыл, уыдонӕй 27 радтой ӕвӕрццаг фӕстиуӕг", - загъта Гаглойты Анна.

Гаглойты Аннайы ныхӕстӕм гӕсгӕ, медикты хъусдарды бын республикӕйы медицинон уагдӕтты ис 1061 адӕймаджы.

"Ивгъуыд суткӕйы медикты хъусдардӕй систой 30 пациенты", - бафтыдта уый.

Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

1
Рес-ы сайт

Хуссар Иры фыццаг информагентадыл сӕххӕст 25 азы. Sputnik раарфӕ кодтой сӕ коллегӕтӕн

2
(ранӕуӕггонд 12:31 02.12.2020)
Агентад сарӕзтой Хуссар Ирыстоны уӕззау рӕстӕджыты, ӕмӕ йӕ сӕвзӕрдӕй фӕстӕмӕ ссис республикӕйы

ЦХИНВАЛ, 2 дек - Sputnik. Хуссар Ирыстоны фыццаг паддзахадон информацион агентад "Рес" ӕртыццӕджы нысан кӕны йӕ сӕвзӕрдыл 25 азы сӕххӕст. Агентад сарӕзтой республикӕйы информаци ӕмӕ мыхуыры министрады цур 1995 азы 2 декабры 1989-2008 азты Фыдыбӕстон хӕсты рӕстӕджы.

Информацион агентадыл сӕвӕрдтой хох Ресы ном. Хох Рес ис дыууӕ республикӕйы хсӕн ӕмӕ йын ис стыр нысаниуӕг Ирыстоны алкӕцы патриотӕн дӕр. Ацы хохӕн йӕ поэмӕйы скад кодта номдзыд ирон поэт Плиты Хаджумар. Уый у Ирыстоны иудзинады символ.

"Рес"-ӕн официалон сайт фӕзынд 2003 азы 7 апрелы, уый фӕдыл интернеты алкӕцы пайдагӕнӕгӕн дӕр фӕзынд фадат исын информаци РХИ цауты тыххӕй.

"Фӕлтӕрддзинад равдыста, Хуссар Ирыстоны мидӕггагон ӕмӕ ӕддагон политикӕмӕ кӕй ис стыр интерес. Абоны бон ног хабӕрттӕ ӕмӕ комментаритӕ, кӕцытӕ вӕййынц cominf.org сайтыл, пайда кӕнынц сӕ хъусинӕгты дард ӕмӕ ӕввахс фӕсарӕнты автоитетон ДИФ-тӕ. Сайтыл ӕрвылбонон ног хабӕрттӕй дарддӕр ис информаци Хуссар Ирыстоны историйы тыххӕй, аналитикӕ ӕмӕ афтӕ дарддӕр", - банысан колдта агентады разамонӕг, РХИ сгуыхт журналист Харебаты Мая.

Информацион агентад ӕмӕ радио Sputnik Хуссар Ирыстоны коллегтив арфӕ кӕнынц "Рес"-ы кусджытӕн, ӕмӕ сын сӕ цӕст уарзы ног сфӕлдыстадон ӕнтыстытӕ, хорз ног хабӕрттӕ, хӕрзӕбон ӕмӕ сабырдзинад.

2