Югосетпотребнадзор фехъусын кодта ивгъуыд суткӕйы коронавирусы фӕдыл тестты фӕстиуджытӕ

© Sputnik / Илья Питалев /  Ахизын медиабанкмæКоронавирус
Коронавирус - Sputnik Хуссар Ирыстон
Рафыссын
Хуссар Ирыстоны инфекцион рынчындоны дохтырты хъусдарды бын ис иу пациент коронавирусы диагнозимӕ

ЦХИНВАЛ, 2 сен – Sputnik, Хъуылымбегты Азӕмӕт. Хуссар Ирыстоны ивгъуыд суткӕйы, 2 сентябры, не сбӕрӕг кодтой коронавирусӕй ног рынчынты. Уагдоны лабораторийы ауагътой 29 тесты, уыдонӕй иу дӕр нӕ равдыста вирусы уӕвынад, фехъусын кодта  Sputnik республикӕйы сӕйраг санитарон дохтыры хӕдивӕг Гаглойты Анна.

"Абоны бон дохтырты хъусдарды бын ис иу пациент коронавирусы диагнозимӕ", - банысан кодта Гаглойты Анна.

Уый бафтыдта, республикӕйы карантины кӕй сты 156 адӕймаджы.

Хуссар Ирыстоны пандемийы райдайӕнӕй сбӕрӕг кодтой коронавирусон инфекцийӕ 90 фӕрынчынуӕвӕджы, уыдонӕй 89 сӕнӕниз сты.

Хуссар Ирыстоны дарддӕр ис ӕнӕмӕнг карантин ӕрцӕуӕггӕгтӕн. Изоляцийӕ ссӕрибар кодтой коронавирусӕй уый размӕ чи фӕрынчын, уыдоны. Уый тыххӕй уыдон хъуамӕ радтой анализтӕ Цӕгат Ирыстоны ӕмӕ бавдисой уый фӕдыл справкӕтӕ.

Ног хабӕртты лентӕ
0