Студенттӕ

Cервис "Учись в России!" баххуыс кӕндзӕн Хуссар Иры рауагъдонтӕн бацӕуын УФ университеттӕм

8
(ранӕуӕггонд 15:34 02.09.2020)
Сервисы руаджы фӕсивӕдӕн уыдзӕн фадат хуыздӕр бацӕттӕ кӕнын фӕлварӕнтӕм, уыдонӕн сӕ бон уыдзӕн пайда кӕнын скъолайы программӕйы сӕйраг предметты курсытӕй

ЦХИНВАЛ, 2 сен – Sputnik. Ахуырадон онлайн-сервис "Учись в России!" райдайдзӕн йӕ куыст 2020 азы фӕззӕджы, уый баххуыс кӕндзӕн фӕсарӕйнаг абитуриенттӕн бацӕттӕ кӕнын фӕлварӕнтӕ раттынмӕ уӕрӕсейаг ахуыргӕнӕндӕттӕм. Проект реализаци кӕны Россотрудничество уӕрӕсейаг националон программӕ "Цифровая экономика Российской Федерации"-йы фӕлгӕтты.

"Ахуырадон онлайн-сервис "Учись в России!"-йы руаджы фӕсивӕдӕн уыдзӕн фадат хуыздӕр бацӕттӕ кӕнын фӕлварӕнтӕ раттынмӕ уӕрӕсейаг ахуыргӕнӕндӕттӕм. Мах уырны, уӕрӕсейаг университетты рауагъдонтӕ кӕй суыдзысты хъӕугӕ профессионалтӕ сӕ бӕстӕты экономикӕйы алыгъуызон фадгуыты", - банысан кодта Россотрудничествойы разамонӕджы хӕдивӕг Павел Шевцов.

Абитуриенттӕн сервисы руаджы пайда кӕндзысты скъолайы программӕйы сӕйраг предметты онлайн-курсытӕй. Курс "Русский как иностранный" та ратдзӕн фадат фӕсарӕйнаг абитуриенттӕн фӕхуыздӕр кӕнын уырыссаг ӕвзаджы зонындзинад.

Сервисы алкӕцы курсы дӕр ис алыгъуызон бирӕнымӕц цифрон хӕслӕвӕрдтӕ, кӕцыты фӕрцы фӕлварӕнмӕ цӕттӕкӕнынад уыдзӕн цымыдисон.

Проекты хайадисджытӕн ахуыры рӕстӕджы ӕххуыс кӕндзысты квалификацигонд специалисттӕ – ахуыргӕнджытӕ ӕмӕ методисттӕ.

8
Коронавирус

Хуссар Иры сбӕрӕг кодтой коронавирусӕй 27 ног рынчыны

1
(ранӕуӕггонд 14:27 02.12.2020)
Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты

ЦХИНВАЛ, 27 ноя - Sputnik, Хъуылымбегты Зӕлинӕ. Хуссар Ирыстоны иу суткӕмӕ  сбӕрӕг кодтой 27 рынчыны коронавирусон инфекцийӕ, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы сарӕзтам 155 иртӕсты COVID-19-ы фӕдыл, уыдонӕй 27 радтой ӕвӕрццаг фӕстиуӕг", - загъта Гаглойты Анна.

Гаглойты Аннайы ныхӕстӕм гӕсгӕ, медикты хъусдарды бын республикӕйы медицинон уагдӕтты ис 1061 адӕймаджы.

"Ивгъуыд суткӕйы медикты хъусдардӕй систой 30 пациенты", - бафтыдта уый.

Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

1
Рес-ы сайт

Хуссар Иры фыццаг информагентадыл сӕххӕст 25 азы. Sputnik раарфӕ кодтой сӕ коллегӕтӕн

2
(ранӕуӕггонд 12:31 02.12.2020)
Агентад сарӕзтой Хуссар Ирыстоны уӕззау рӕстӕджыты, ӕмӕ йӕ сӕвзӕрдӕй фӕстӕмӕ ссис республикӕйы

ЦХИНВАЛ, 2 дек - Sputnik. Хуссар Ирыстоны фыццаг паддзахадон информацион агентад "Рес" ӕртыццӕджы нысан кӕны йӕ сӕвзӕрдыл 25 азы сӕххӕст. Агентад сарӕзтой республикӕйы информаци ӕмӕ мыхуыры министрады цур 1995 азы 2 декабры 1989-2008 азты Фыдыбӕстон хӕсты рӕстӕджы.

Информацион агентадыл сӕвӕрдтой хох Ресы ном. Хох Рес ис дыууӕ республикӕйы хсӕн ӕмӕ йын ис стыр нысаниуӕг Ирыстоны алкӕцы патриотӕн дӕр. Ацы хохӕн йӕ поэмӕйы скад кодта номдзыд ирон поэт Плиты Хаджумар. Уый у Ирыстоны иудзинады символ.

"Рес"-ӕн официалон сайт фӕзынд 2003 азы 7 апрелы, уый фӕдыл интернеты алкӕцы пайдагӕнӕгӕн дӕр фӕзынд фадат исын информаци РХИ цауты тыххӕй.

"Фӕлтӕрддзинад равдыста, Хуссар Ирыстоны мидӕггагон ӕмӕ ӕддагон политикӕмӕ кӕй ис стыр интерес. Абоны бон ног хабӕрттӕ ӕмӕ комментаритӕ, кӕцытӕ вӕййынц cominf.org сайтыл, пайда кӕнынц сӕ хъусинӕгты дард ӕмӕ ӕввахс фӕсарӕнты автоитетон ДИФ-тӕ. Сайтыл ӕрвылбонон ног хабӕрттӕй дарддӕр ис информаци Хуссар Ирыстоны историйы тыххӕй, аналитикӕ ӕмӕ афтӕ дарддӕр", - банысан колдта агентады разамонӕг, РХИ сгуыхт журналист Харебаты Мая.

Информацион агентад ӕмӕ радио Sputnik Хуссар Ирыстоны коллегтив арфӕ кӕнынц "Рес"-ы кусджытӕн, ӕмӕ сын сӕ цӕст уарзы ног сфӕлдыстадон ӕнтыстытӕ, хорз ног хабӕрттӕ, хӕрзӕбон ӕмӕ сабырдзинад.

2