Цхинвалы рынчындон

Ног рынчынтӕ нӕй: санитарон уагдон коронавирусимӕ уавӕры тыххӕй Хуссар Иры

7
(ранӕуӕггонд 11:30 03.09.2020)
Республикӕйы пандемийы райдайӕнӕй сбӕрӕг кодтой 90 фӕрынчынуӕвӕджы, 89 пациенты сӕнӕниз сты

ЦХИНВАЛ, 3 сен – Sputnik, Хъуылымбегты Азӕмӕт. Хуссар Ирыстоны ивгъуыд суткӕйы не сбӕрӕг кодтой коронавирусӕй ног рынчынтӕ. Инфекцион рынчындоны хоскӕнынад цӕуы иу пациент COVID-19 диагнозимӕ, фехъусын кодта Sputnik республикӕйы сӕйраг санитарон дохтыры хӕдивӕг Гаглойты Анна.

"Иу суткӕмӕ ауагътам 30 тесты, уыдон иууылдӕр радтой ӕппӕрццаг фӕстиуджытӕ. Стационарон хайады хоскӕнынад цӕуы иу пациент коронавирусы диагнозимӕ", - загъта Гаглойты Анна.

Уый банысан кодта, карантины кӕй сты 142 адӕймаджы, кӕцытӕ ӕрцыдысты республикӕмӕ фӕстаг бонты.

Хуссар Ирыстоны пандемийы райдайӕнӕй сбӕрӕг кодтой коронавирусон инфекцийӕ 90 фӕрынчынуӕвӕджы, уыдонӕй 89 сӕнӕниз сты.

Хуссар Ирыстоны дарддӕр ис ӕнӕмӕнг карантин ӕрцӕуӕггӕгтӕн. Изоляцийӕ ссӕрибар кодтой коронавирусӕй уый размӕ чи фӕрынчын, уыдоны. Уый тыххӕй уыдон хъуамӕ радтой анализтӕ Цӕгат Ирыстоны ӕмӕ бавдисой уый фӕдыл справкӕтӕ.

7
Теннис

Хуссарирыстойнаг теннисисттæ хайад исынц Уæрæсейы чемпионаты сахъатты хсæн

1
(ранӕуӕггонд 15:10 28.09.2020)
Арæнæвæрд уавæртимæ спортсменты хсæн уæлыстол теннисæй ерыстæ уагъд цæуынц 25-æй 30-æм сентябрьмæ Чебоксарты

ЦХИНВАЛ, 28 сен - Sputnik. Хуссар Ирыстоны минæвæрттæ хайад исынц Уæрæсейы чемпионаты уæлыстол столы теннисæй, кæцы уагъд цæуы арæнæвæрд уавæртимæ спорсменты хсæн. Ерыстæ райдыдтой Чебоксарты 25 сентябры æмæ адарддæр уыдзысты 30 сентябры онг, хъусын кæны РХИ фæсивæдон политикæ æмæ спорты комитеты пресс-службæ.

Хуссар Иры уæлыстол теннисы федерацийы сæргълæууæг Джиоты Мириан куыд радзырдта, афтæмæй ерысты хайад исынц Куыдзеты Игорь æмæ Козаты Олег.

"Куыдзеты Игорь у фæлтæрдджын спортсмен æмæ хауы йæ классы уæрæсейы 15 хуыздæр теннисистты номхыгъды. Козаты Олег та фыццаг хатт архайы Уæрæсейы чемпионаты. Уый у ерысты иууыл æвзонгдæр спортсмен, цæуы йыл æрмæстдæр 14 азы", - загъта тренер.

Уый бафтыдта, зæгъгæ, йæ кармæ æнæкæсгæйæ, Козаты лæппу хъазы Уæрæсейы хуыздæр теннисисты æмрæнхъ. Олег, йæ къухдариуæггæнæджы ныхæстæм гæсгæ, тынг фæцыд Уæрæсейы æмбырдгонды эксперттæ æмæ тренерты зæрдæмæ.

1
Цхинвал

Хуссар Иры ивгъуыд къуырийы авариты бахъыгдард сты ӕртӕ адӕймаджы

3
(ранӕуӕггонд 15:08 28.09.2020)
Барадхъахъхъӕнӕг органты кусджытӕ радзырдтой ивгъуыд къуырийы республикӕйы фӕндӕгтыл уавӕры тыххӕй

ЦХИНВАЛ, 28 сен - Sputnik. Хуссар Ирыстоны ивгъуыд къуырийы ӕрцыд ӕрӕ фӕндагон-транспортон цауы, уыдон фӕстиуӕгӕн ӕртӕ адӕймаджы бахаудтой республикӕйы бирӕпрофилон медцентрмӕ алыгъуызон цӕфтимӕ. Уый тыххӕй къуырисӕры хъусын кӕны республикӕйы МХМ пресс-службӕ.

Хуссар Ирыстоны фӕндӕгтыл 21-28 сентябры ӕдӕппӕт банысан кодтой фӕндагон змӕлды 187 фӕткхӕлды. Се хсӕн разынд аст шофыры, кӕцытӕ хӕдтулгӕтӕ скъӕрдтой нозтджынӕй.

Ивгъуыд къуыри барадхъахъхъӕнӕг органты кусджытӕ нӕ рабӕрӕг кодтой фыдракӕндтӕ, ӕрмӕст иу адӕймаджы ӕрурӕдта Цхинвалы районы милици ӕхсӕнадон фӕтк фехалыны тыххӕй.

3